Morgunblaðið - 07.12.2004, Qupperneq 4

4 ÞRIÐJUDAGUR 7. DESEMBER 2004 MORGUNBLAÐIÐ
FRÉTTIR
EIRÍKUR Jónsson, formaður KÍ,
segist þeirrar skoðunar að láta eigi á
það reyna gagnvart Mannréttinda-
dómstóli Evrópu eða Alþjóðavinnu-
málastofnuninni, hvort 3. gr. laga um
kjaramál kennara og skólastjórn-
enda í grunnskólum, sem sett voru á
Alþingi 13. nóvember sl. og bundu
enda á verkfall kennara, standist lög.
Tillaga þess efnis verður borin upp á
stjórnarfundi KÍ á föstudag.
Samningsrétturinn til ASÍ
Í þriðju greininni segir m.a. að
gerðardómur skuli við ákvörðun sína
hafa hliðsjón af almennri þróun á
vinnumarkaði frá gerð síðasta kjara-
samnings deiluaðila og jafnframt
gæta þess að stöðugleika efnahags-
mála og forsendum annarra kjara-
samninga verði ekki raskað. Eiríkur
segir að orðalagið „forsendur ann-
arra kjarasaminga“ þýði í raun að
ekki megi raska forsendum samn-
inga Alþýðusambandsins. „Og hverj-
ar eru þær forsendur? Að aðrir fái
ekki meira en þeir,“ segir Eiríkur, og
að þar með sé samningsrétturinn í
raun færður í hendur eins aðila í
landinu og gerðardómi gert að miða
við samning sem kennarar hafi alfar-
ið hafnað. „Ég myndi gjarnan vilja fá
að vita hvort þetta stenst,“ segir Ei-
ríkur og bendir á að hann hafi ekki
verið andsnúinn því að gerðardómur
úrskurðaði í deilunni, að því gefnu að
borin væru saman kjör sambæri-
legra stétta.
Íhuga að kæra orðalag
í lögum á kennara
ÓHÆTT er að fullyrða að háskóla-
nemar um allt land sitji nú myrkr-
anna á milli yfir námsbókunum
enda stendur jólaprófstörnin sem
hæst um þessar mundir.
Stúdentarnir mæta margir hverj-
ir snemma á lesstofur í skólum sín-
um, í niðamyrkri, og ganga út seint
að kvöldi, einnig í myrkri. En ljósi
punkturinn er sá að törninni fer
senn að ljúka og jólaleyfið er fram-
undan.
Nemendur Háskólans í Reykjavík
hafa aðgang allan sólarhringinn að
sinni lesaðstöðu. Flestir nýta þó
eingöngu daginn til lestrar en svo
eru það sumir sem telja best að lesa
á nóttunni, meðan aðrir sofa vært.
Morgunblaðið/Þorkell
Setið yfir bókunum
„ÞETTA er í raun og veru það sem
við mátti búast, að það yrði tiltölu-
lega lítill meirihluti sem myndi sam-
þykkja þetta,“ segir Eiríkur Jóns-
son, formaður Kennarasambands-
ins, um úrslit atkvæðagreiðslunnar
um kjarasamning kennara.
„Ég hefði alveg eins, að minnsta
kosti um tíma, átt von á að þessar
tölur hefðu snúist við. […] Þetta er
samningur sem er gerður undir það
sérstæðum kringumstæðum, þar
sem menn eru að velja á milli
tveggja kosta,“ segir hann.
Mikilvægt að aðilar læri
af samningsgerðinni
Eiríkur segist telja að margir
kennara hafi sagt „já“ til að deilan
færi ekki fyrir gerðardóm. „Þetta
var ekki sá samningur sem ég hefði
ætlað að gera, en ég gerði hann samt
af því að ég taldi að þetta væri skyn-
samlegri kostur heldur en að stefna
málinu fyrir dóm,“ segir Eiríkur
sem telur að töluverðan tíma muni
taka að lægja öldurnar sem hafa ris-
ið meðal kennara.
„Örugglega
munu einhverjir
hætta í starfi og
það er reyndar
alveg sama hvor
niðurstaðan hefði
orðið,“ segir
hann.
Að sögn Eiríks
mun fram-
kvæmdin á samn-
ingnum ráða mestu um framhaldið.
Til dæmis hafi verið samið um breyt-
ingar á skilgreiningu á vinnutíma,
svonefndum verkstjórnarþætti, til
að forgangsraða hvaða störf teldust
til faglegra starfa kennara o.s.frv.
„Kennarar verða í starfi sínu að
finna að það hafi verið samið um
breytingu. Framkvæmd samnings-
ins ræður alveg gífurlega miklu um
það hvort það verður friður um
skólastarfið eða ekki. Ég held að það
sé grundvallaratriði að allir aðilar,
sem að þessum samningi koma, ein-
hendi sér í að framkvæma hann á
þann hátt að sátt geti orðið um
hann.“
Eiríkur segir mikilvægt að aðilar
reyni að læra af samningsgerðinni.
„Ég held að það sé mikilvægt
núna að aðilar fari yfir ferlið hvor í
sínu lagi og velti fyrir sér hvað hefði
betur mátt fara og ekki síður hitt að
menn setjist niður saman og ræði
þessi mál og velti fyrir sér hvernig
er hægt að vinna þetta til að koma í
veg fyrir að svona lagað þurfi að ger-
ast aftur.“
Aðalatriðið sé að bíða ekki þar til
samningar renna út heldur hefjast
strax handa og vera „vakandi út
samningstímann“ og nýta þá mögu-
leika sem í samningnum eru. Eiríkur
segir að í samningnum séu bókanir
sem eftir sé að fara í gegnum og
endurskoðunarákvæði árið 2006 sem
m.a. tengist breytingum sem til
stendur að gera á skólakerfinu þar
sem færa á námsgreinar að hluta
eða öllu leyti frá framhaldsskólum á
grunnskólastigið. Mikilvægt sé að
ríki komi þar að.
Eiríkur Jónsson formaður Kennarasambandsins
Framkvæmd samningsins
ræður framhaldinu
Eiríkur
Jónsson
„ÉG FAGNA því að það skuli vera
kominn á kjarasamningur fyrir
grunnskólann, ég held að það sé
stóra málið,“ segir Birgir Björn Sig-
urjónsson, formaður samninga-
nefndar Launanefndar sveitarfélag-
anna, um úrslit atkvæðagreiðsl-
unnar.
Mátu fórnarkostnaðinn
það mikinn
„Í hugum sveitarstjórnarmanna
voru auðvitað miklar efasemdir líka.
Þetta er mjög dýr samningur og
margt í honum gekk raunverulega
þvert á það sem hafði verið vænst og
og stefnt að hjá okkur,“ segir Birgir
Björn.
„Ég held að menn hafi samt metið
fórnarkostnaðinn
það mikinn að það
væri nauðsynlegt
að gera þennan
samning. Ég held
að ég tali fyrir
munn margra, að
við erum sáttir
við þessa niður-
stöðu,“ segir
hann.
Komið hafi ver-
ið til móts við kröfur kennara um
mjög marga mikilvæga hluti, t.d.
styttingu kennsluskyldu og aukinn
undirbúningstíma.
En einnig hafi verið komið til móts
við ákveðnar breytingar á verk-
stjórnartíma á launapottum sem
gengu gegn markmiðum sveitarfé-
laganna.
Sennilega þarf mikla fræðslu
og kynningu á samningnum
„Nú erum við með í höndunum
nýjan samning sem við þurfum að
vinna út frá og sennilega þarf mikla
fræðslu og kynningu á þessum
samningi til að hann nái að róta sig á
þessum samningstíma sem er fram-
undan.“
Að mati Birgis Björns er mikil-
vægt að menn ræði málin á samn-
ingstímanum sem fram undan er og
finni leiðir til að koma í veg fyrir að
samningsgerðin dragist aftur á lang-
inn með tilheyrandi verkfalli eins og
nú.
Formaður samninganefndar Launanefndar sveitarfélaga
Sáttur við niðurstöðuna
Birgir Björn
Sigurjónsson
MEIRIHLUTI þeirra grunnskóla-
kennara á Fáskrúðsfirði sem sögðu
starfi sínu lausu 15. nóvember sl.
hafa nú óskað eftir því að fá að draga
uppsögn sína til baka.
Alls sögðu 15 kennarar upp störf-
um, ásamt aðstoðarskólastjóra, og
hafa 13 nú hætt við uppsögnina, að
sögn Eyglóar Aðalsteinsdóttur, að-
stoðarskólastjóra í Grunnskólanum
á Fáskrúðsfirði. Hún segir að þeir
kennarar sem ætli að halda uppsögn-
um sínum til streitu geri það af per-
sónulegum ástæðum.
Nokkuð var einnig um uppsagnir
kennara í Mosfellsbæ. Hjá skóla-
stjórum í Varmárskóla og Lágafells-
skóla fengust þær upplýsingar að
eitthvað væri um að kennarar hefðu
þegar hætt við uppsagnir, en aðrir
virtust bíða eftir niðurstöðu at-
kvæðagreiðslu sem nú liggur fyrir.
Kennarar draga
uppsagnir til baka