Morgunblaðið - 18.12.2004, Blaðsíða 77

MORGUNBLAÐIÐ LAUGARDAGUR 18. DESEMBER 2004 77
DAGBÓK
❄❆ ❄
❆
❄❄ ❆
❄❄ ❄ ❄
Heilsustofnun NLFÍ
óskar landsmönnum gleðilegra jóla
og góðrar heilsu á komandi ári.
Starfsfólk
Heilsustofnunar NLFÍ í Hveragerði
❄
Félagsstarf
Félagsstarf aldraðra, Garðabæ |
Gönguhópur fer frá Kirkjukvoli kl.
10.30.
Félagsstarf Gerðubergs | Næstu viku
er opið virka daga kl. 9–16.30, (lokað á
aðfangadag), vinnustofur, spilasalur
og fl. Á mánudag skötuveisla í hádeg-
inu í Kaffi Berg. Allir velkomnir.
Hæðargarður 31 | Fjölskylduganga
Háaleitishverfis fer frá Hæðargarði kl.
10.
Eftir göngu kl. 10.30 er á boðstólum
súkkulaði og heit rúnstykki. Bók-
menntahópur, æfing kl. 11. Upplýsingar
í síma 562–3132.
Kirkjustarf
Grafarvogskirkja | Helgistund í and-
dyri Húsgagnahallarinnar kl. 14 á veg-
um Grafarvogskirkju. Þorvaldur Hall-
dórsson mun syngja og spila. Tilvalið
fyrir fólk að staldra við í jólainn-
kaupum á stundu sem þessari.
Háteigskirkja | Við aðventusöngva við
kertaljós i Háteigskirkju mun vígslu-
biskupinn, sr. Sigurður Sigurðarson,
flytja hugvekju. Mikið verður sungið,
barnakór sýnir helgileik og kirkjukór
Háteigskirkju syngur. Öllum verður af-
hent kerti, sem tendruð verða í at-
höfninni, sem hefst kl. 20, allir eru vel-
komnir.
Staður og stund
http://www.mbl.is/sos
ARNA Valsdóttir listakona býður gestum
og gangandi að heimsækja sig í Ketilhúsið
á Akureyri nú um helgina, en þá mun hún
setja upp ljósræna rannsóknarstofu og
vinna við það í 2 daga að kanna snertifleti
ljóss og skugga, hljóðs og þagnar, hreyf-
ingar og kyrrstöðu í tilteknu rými á til-
teknum tíma.
Arna kallar verkefnið sem hún er að
vinna að um þessar mundir Lífræna
Kviksjá. „Ég hef til fjölda ára þróað
ákveðið listform sem ég hef nefnt
Listvísindasmiðju/Listvirkjun og hefur
það nú þróast út í fyrirbæri þar sem
mannslíkaminn er í raun orðin arðan í
kviksjánni eða stjörnukíkinum eins og
þetta var kallað á mínum sokkabands-
árum,“ segir Arna. „Ég set ég upp eins
konar gagnvirka leikmynd með nútíma-
tækni t.d. myndvörpum, speglum, skjá-
vörpum og videotökuvélum, og gef gest-
um færi á að leika sér með eigin skynjanir
á samspili ljóss og skugga, mynstri,
speglun, hljóði og hrynjandi svo eitthvað
sé nefnt. Ég vinn út frá manninum sem
margmiðlunarfyrirbæri með einstaka
hæfni til margslunginna samskipta og
skilningarvitum okkar sem innbyggðum
margmiðlunarbúnaði.“
Arna lauk námi frá fjöltæknideild Jan
van Eyck academie í Maastricht í Hollandi
árið 1989 og hefur síðan unnið að því sem
hún kallar listvirkjun, bæði í gegnum eigin
sýningar sem og fjölþætt starf með
skólafólki á öllum skólastigum. „Ég hef
menntun bæði í tónlist og myndlist og
einnig sterkan bakgrunn í leikhúslífi og
hef markvisst unnið að því í lífi og starfi
að virkja tengsl hinna ýmsu listforma og
einnig tengsl listarinnar við daglegt líf. Ég
hef nýtt eigin söngrödd sem grunn að
hljóðverkum eða raddmyndum sem ég
tengi síðan við rými og tíma.“
Rannsóknarstofan verður opnuð kl. 14 í
dag og lýkur með uppskeruhátíð kl. 17 á
morgun.
Lífræn Kviksjá í Ketilhúsinu Brúðkaup | Gefin voru saman 22. maí
sl. í Laugarneskirkju af sr. Bjarna
Karlssyni þau María Erla Pálsdóttir
og Hrafn Árnason.
Árnaðheilla
dagbók@mbl.is
Skugginn/Barbara Birgis
Brúðkaup | Gefin voru saman 17. júlí
sl. í sumarbústað í Holtunum af sr. Eð-
varð Ingólfssyni þau Hrafnhildur Þór-
hallsdóttir og Guðjón Ingi Viðarsson.
Skugginn/ Barbara Birgis
SÝNING listakonunnar Öldu Ár-
mönnu í Sparisjóði Hafnarfjarðar í
Garðabæ hefur verið framlengd
sökum jólaanda. Í stað þess að loka
nú um helgina mun sýningin standa
gestum Sparisjóðsins til boða fram
á Þorláksmessu, en þá býður Spari-
sjóðurinn gestum sínum upp á heitt
súkkulaði í jólaösinni.
Sýning Öldu Ármönnu
framlengd
Brúðkaup | Gefin voru saman 26. júní
sl. í Dómkirkjunni í Reykjavík af sr.
Jóni Dalbú Hróbjartssyni þau Hanna
Margrét Einarsdóttir og Björgúlfur
Ólafsson. Með þeim á myndinni er
dóttir þeirra Margrét Birta.
LJÓÐ, leiklist og léttar veitingar
verða í boði í Borgarleikhúsinu í dag
kl. 14, en þá verður haldin hátíð til
heiðurs skáldunum Braga Ólafssyni
og Kristínu Ómarsdóttir.
Á þessari klukkustundarlöngu
dagskrá lesa höfundarnir tveir upp
úr nýjum skáldsögum sínum, leikrit
þeirra verða kynnt með stuttum at-
riðum og nemendur leiklistardeildar
LHÍ lesa ljóð eftir skáldin og bjóða
upp á söngatriði úr væntanlegri
leiksýningu.
Kynnt verða 2 ný leikrit eftir
Kristínu Ómarsdóttur sem verða
frumsýnd í janúar: Spítalaskipið í
leiklistardeild Listaháskólans, í leik-
stjórn Maríu Reyndal, og Segðu mér
allt á Nýja sviði Borgarleikhússins, í
leikstjórn Auðar Bjarnadóttur.
Þá verður metsölustykkið Belg-
íska Kongó, sem hefur gengið fyrir
fullu húsi í Borgarleikhúsinu síðan
síðasta vor, kynnt stuttlega. Eggert
Þorleifsson, sem hlaut Grímuverð-
launin á þessu ári fyrir hlutverk
Rósalindar í Belgísku Kongó, segir
einnig frá samskiptum sínum við þá
gömlu.
Veitingasala Borgarleikhússins
verður opin á meðan á dagskránni
stendur og tilboð verða í miðasölu
hússins: Þannig verða m.a. miðar á
fyrstu fjórar sýningarnar á „Segðu
mér allt,“ seldir á 1.800 krónur.
Miðasalan er opin frá tólf til átta
og gilda tilboðin allan daginn.
Nemendaleikhús Listaháskólans
býður einnig tvo leikhúsmiða á verði
eins á sýningarnar á Spítalaskipi.
Einnig verða eldri bækur skáld-
anna til sölu í Borgarleikhúsinu og
Samkvæmisleikir Braga Ólafssonar
og Hér Kristínar Ómarsdóttur verða
á sérstöku tilboðsverði.
Dagskráin er unnin í samstarfi
Borgarleikhússins, Borgarbóka-
safnsins og leiklistardeildar Listahá-
skólans.
Braga og Kristínu fagn-
að í Borgarleikhúsinu
Kristín
Ómarsdóttir
Bragi Ólafsson
HIN árlega andkristnihátíð íslenskra
pönkara, trúleysingja, stjórnleysingja
og annarra menningarkima fólks sem
hugsar út fyrir hina hefðbundnu
ramma samfélagsins, hefst í kvöld, en
þetta er í fimmta skiptið sem hátíðin er
haldin.
Andkristnihátíðin stendur nú yfir í
þrjá daga og hefst á Grand Rokk kl. 23
með tónleikum þar sem hljómsveit-
irnar Sólstafir, Changer og Dark
Harvest leika.
Á mánudag verða síðan tónleikar á
Gauki á Stöng kl. 21, þar sem Sólstafir,
Heiða og Heiðingjarnir og Curse leika
og á þriðjudag, dimmasta dag ársins,
verða síðan stórtónleikar í Hellinum,
tónleikasal Tónlistarþróunarmið-
stöðvar á Granda, kl. 17, en þar leika
sveitirnar Changer, Momentum, Klink,
The saddest day, Crepascular Rays,
Hrafnaþing, Krakkbot, Dark Harvest
og Terminal Wreckage.
Þvert á það sem margir kynnu að
halda er hátíðin ekki haldin vegna
jólanna eða kristni, heldur er henni
ætlað að minna á það að jólin eru hátíð
allra manna, en ekki einungis krist-
inna, enda eru jólin ein elsta hátíð nor-
rænna manna og víðar í heiminum. Þá
er því fagnað að daginn fer aftur að
lengja og birtir í hjörtum mannanna,
hvort sem þeir eru kristnir, múslimar,
ásatrúar eða engrar trúar.
Rokkararnir vilja minna á að jólin eru hátíð alls mannkyns.
Andkristnihátíð hefst í kvöld
LEIKFÉLAG Hafnarfjarðar, sem fagnar í ár 68 ára afmæli, sýnir í kvöld kl. 20
leikritið Birdy, en hér er um að ræða næstsíðasta verkið í röð sígildra nútíma-
verka sem félagið ákvað að setja á fjalirnar en síðasta verkið, Saga úr dýragarð-
inum, verður sýnt eftir áramót. Þetta er síðasta sýning leikfélagsins fyrir jól.
Leikstjóri Birdy er Ingvar Bjarnason.
Leikritið Birdy tekur á hörmungum stríða.
Síðasta sýning á Birdy fyrir jól
JÓLAMYND Kvikmyndasafns Ís-
lands í ár er danska kvikmyndin
Babettes gæstebud eða Gestaboð
Babette, en hana gerði leikstjórinn
Gabriel Axel eftir samnefndri
skáldsögu Karen Blixen. Myndin
verður sýnd í Bæjarbíói í dag kl. 16,
með íslenskum texta.
Hér segir frá Babette, sem vinn-
ur í happdrætti og efnir til veislu.
Veislugestir eru tólf og hún sjálf sú
þrettánda. Hún eldar af snilld og
snýst í kringum gesti sína.
Myndin dregur fram hugartengsl
við síðustu kvöldmáltíðina sem
haldin var fyrir tvöþúsund árum.
Þetta er síðasta sýning fram að
jólum en sýningar hefjast aftur 11.
janúar á nýju ári.
Gestaboð Babettu er
jólamyndin í Bæjarbíói