Morgunblaðið - 18.12.2004, Blaðsíða 42
42 LAUGARDAGUR 18. DESEMBER 2004 MORGUNBLAÐIÐ
FERÐALÖG
Þær eru saman í sauma-klúbbnum Snældunum,hittast mánaðarlega yfirkaffi og kruðeríi og greiða í
hvert skipti 2.500 krónur í ferðasjóð.
Sjóðurinn er vel geymdur inni á
ferðareikningi sem gott er að grípa
til þegar spennandi ferðir bjóðast.
Það gerðist einmitt nýverið þegar
frúrnar pökkuðu niður sólardressum
og héldu á vit ævintýranna á Jam-
aíku. Ferðin var á vegum Heims-
ferða, sem þær eru sammála um að
eigi hrós skilið fyrir góða skipulagn-
ingu enda hafi væntingar staðist
fullkomlega.
Þótt aldarfjórðungur sé nú liðinn
frá stofnun klúbbsins hafa orðið
mannabreytingar í gegnum árin,
konur hætt og aðrar komið í staðinn.
Núverandi meðlimir og þar með
ferðafélagar eru: Særún Sigurgeirs-
dóttir, Kristjana Möller, Aðalheiður
Þórhallsdóttir, Emma Magn-
úsdóttir, Bjarndís Lárusdóttir og
síðast en ekki síst Anna Lárusdóttir,
sem sér um ferðasjóðinn. „Okkur
fannst þessi ferð hljóma spennandi
þegar við sáum hana auglýsta og
ákváðum að slá til enda var sjóð-
urinn orðinn það bústinn að hann
dugði vel fyrir herlegheitunum,“
segir Særún, spurð um tilurð ferð-
arinnar.
Flogið var með tékknesku leigu-
flugfélagi, millilent í Gander í Kan-
ada þar sem stoppað var í klukku-
stund. Tvær máltíðir voru
framreiddar í hvorri ferð, en að öðru
leyti var þjónusta um borð í lág-
marki. Þegar lent var á Jamaíku tók
við frábært veður með 30°C á daginn
og um 25°C á kvöldin. Alltaf var
smágola á daginn og hitinn það góð-
ur á kvöldin að yfirhafnir reyndust
óþarfar.
Einstakt náttúruundur
„Fyrsta daginn fórum við í skoð-
unarferð til Montego Bay, sem er
annar stærsti bærinn á Jamaíku og
fjölsóttasti ferðamannastaðurinn
þar. Kynnisferðin hófst á heimsókn
á plantekruna Rose Hall þar sem við
kynntumst sögu staðarins, sem nær
til ársins 1700. Við komum við í leik-
húsi sem tileinkað er konungi reg-
gie-tónlistarinnar, Bob Marley. Þar
sáum við stutta kvikmynd um líf og
tónlist listamannsins. Í lok ferð-
arinnar var svo farið á markað þar
sem heimamenn og listamenn selja
vörur sínar.
Á öðrum degi fórum við í stutta
kynnisferð um miðbæ Ocho Rios og
snæddum hádegisverð á The Ruins,
mjög skemmtilegum útiveitingastað
með rennandi fossum. Þaðan héld-
um við til Dunn’s fossanna, sem eru
einstakt náttúruundur. Ævintýri lík-
ast er að klífa fossana með aðstoð
þrautþjálfaðra leiðsögumanna sem
leiddu hópinn í halarófu upp fossana.
Að loknu klifrinu, sem tók um
klukkutíma, gafst tækifæri til að
kíkja á markað staðarins. Næstu
dögum vörðum við svo í hugguleg-
heitum í hótelgarðinum og sleiktum
sólina. Fjórar úr hópnum fóru í báts-
ferð á vegum hótelsins þar sem gest-
um gafst m.a. kostur á að „snorka“ í
sjónum,“ segir Særún.
Hópurinn hélt til á Wyndham
Rose Hall, sem er í vernduðu um-
hverfi á fyrrum plantekru í útjaðri
Montego Bay, hinni sögufrægu Rose
Hall landareign. „Aðbúnaðurinn var
allur hinn flottasti og allt það til
staðar sem konur í fríi kann að
dreyma um: fín herbergi, glæsilegur
sundlaugargarður, golfvöllur, tenn-
isvöllur, líkamsræktarsalur, fjöldi
veitingahúsa og kráa innan dyra
sem utan. Ekki spillti það svo að
aldrei þurfti að taka upp veski því
allur matur og drykkir voru innifald-
ir í hótelverði.
Allur matur reyndist frábær og
fór vel í okkur. Við nutum þess
skemmtanalífs sem hótelið bauð upp
á og reyndist bara fínt fyrir okkur.
Hljómsveit spilaði á hverju kvöldi og
alls kyns skemmtikraftar tróðu upp.
Það hvarflaði hins vegar ekki að
okkur konunum að álpast niður í bæ
á kvöldin. Lítið fór fyrir verslun
þrátt fyrir að sex konur væru saman
á ferð enda lítið hægt að kaupa á
þessum slóðum nema kannski minja-
gripi. Í ofanálag átti ferðin svo alls
ekki að vera verslunarferð,“ segir
Særún, en þess má geta að Snældu-
konur hafa áður farið til Parísar,
Hamborgar, Amsterdam og Barce-
lona.
Á EYJU Í KARABÍSKA HAFINU | Saumaklúbburinn Snældurnar
Úr sólinni á Jamaíku
Sex vinkonur, sem nú
skipa saumaklúbbinn
Snældurnar, flatmöguðu í
sól og sumaryl í viku á
karabísku eyjunni Jamaíku
á meðan frosthörkur léku
lausum hala á Íslandi um
miðjan nóvember.
Wyndham Rose Hall Resort and
Country Club
P.O. Box 999
Montego Bay
Jamaica
Sími: 876 953 2650
wyndhamrosehallresort.com
Veitingastaðurinn The Ruins
17 Da Costa Drive
Main Street
Ocho Rios
Jamaica
Sími: 00876 974 8888
theruins@cwjamaica.com
http://www.ruinsjamaica.com/
Snældurnar: Anna Lárusdóttir, Bjarndís Lárusdóttir, Kristjana Möller, Að-
alheiður Þórhallsdóttir, Emma Magnúsdóttir og Særún Sigurgeirsdóttir.
Aðbúnaðurinn: Stóðst allar væntingar.
join@mbl.is
Munið
að slökkva
á kertunum
❄
❄❄
❄
❄
❄
❄
Treystið því aldrei að
sjálfslökkvandi kerti
slökkvi á sér sjálft.
Slökkvilið
Höfuðborgarsvæðisins
❄