Morgunblaðið - 13.04.2003, Blaðsíða 3

hvítlauk (magn fer eftir smekk), hella vel af rjóma
yfir og láta malla. Á meðan rjómasósan er að
malla, skal fersku blóðbergi bætt út í og kjöt- eða
grænmetiskrafti til að styrkja bragðið.
Lambagrillsteikin kallar auðvitað á að grillið sé
hitað og eins og við vitum, er þá best að grilla allt
meðlætið. Í stað þess að pakka kartöflum í álpapp-
ír, er enn betra að skera þær í báta og leggja á grill-
ið, ásamt tómötum og lauk. Það tekur styttri tíma
og hver bátur grillast á öllum flötum.
Ágæt tilbreyting í meðferð á ofnsteikta lambalær-
inu, er að bera það fram með búlgugrjónum og
chillisósu. Það þarf í rauninni ekkert fleira, þótt
auðvitað noti hver og einn sitt hugvit til þess að
setja sinn persónulega blæ á réttinn.
Hunangslambasteikin býður upp á ótal mögu-
leika. Marineringin hér hefur sætukeim og því
hægt að leika sér með ávexti. Sú útfærsla sem hér
fylgir er að bera þessa gómsætu lambasteik fram
með couscous með saffroni, pistasíum, apríkós-
um, auk jógúrtsósu.
Rib-eye lambasteikin verður að mikilli veislu-
máltíð með tiltölulega einfaldri aðgerð. Það er gott
að matreiða hana með sesamfræjum og bera hana
síðan fram með pastasalati með gulrótum, feta-
osti, sólþurrkuðum tómötum, ferskri basiliku og
ólífuolíu.
Heilsufóður
Nútíminn vill ekki mör, nútíminn vill ekki fá upp í
sig fitu sem flæðir um munninn og eitt af iðn-
aðarleyndarmálum Norðlenska í vinnslu á Gour-
met kjötinu er fituhreinsun eftir mjög nákvæmum
aðferðum. Hver máltíð sem byggist á lambakjöt-
inu frá þeim er því sannkölluð heilsumáltíð. Kal-
oríum er stillt í hóf, kjötið má kallast af lífrænum
ættum og síðan ræður hver og einn hversu miklu
hann bætir við af kolvetnum, smjöri og rjóma. Því
eins og sagt er: Maður lifir bara einu sinni. Hvers
vegna ekki að njóta þess?
Gourmet lambakjötið er verkað á Húsavík þar
sem er að finna fullkomnustu framleiðslulínu fyr-
ir lamb í heiminum. Eftir slátrun er kjötið látið
fullmeyrna – en til þess hafa ekki allir aðstöðu í
dag. Með tilkomu úrbeiningarlínu fyrir lamb frá
Marel, hefur orðið bylting í vinnslu á lambakjöti.
Öll meðhöndlun kjötsins er minni en áður var, þar
sem kjötið fer mun hraðar í gegnum vinnsluferlið
en það gerði áður. Kæling á kjötinu er alltaf í há-
marki, sem skiptir höfuðmáli. Það er ljóst að
minni meðhöndlun, færri handtök og stöðug kæl-
ing viðheldur ferskleika og lengir geymsluþol
kjötsins. Gourmet lambakjötið er sérstaklega valið
og mikið snyrt.
6
1. Hunangslambasteik ásamt couscous með saffron, pistasíum,
apríkósum, auk jógúrtsósu.
2. Lambaribeye með sesamfræjum, borið fram með pastasalati
(gulrætur, fetaostur, sólþurrkaðir tómatar, basilikka og ólífuolía).
3. Ofnsteikt lambainnralæri með búlgurgrjónum og chillisósu.
4. Sinnepskryddað lamb með steiktu grænmeti (paprika, kúrbít-
ur, blaðlaukur og eggaldin, oregano og ólífuolía) og blönduðu
ólífusalati.
5. Lambagrillsteik með grilluðum kartöflum, grilluðum tómötum
og grilluðum lauk.
6. Gourmet lambalæri með rósmarín kartöflum, bökuðum hvít-
lauk og bökuðum perlulauk.
Umsjón Súsanna Svavarsdóttir