Morgunblaðið - 26.10.2004, Blaðsíða 33

MORGUNBLAÐIÐ ÞRIÐJUDAGUR 26. OKTÓBER 2004 33
DAGBÓK
Opnunartími:
Mán.-fös. kl. 11-18, lau. kl. 11-14
Hverafold 1-3 • Torgið Grafarvogi • Sími 577 4949
Skipagötu 5 • Akureyri • Sími 466 3939
Vantar þig
fallega dragt á
góðu verði sem þú sérð
ekki annars staðar?
Nú er rétti tíminn til
að gera góð kaup
Allt að
50% afsl.
af flottri vöru á flottu verði
Til dæmis
Dragtir kr. 8.500
Kápur kr. 7.990
Bolir kr. 500 & 1.000
Flauelsdragtir 5.990
Sköpunartextar Gamla testamentisinsverða til umfjöllunar á samnefndu nám-skeiði sem hefst í kvöld kl. 20, en þar munKristinn Ólason guðfræðingur veita þátt-
takendum innsýn inn í alla helstu sköpunartexta
Gamla testamentisins. Fjallað verður um bak-
grunn textanna og nokkru ljósi varpað á byggingu
þeirra, merkingu og markmið. Auk þess verður
gerð tilraun til að svara spurningunni um gildi eða
hlutverk slíkra texta í nútímanum þar sem hug-
myndir manna um tilurð heimsins byggjast á vís-
indalegum rannsóknum fremur en trúartextum.
Kristinn Ólafsson segir Gamla testamentið að
vissu marki vera þann grunn sem kristin trú
byggist á. „Án Gamla testamentisins getur verið
harla erfitt að skilja framsetningu kristinnar trú-
ar í Nýja testamentinu,“ segir Kristinn. „Reyndar
má ganga enn lengra og fullyrða að þær trúar-
áherslur sem settar eru fram í Nýja testamentinu
séu að mörgu leyti óskiljanlegar nema í ljósi
þeirra hefða sem Gamla testamentið geymir.“
Hvaða þýðingu hefur Gamla testamentið í nú-
tímanum?
„Þýðing Gamla testamentisins fyrir nútímann
felst ekki síst í því sem þegar hefur verið sagt um
hlutverk Gamla testamentisins í trú kristinna
manna. Textarnir gefa trúarsögu til kynna og sú
saga er ávallt samofin lífi manna og kvenna við
ólíkar aðstæður á mismunandi tímum. Af þeim
sökum getum við lært af textunum, því þeir gefa
okkur verulegar upplýsingar um það hvernig
textar hafa verið notaðir frá kynslóð til kynslóðar.
Gamla testamentið sjálft er þannig mikilvæg
heimild um túlkunarsögu sem hófst fyrir meira en
þrjú þúsund árum.“
Hvað getum við lært af því sem Gamla testa-
mentið geymir?
„Lærdómurinn sem Gamla testamentið miðlar
nútímafólki er margs konar. Sumir lesa Gamla
testamentið á forsendum sagnfræði eða forn-
leifafræði, aðrir lesa textana á forsendum bók-
menntafræði, bókmennta- og listasögu, eða mál-
vísinda. Enn aðrir lesa Gamla testamentið í ljósi
kristinnar guðfræði.
Svo eru þeir sem lesa Biblíuna á eigin for-
sendum. Allir fá eitthvað út úr lestrinum. Flestir
þekkingu, sumir huggun og uppörvun. Sumir
finna svör við áleitnum spurningum um tilvist-
arvanda mannsins, hjá öðrum vakna fleiri spurn-
ingar en þeir fengu svör við. Það er í öllu falli eng-
in tilviljun að Gamla testamentið er hluti af Biblíu
kristinna manna og hefur verið það frá upphafi.“
Námskeiðið verður haldið næstu fjóra þriðju-
daga í Safnaðarheimili Grensáskirkju og endar
það því 16. nóvember. Skráning fer fram á vefnum
www.kirkjan.is/leikmannaskoli eða við upphaf
námskeiðsins í kvöld. Kostnaður er 5.000 kr.
Trúmál | Námskeið um sköpunartexta Gamla testamentisins í Grensáskirkju
Grundvöllur kristinnar trúar

Kristinn Ólason er
fæddur á Selfossi 2.
maí 1965. Hann lauk
guðfræðinámi frá HÍ ár-
ið 1992 og BA í klass-
ískum fræðum árið
1996. Þá lagði hann
stund á doktorsnám í
gamlatestamentis-
fræðum við háskólana í
Bamberg og Freiburg í
Breisgau á árunum
1996–2002. Frá 2003 er Kristinn rannsókn-
arstyrkþegi hjá RANNÍS og stundakennari við
guðfræðideild Háskóla Íslands. Maki er Harpa
Hallgrímsdóttir nemi og eiga þau 3 börn.
1. c4 Rf6 2. Rf3 b6 3. d4 e6 4. g3 Ba6 5.
b3 Bb4+ 6. Bd2 Be7 7. Bg2 c6 8. Rc3
d5 9. Re5 Rfd7 10. Rxd7 Rxd7 11. cxd5
cxd5 12. 0–0 0–0 13. He1 Hc8 14. Hc1
b5 15. e4 b4 16. Ra4 dxe4 17. Bxe4 Rf6
18. Bf3 Bb5 19. Hxc8 Dxc8 20. d5 Bxa4
21. bxa4 Dc4 22. dxe6 Dxa2 23. exf7+
Hxf7 24. Bg5 Bc5 25. He2 Da3
Staðan kom upp í A-flokki Haust-
móts Taflfélags Reykjavíkur sem lauk
fyrir skömmu. Snorri G. Bergsson
(2.265) hafði hvítt gegn Guðmundi
Kjartanssyni (2.171). 26. Bxf6! Hxf6
27. Dd5+ Hf7 28. He8+ Bf8 29. Hxf8+!
og svartur gafst upp enda mát eftir
29. … Kxf8 30. Dd8#. Lokastaða móts-
ins varð þessi: 1.–2. Jón Viktor Gunn-
arsson (2.390) og Dagur Arngrímsson
(2.295) 7 vinninga af 9 mögulegum.
3.–4. Kristján Eðvarðsson (2.230) og
Snorri G. Bergsson (2.265) 5½ v. 5. Páll
A. Þórarinsson (2.245) 6.–7. Hrannar
Baldursson (2.141) og Sævar Bjarna-
son (2.318) 4 v. 8. Guðmundur Kjart-
ansson (2.171) 3½ v. 9. Björn Þor-
steinsson (2.226) 3 v. 10. Heimir
Ásgeirsson (2.117) 1 v.
Hvítur á leik
SKÁK
Helgi Áss Grétarsson | dagbok@mbl.is
Bréf til blaðamannafélagsins
VEGNA fréttar í fjölmiðlum 20.
október s.l. um menn sem réðust inn
í afgreiðslu DV langar mig að velta
upp spurningum varðandi rétt fólks
gagnvart árásum blaðamanna.
Ég vil fyrst taka það fram að ég er
algerlega á móti svona ofbeldi eins
og þarna kom fram og dettur aldrei í
hug að mæla því bót.
Vangaveltur mínar snúast um það
hvaða rétt hinn almenni borgari hef-
ur gagnvart árásum sem gerðar eru
á prenti af hálfu blaðamanna. Ég hef
tekið eftir því undanfarið að ýmsir
hafa verið að setja út á skrif DV um
sín mál og þá er ég ekki að tala um
svonefnda handrukkara eða þekkta
glæpamenn, heldur venjulegt fólk
úti í bæ. Fólk sem hefur orðið fyrir
því að lenda á forsíðu þessa blaðs
þar sem búið er að snúa út úr orðum
þess og slá því upp sem æsifrétt.
Ég þekki til í einu svona dæmi og
veit að þegar viðkomandi sneri sér
til blaðamannsins, fékk hann bara
útúrsnúning og leiðindi í stað svara.
Það kom alls ekki til greina að leið-
rétta lygina, líklega vegna þess að
sannleikurinn var ekki eins söluvæn-
legur og skáldskapurinn. Þegar
blaðamaðurinn var spurður út í
ástæðu þessarar fáránlegu birtingar
var svarið það að almenningur ætti
rétt á að vita þetta.
Sú saga sem ég er hér að vitna í
var einkamál fólks og það erfitt fjöl-
skyldumál.
Ég hef ekki séð ástæðu til þess að
kaupa þennan snepil eftir þetta en
hef séð það í hillum búða. Alltaf
skulu þeir finna eitthvað nýtt til þess
að slá upp á forsíðu og alltaf dettur
mér í hug: hmm, hversu mikið af
þessu ætli sé satt?
Ég varð þess vegna ekkert hissa
þegar ég sá fréttina sem ég gat um
hér í upphafi. Áður en ég sá um
hvaða einstaklinga var að ræða, datt
mér í hug að núna hefði einhver
fengið alveg nóg af lyginni í þessu
blaði. Kannski má ég ekki kalla
blaðamenn DV lygara nema ég sé fé-
lagsmaður í Blaðamannafélagi Ís-
lands? Það virðist allavega vera
þannig að ef svo er, má maður „hag-
ræða“ sannleikanum eins og manni
sýnist.
Auðvitað er ofbeldi aldrei lausn
neinna mála. Það vita allir viti bornir
menn. En við skulum ekki heldur
gleyma almennu siðferði í orðum
jafnt sem gjörðum.
Anna Málfríður Jónsdóttir.
Kennaraverkfallið
ÉG SKRIFA þetta bréf vegna þess
að ég er orðin dauðþreytt á þessu ei-
lífa verkfalli.
Er ekkert verið að hugsa um
hvernig okkur sem gjöldum þess líð-
ur? Á að reyna að draga þetta enda-
laust ? Af hverju er einmitt kennsla
svona illa borguð? Svo eru kannski
einhverjir ungir og óreyndir sem
voru að reyna sig við kennsluna, fá
vinnu, kenna í nokkrar vikur og svo
vilja menn bara fara í verkfall, en
kennararnir hafa ekkert til að lifa á
nema þessa smán sem þeir hafa í
bætur!! Af hverju geta þeir ekki
samið og aflétt þessu öllu? BORGIÐ
KENNURUM ALMENNILEG
LAUN!!!!!
Dagbjört Andrésdóttir, 8. bekk,
Klébergsskóla, Kjalarnesi.
Velvakandi
Svarað í síma 5691100 kl. 10–12
og 13–15 | velvakandi@mbl.is
Mál og menning
hefur gefið út í
kilju bókina Mis-
kunnsemi Guðs
eftir Kerstin Ek-
man í þýðingu
Sverris Hólm-
arssonar. Bókin
fjallar um Hillevi
Klarin, nýútskrif-
aða ljósmóður frá Uppsölum, sem
kemur til starfa í afskekktum smábæ
í Norður-Svíþjóð. Hún rekur sig fljótt á
að veruleiki þess fólks sem þar lifir
lýtur öðrum lögmálum, og fyrr en varir
slær í brýnu milli hennar og kreddu-
fullra bæjarbúa sem kemur af stað
spennandi atburðarás er afhjúpar
djúpstæðar mannlegar kenndir.
Skáldsaga
Hjá Máli og menn-
ingu er komin út í
kilju spennusagan
Skáldið eftir Mich-
ael Connelly í þýð-
ingu Brynhildar
Björnsdóttur.
Bókin fjallar um
blaðamann sem
rannsakar dul-
arfullt lát bróður síns.
Skáldsaga
Bókin Bakkabræð-
ur eftir Jóhannes
úr Kötlum með
myndum Tryggva
Magnússonar er
komin út í útgáfu
Máls og menning-
ar. Flestir þekkja
sögurnar um
Bakkabræður
sem varðveittar
eru í Þjóðsögum Jóns Árnasonar. Hér
yrkir Jóhannes úr Kötlum um þessa
seinheppnu bræður, meðal annars
um tilraunir þeirra til að bera sólina
inn í bæinn í húfunum sínum, köttinn
sem át allt og bræðurna líka og ker-
aldið sem hafði botninn suður í Borg-
arfirði.
Þjóðsögur
Smásagnasafnið
Ástarflótti eftir
Bernhard Schlink
er komið út í þýð-
ingu Þórarins
Kristjánssonar.
Það er Hávallaút-
gáfan sem gefur
bókina út. Í bók-
inni eru sjö smá-
sögur sem fjalla um Aðdráttarafl og
flóttaleiðir ástarinnar, sem viðjar van-
ans, bældar þrár og villuráf, bíræfin
hliðarspor og brotthlaup, sekt og af-
neitun.
Smásögur
Bókaforlagið Bjart-
ur hefur gefið út
Kjötbæinn eftir
Kristínu Eiríks-
dóttur. Hér segir
af stúlkunni Kötu
sem býr í blokk,
hlustar á þunga-
rokk, dansar
skottís við stand-
lampann, teiknar myndir af Kalvin sín-
um og glímir við skínandi jakuxa, milli
þess sem hún reynir að ráða í auglýs-
ingarnar í dagblöðunum.
Kjötbærinn er fyrsta bók Kristínar.
Ljóð
Skrudda hefur gef-
ið út bókina Heil-
agan sannleik eft-
ir Flosa Ólafsson.
Hér er um að
ræða stuttar sög-
ur sem að miklu
leyti fjalla um kon-
ur, enda hafa þær
frá fyrstu tíð verið
eitt helsta áhugamál höfundar, alveg
frá því að hann man fyrst eftir sér.