Morgunblaðið - 13.04.2003, Blaðsíða 13

Að sjóða egg
Notið nóg vatn svo það fljóti yfir eggin. Ekki nota
lok. Suðutími telst vera frá því að vatnið sýður. Ef
rifa er á skurninni er gott að salta vatnið dálítið.
Skolið eggin í köldu vatni þegar þau eru soðin, svo
auðveldara sé að ná skurninni af. Suðutími miðast
við að eggin séu nýtekin úr ísskáp.
Linsoðin egg – 3 mínútur.
Prófið að strá rifnum osti, sellerísalti, dilli eða
tabasco yfir soðið eggið. Ef eitthvað af eggjunum
verður afgangs er hægt að sjóða þau áfram í 8 mín-
útur í viðbót svo þau verði harðsoðin.
Harðsoðin egg – 9 mínútur.
Stærri egg þurfa aðeins lengri tíma en minni.
Spælegg
Spælegg steikist við vægan hita í bráðinni fitu, ekki
brúnaðri. Það er einnig hægt að nota dálítið af vatni í
staðinn fyrir fitu.
Að geyma eggjarauður
Setjið rauðurnar í bolla og vatn yfir og geymið í ís-
skáp. Getur geymst í 1 sólarhring. Ef rauðan er
hrærð út með dálitlu salti eða sykri má geyma hana í
frysti í allt að 6 mánuði (2 tsk sykur eða ½ tsk salt
fyrir 6 rauður).
Að geyma eggjahvítur
Ef hvíturnar eru settar í skál með þéttu loki geymast
þær í 6 daga í ísskáp. Allt að 8 mánuði í frysti.
Kínversk postulínsegg
Skemmtileg viðbót á morgunverðarborðið, sem
smáréttur eða með súpunni. Takið nokkur harð-
soðin, kæld egg. Rúllið þeim varlega á borði svo
skurnin smáspringi. Setjið í pott með mjög sterku tei
og telaufum og látið eggin liggja í leginum í klst. Þá
fá eggin marmaraáferð og líta út eins og postulín.
100 g af eggi innihalda 160 kaloríur.
Stell og 2 eggjabikarar: Duka
Hördúkar og röndóttir Ittala eggjabikarar: Kokka
Egg: Stjörnuegg
Annað hráefni: Nóatún
01 03
04 05
06 07
08 09 10
02