Morgunblaðið - 13.09.2003, Blaðsíða 18

m18
VILTU GLAS AF ZWEIGELT?
Austurríki er þekktast fyrir hvítvín en á síðustu árum
hefur mesta þróunin verið í rauðvínsgerð, ekki síst
vegna þess að Austurríkismenn sjálfir drekka
stöðugt meira af rauðvíni. Rauðvín eru framleidd í
nær öllum víngerðarsvæðum Austurríkis en hjarta
rauðvínsframleiðslunnar er í Burgenland suður af
Vín. Rauðvín úr þrúgunum Zweigelt, St. Laurent og
Blaufränkisch eru oft glettilega góð. Blaufränkisch
minnir svolítið á Cabernet Sauvignon í stílnum, er
stór, hörð og tannísk. St. Laurent minnir hins vegar
meira á Pinot Noir og unir sér vel við svipaðar
aðstæður. Zweigelt er hins vegar blendingur úr
tveimur fyrrnefndu þrúgunum sem búinn var til af
prófessornum Fritz Zweigelt árið 1922. Er Zweigelt
nú útbreiddasta rauðvínsþrúga Austurríkis. Hún er
stundum borin saman við Merlot, er mjúk og ein-
kennist af miklum kirsuberjaávexti. Inni á milli má
jafnvel finna rautt vín úr Bordeaux-þrúgunum klass-
ísku Cabernet Sauvignon og Merlot og öðrum
frönskum þrúgum á borð við Syrah og Pinot Noir.
Rétt eins og með hvítu vínin eru það hins vegar
austurrísku þrúgurnar sem alla jafna gefa af sér
bestu vínin. Öflugustu rauðvínstegundirnar koma
yfirleitt frá Mittel- og Südburgenland.
Austurrísku rauðvínin eru enn sem komið er ekki í
sama klassa og hvítvínin en þau gætu orðið það miðað við þá hröðu þróun sem er í gangi.
Sumir austurrískir sérfræðingar spá því jafnvel að Austurríki verði smám saman að rauðvíns-
framleiðsluríki, ekki síst ef hitastig heldur áfram að hækka líkt og síðustu ár. Þeir viður-
kenna að Austurríki eigi ekki möguleika að keppa við bestu rauðvín veraldar enn sem kom-
ið er en vona að sú verði raunin eftir tuttugu ár eða svo.
Z
w
ei
ge
lt
au
st
ur
rí
ki
SAUVIGNON FRÁ STEIERMARK
Syðsta víngerðarhérað Austurríkis og eitt hið fegursta
(ásamt Wachau) er loks Steiermark, sem skiptist í þrjú
undirsvæði, Weststeiermark, Südsteiermark og
Südoststeiermark. Þaðan kemur að mínu mati besti
matur Austurríkis og sömuleiðis mörg af bestu
vínunum. Stór og öflug vín, jafnt hvít sem rauð. Hvítu
þrúgurnar Sauvignon Blanc, Muskateller og
Welschriesling eru algengar, ferskar og sýrumiklar og
ekki síst ættu menn að gefa Sauvignon Blanc frá
Steiermark tækifæri, rekist þeir á slík vín.
Sauvignon frá framleiðendum á borð við Gross,
Wohlmut, Ploder og að ég minnist nú ekki á Skoff eru
vín í heimsklassa. Í nýlegri Steiermark-smökkun stóðu
vín þess síðastnefnda upp úr hvað hvítvínin varðaði.
Aflið og breiddin í vínunum þvílíkt, ekki síst í
Sauvignon Blanc Hochsulz 2002, að ég hef varla
kynnst öðru eins. Það vín var raunar slíkt tryllitæki
(áfengismagnið 16%) að maður veit ekki alveg við
hvaða tækifæri það gæti passað.
Þrúgan Chardonnay er einnig algeng í Steiermark
og gengur þar alla jafna undir nafninu Morillon. Vín úr
henni eru yfirleitt ágæt en það á við í Steiermark sem
í öðrum austurrískum héruðum að hún á ekki séns í
heimamennina. Manni finnst eiginlega synd að
vínræktendur skuli vera að eyða orku og landi í að
rækta Chardonnay í staðinn fyrir Riesling og
Sauvignon. En væntanlega er það gert að kröfu
markaðarins.
Rauðvín eru einnig ræktuð með góðum árangri í
Steiermark og minna að mörgu leyti á ítölsk vín (enda
ekki langt að ítölsku landamærunum). Nokkur þeirra
koma manni verulega á óvart, ekki síst vín úr
þrúgunni Blauer Wildbacher frá Weststeiermark.