Morgunblaðið - 18.12.2004, Blaðsíða 6

6 LAUGARDAGUR 18. DESEMBER 2004 MORGUNBLAÐIÐ
FRÉTTIR
Ein vinsælasta bók ársins!
Góðir Íslendingar!
2.
sæti
Handbækur*
* Bóksölulisti PE/BMM 8. – 14. des. 2004
2. sæti
Handbækur
Hverjir eru Íslendingar?
Hvað finnst þeim um lífið og
tilveruna?
LANDEIGENDUR í Reykjahlíð í
Skútustaðahreppi hafa óskað eftir
því að iðnaðar- og viðskiptaráð-
herra beiti sér fyrir því að teknar
verði upp viðræður við Landsvirkj-
un um kaup landeigenda í Reykja-
hlíð á Kröfluvirkjun og Bjarnar-
flagsvirkjun en þetta verkefni
kalla landeigendur „Arðinn heim í
hérað“. Landeigendurnir, sem eru
um tuginn, hafa gert arðsemis- og
fjárfestingaráætlun vegna kaup-
anna og telja sig geta fjármagnað
þau. Eftir því sem Morgunblaðið
kemst næst gæti kaupverðið fyrir
virkjanirnar verið á bilinu 3,5 og
allt upp í 6,5 milljarða króna að því
gefnu að verðið fyrir megavattið sé
á bilinu ein til 1,5 milljónir dala.
Gengur ekki að skilja fólkið
bara eftir án atvinnu
Ólafur H. Jónsson, formaður
landeigenda, segir málið snúast
um það að eftir að kísilgúrverk-
smiðjunni hafi verið lokað renni
allur arður af virkjunum burt úr
héraðinu. Það gangi hins vegar
ekki að fólkið sitji bara eftir með
sárt ennið. Þessi leið sé hin eina
rétta í stöðunni, ekki síst ef
Landsvirkjun (LV) verður gerð að
hlutafélagi, vegna þess að þannig
komist arðurinn heim í hérað.
Þingmenn svæðisins hljóti að
styðja þetta.
Ólafur segir nú liggja fyrir, eftir
að hann hafi fengið greinargerð
frá forstjóra LV, að staðið hafi yfir
viðræður milli LV og ríkisins um
að Landsvirkjun yfirtaki þetta
svæði algerlega og þá með sér-
samningum við ríkið um að þeir
borgi fyrir eitthvað sem ríkið ekki
á. Landeigendum hafi hins vegar
ekki verið greint frá þessu eða
þeir spurðir. „Þetta er háalvar-
legur hlutur vegna þess að ef ríkið
telur að það eigi þarna endalausan
virkjunarrétt fyrir Kröfluvirkjun
sem upphaflega var samið um fyrir
nokkrar milljónir á sínum tíma þá
er það alger misskilningur af
þeirra hálfu, ef þeir halda að þeir
geti endalaust bætt við megavött-
um úr sama svæði án þess að tala
við landeigendur þá þekkja þeir
ekki hvað stjórnarskráin segir og
hvað eignarrétturinn er sterkur,“
segir Ólafur. „Nú eru breyttir
tímar og við viljum að arðurinn
komi á þann stað þar sem hann
myndast en sé ekki útdeilt eftir
geðþótta á suðursvæðinu.“
Í bréfi sem landeigendurnir hafa
sent ráðherra segir að þeir hafi
viljað leggja sitt af mörkum til at-
vinnuuppbyggingar í Mývatnssveit
og hafi í þeim tilgangi reynt að
hraða framkvæmdum sem þeir séu
að semja um við Orkuveitu
Reykjavíkur. „Landeigendur hafa
um langt skeið reynt að eiga já-
kvæð samskipti við Landsvirkjun
en án árangurs. Nú er orðið ljóst
að Landsvirkjun gerir allt sem það
félag getur til að trufla framgang
nýtingar landeigenda á eigin auð-
lindum. [–] Landsvirkjun sækir nú
í hitaréttindi landeigenda til rann-
sóknar með kröfu um forgang til
virkjunar – allt í því skyni að koma
í veg fyrir og trufla framgang
heimamanna sjálfra.“
Þá segir í bréfinu að nái Lands-
virkjun (LV) fram yfirlýstum
markmiðum sínum muni hún
virkja orkulindir Mývetninga ef og
þegar LV hentar og halda síðan
áfram að veita orku frá þeim auð-
lindum og arði af þeirri starfsemi
þangað sem LV hentar hverju
sinni.
Tekið er fram að landeigendur
hafi gert arðsemis- og fjárfesting-
aráætlanir vegna kaupanna og að
þeir telji sig geta fjármagnað þau
og rekið virkjanirnar á a.m.k. jafn-
arðsaman og öruggan hátt og LV.
Þá er tekið fram að landeigendur
telji sig eiga vísan stuðning Skútu-
staðahrepps og áréttað er sérstak-
lega að Orkuveita Reykjavíkur
komi ekki að beiðni landeigenda og
sé ekki fyrirhugaður bakhjarl eða
þátttakandi í kaupunum.
Landeigendur vilja
kaupa Kröfluvirkjun
Morgunblaðið/Birkir Fanndal Hara
VGK-verkfræðistofa átti snaran þátt í að hanna Kröfluvirkjun, en upphaf
virkjunarframkvæmda á háhitasvæðum hér á landi má rekja aftur til 1974.
Segja Lands-
virkjun og ríkið
vera að semja
bak við tjöldin
EIGENDUR Nóatúns, sem jafnframt eiga og reka
lágvöruverðsverslanir Krónunnar, hafa opnað kjöt-
borð í Krónunni við hlið Nóatúns við Hringbraut.
Sem kunnugt er skemmdist verslun Nóatúns í elds-
voða og verður hún ekki opnuð aftur fyrir jól.
„Við erum að líta til þeirra viðskiptavina sem hafa
treyst á okkur og leitað til okkar og vilja versla hjá
okkur. Það er ansi langt í næstu Nóatúnsbúð,“ segir
Sigurður Gunnar Markússon, rekstrarstjóri Nóatúns,
um opnun kjötborðsins. Þá hefur afgreiðslutími
Krónuverslunarinnar jafnframt verið lengdur.
„Við sáum þarna pláss og skelltum upp lítilli Nóa-
túnskjötdeild í Krónunni,“ segir Sigurður, og að þrátt
fyrir smæð sé um fullgilt kjötborð að ræða sem af-
greiði alla algengustu hluti úr kjötborði. Þess má
geta að starfsmenn í kjötdeild Nóatúns við Hring-
braut sjá um kjötborð Krónunnar.
Að sögn Sigurðar er vinna við enduruppbyggingu
Nóatúnsverslunarinnar í fullum gangi þótt ekki liggi
fyrir hvenær hún verður opnuð að nýju. Sem stendur
sé unnið að því að endurhanna lagnakerfi verslunar-
innar.
Morgunblaðið/Jim Smart
Guðmundur Hauksson sýnir girnilega jólasteik sem fæst í kjötborði Nóatúns – sem nú er komið í Krónuna.
Kjötborð Nóatúns í Krónuna
Starfsmenn við Hringbraut færa sig á milli húsa
Leita álits á kæru
á lagasetningu
STJÓRN Kennarasambandsins hef-
ur samþykkt að fela formanni KÍ að
leita álits lögmanna á því hvort
kæra skuli lagasetningu á verkfall
grunnskólakennara. Á vef KÍ kem-
ur fram að telji lögmenn rétt að
kæra málið til Alþjóða vinnu-
málastofnunarinnar, ILO, og/eða
til Mannréttindadómstóls Evrópu,
samþykki stjórnin að fela lögmönn-
um framkvæmd slíkrar kæru.
Lést af einu höggi
á gagnauga
BRÁÐABIRGÐANIÐURSTAÐA úr
krufningu á Ragnari Björnssyni sem
ráðist var á inni á veitingastað í Mos-
fellsbæ um síðustu helgi liggur fyrir.
Samkvæmt henni voru það áverkar
af einu höggi á gagnauga og efri
kjálka sem drógu hann til dauða.
Lögreglan í Reykjavík hefur yf-
irheyrt hinn grunaða sem og vitni að
atburðinum. Segir Hörður Jóhann-
esson yfirlögregluþjónn að rann-
sókn málsins sé mjög langt komin.
Hinn grunaði hefur verið úrskurð-
aður í áframhaldandi gæsluvarðhald
til 27. janúar að kröfu lögreglunnar.
Hann hefur kært úrskurðinn til
Hæstaréttar.
Ríkissaksóknari
fær áfrýjunarleyfi
HÆSTIRÉTTUR ákvað á miðviku-
dag að veita ríkissaksóknara leyfi
til að áfrýja dómi sem kveðinn var
upp í Héraðsdómi Reykjaness í
haust í máli manns sem ákærður
var fyrir árás á þáverandi eig-
inkonu sína. Refsingu yfir mann-
inum var frestað og haldi hann skil-
orð fellur hún niður.
Sökum þess hve refsing í málinu
var væg þurfti ríkissaksóknari að
fara fram á sérstakt áfrýjunarleyfi.
Samkvæmt upplýsingum frá
Hæstarétti er fremur fátítt að rík-
issaksóknari óski eftir áfrýj-
unarleyfi Hæstaréttar. Upplýsingar
um fjölda beiðna um áfrýjunarleyfi
sem berast frá ríkissaksóknara eru
á hinn bóginn ekki teknar saman
sérstaklega. Í fyrra var alls óskað
eftir 46 áfrýjunarleyfum og veitti
Hæstiréttur 22 leyfi en rétturinn
hafnar yfirleitt fleiri umsóknum en
hann samþykkir.
Níu vilja stjórna
Gæslunni
NÍU manns sóttu um embætti for-
stjóra Landhelgisgæslu Íslands en
umsóknarfrestur um starfið rann
út sl. miðvikudag. Hafsteinn Haf-
steinsson lætur af störfum sem
forstjóri Gæslunnar 1. janúar
næstkomandi. Fallist hefur verið á
ósk hans um tilflutning í starfi og
mun hann hefja störf sem skrif-
stofustjóri í utanríkisráðuneytinu.
Þeir sem sóttu um starfið eru:
Ásgrímur Lárus Ásgrímsson deild-
arstjóri, Friðrik Jónsson sendi-
ráðunautur, Georg Lárusson, for-
stjóri Útlendingastofnunar,
Halldór Ólafur Zoëga for-
stöðumaður, Kristján Björn Garð-
arsson forstjóri, Lárus Jóhanns-
son, fv. yfirdeildarstjóri, Magnús
Gunnarsson fjármálastjóri, Pálmi
Jónsson stýrimaður og Rafn Sig-
urgeir Sigurðsson sjómaður.
Í hvaða síma-
fyrirtæki er verið
að hringja?
KVARTANIR hafa borist til Neyt-
endasamtakanna vegna þess val-
kosts að flytja farsímanúmer milli
símafyrirtækja. Óánægjan beinist
að því að nú er ómögulegt að vita
í hvaða símafyrirtæki er verið að
hringja en dýrara er að hringja
milli símafyrirtækjanna en innan
kerfis eins og kunnugt er.
„Áður vissum við þegar við
hringdum úr kerfi eins símafyr-
irtækis og í kerfi annars símafyr-
irtækis og vissum að það er dýr-
ara en að hringja innan sama
símakerfis,“ segir í frétt á heima-
síðu Neytendasamtakanna. „En
vegna númeraflutningsins vitum
við ekki lengur hvenær við
hringjum á milli símakerfa.“
Þetta telja samtökin óviðunandi
og hafa Neytendasamtökin hvatt
Póst- og fjarskiptastofunun til að
grípa til aðgerða sem tryggja
nauðsynlega upplýsingamiðlun til
neytenda í þessu sambandi.
Þá benda Neytendasamtökin á
að nú hafi ítölsku neytenda-
samtökin hvatt til að gemsarnir
verði hvíldir í dag milli kl. 12 og
14. Neytendasamtök í fleiri lönd-
um ætla að taka þátt í baráttu
Ítalanna, í Póllandi, Portúgal,
Litháen, Spáni og Slóvakíu.