Morgunblaðið - 13.04.2003, Blaðsíða 8

Jafnvel hógværasta kaffibrauð hefst í æðra veldi þegar það er borið fram á fallegu stelli. Listin er að láta innihald og form tóna saman og gleðja augað
jafnt sem bragðlaukana. Og þegar meðlætið er af fínustu sort þá gefst ekki betra tilefni til að draga fram sparistellið úr skápunum og dekka borðið.
KONUNGLEGT KRUÐERÍ
1
3
4
2
7
56
1. Mávastellið sígilda frá Bing & Grøndahl sem
manni finnst næstum því að hljóti að vera íslenskt,
svo samgróið er það sunnudagskaffinu, er enn í fram-
leiðslu, nú hjá Royal Copenhagen. Möndlukökur og
heitt súkkulaði kórónar daginn. 2. Jugend empire-
stell frá Bavaria. Einfaldur glæsileiki í lit og formi
stendur fullkomlega undir konunglegri franskri
súkkulaðitertu. 3. Dagmar túrkis frá Royal Copen-
hagen, frá því um 1939. Franskt skólabrauð eða stúd-
entakökur með, konfektmoli með úrvals hnetum og
þurrkuðum ávöxtum. 4. Óviðjafnanlegur mintugrænn
litur í Dagmar-stellinu frá Royal Copenhagen tónar
fullkomlega við frönsku pistasíu-möndlukökurnar
sem bragðast jafn vel með kaffi og kampavíni. 5.
Mokkastell frá Royal Copenhagen. Örlítill kaffisopi
með litlafingur sperrtan, kvenleiki og þokki fylgir af
sjálfu sér. 6. Nóbelstell frá árinu 2000, hannað af
„silfurprinsinum“ Sigvard Bernadotte, sænska prins-
inum sem afsalaði sér titlinum þegar hann giftist
stúlku sem ekki var af tignum ættum. Hann skapaði
sér sinn eigin titil sem einn af brautryðjendum nor-
rænnar list- og iðnhönnunar. Berjasnitturnar setja
punktinn yfir hinn ferska, sænska anda. 7. Mokka-
stell frá því um 1840 frá Bavaria með súkkulaði-
bananaköku.
Stell frá Antik Kuriosa Kökur frá Sandholt bakaríi
Hvítur súkkulaðidrykkur
100 g hvítt súkkulaði
1⁄3 stöng vanilla frá Tahiti
1 lítri nýmjólk
mynta eða sítrónumelisa
Sjóðið kryddjurtirnar í mjólkinni en fylg-
ið annars sömu aðferð og notuð er við
heita súkkulaðið. Berið fram heitt eða
kalt.
Heitt súkkulaði
100 g dökkt súkkulaði manjari 64% frá
Valrhona
½ stöng vanilla frá Tahiti
4 dl létt mjólk
1,5 msk sykur
½ dl rjómi
½ stöng kanill
Hakkið súkkulaðið fínt í skál, skerið van-
illustöngina fyrir miðju og skafið kornin
úr. Mjólk, sykur, rjómi, kanill og van-
illukorn eru sett í pott og hituð að suðu.
Bætið súkkulaðinu í þremur til fjórum
skömmtum. Kælið yfir nótt til að leyfa
mjólkursýrunni að brjóta sig. Drykkurinn
verður þá flauelsmjúkur og skarpur. Hitið
súkkulaðið upp áður en það er drukkið
og berið fram með léttþeyttum rjóma.
Texti: Steinunn Haraldsdóttir Myndir: Áslaug Snorradóttir Uppskriftir: Ásgeir Sandholt