24 stundir - 12.04.2008, Blaðsíða 12

12 LAUGARDAGUR 12. APRÍL 2008 24stundir
Fáðu nýja spennukilju senda heim sex sinnum á ári!
645 kr!Fyrsta kiljan á aðeins Hrafninn er nýr kiljuklúbbur hjá Eddu útgáfu sem sendir félögum nýjar
spennusögur sex sinnum á ári. Nýir félagar geta valið milli tveggja
frábærra spennusagna, Ösku eftir Yrsu Sigurðardóttur eða Sjortarans
eftir James Patterson, og greiða aðeins 645 kr. fyrir kiljuna að viðbættu
sendingargjaldi. Auk þess geta nýir félagar Hrafnsins valið eina af sex
öðrum kiljum að gjöf!
Veldu aðra
kiljuna á aðeins
645 kr.
Glæný
kilja!
Glæný
kilja!
... og önnur að gjöf!
Hildur Heimisdóttir, Fréttablaðinu
Skráningar á
edda.is
eða í síma
522-2100
Nýir félagar í Hrafninum geta að
auki valið sér eina af þessum 6
frábæru spennusögum frítt með.
S P E N N U K I L J U R
alm
. verð þú greiðir
Ný spennukilja 1.9
80 kr. 645 kr.
Bók að gjöf 1.8
80 kr. 0 kr.
Sendingargjald
200 kr.
Samtals 3.8
60 kr. 845 kr.
Þú sparar 3.015 kr.
Inngöngutilboð:
Ítalir ganga að kjörborðinu nú
um helgina. Kosningar fara fram
þremur árum
fyrr en til stóð,
eftir að rík-
isstjórn Romano
Prodis liðaðist í
sundur í janúar.
Í síðustu könn-
unum hefur
flokkur Silvio
Berlusconis verið
í forystu. Gangi þær spár eftir á
Berlusconi von á því að verða for-
sætisráðherra Ítalíu í þriðja sinn.
Helsti andstæðingur Berlusconis
er Walter Veltroni, sem áður var
borgarstjóri Rómar.
Flokkar beggja frambjóðendanna
eru nýstofnaðir samsteypuflokk-
ar sem bjóða fram í fyrsta sinn. aij
Kosið á Ítalíu
Berlusconi
stefnir í forsæti
Þegar Danir hjúfra sig við nota-
legan arineld hleypa þeir efnum
út í loftið sem eiga þátt í jafn-
mörgum dauðsföllum og óbeinar
reykingar. Samgönguráðuneyti
landsins áætlar að 3.400 manns
látist fyrr en ella vegna óhrein-
inda í lofti, en þar eiga 600.000
eldstæði stóran hlut að máli.
Leggur umhverfisráðið til að síur
séu settar á skorsteina til að
vinna gegn vandanum. aij
Notalegur arineldur
Á við óbeinar
reykingar
Eftir Andrés Inga Jónsson
andresingi@24stundir.is
Ríkisstjórnir í Mið-Austurlöndum
og norðanverðri Afríku verða að
grípa sem fyrst til aðgerða til að
forðast hættuástand þegar fram
líða stundir. Þetta kemur fram í
nýrri skýrslu Alþjóðabankans, þar
sem meðal annars er bent á að
vatnsskorti megi þegar kenna um
1% lækkun þjóðarframleiðslu í
Marokkó, Alsír og Egyptalandi og
3% lækkun í Íran.
Hægt að afstýra ógæfu
Svæðið er eitt hið þurrasta í
heimi og gengur nú þegar afar
nærri vatnsbirgðum sínum. Áætlar
Alþjóðabankinn að vatn á hvern
íbúa verði árið 2050 helmingur
þess sem nú er, verði ekkert að gert.
Helstu ástæður þessa eru loftslags-
breytingar og fólksfjölgun.
Telja skýrsluhöfundar að enn sé
ráðrúm til að koma í veg fyrir að
hættuástand skapist. Ríkisstjórnir
þurfi að leggja áherslu á fjárfest-
ingu í viðhaldi dreifikerfa og upp-
byggingu innviða vatnsveitna.
Ennfremur er talin nauðsyn að
reisa afsöltunarverksmiðjur sem
vinna neysluvatn úr sjó.
Er bent á Túnis og Jórdaníu sem
lönd þar sem tekist hefur að auka
framboð á vatni og draga úr eft-
irspurn með góðum árangri.
Eftirspurn þarf að minnka
Mest munar um að fræða neyt-
endur um leiðir til að spara vatn.
Vatnsveitur þurfa að draga úr því
vatnsmagni sem þær missa vegna
uppgufunar og bændur eru hvattir
til að taka upp aðferðir við áveitu
sem nýta vatnið betur.
„Við þurfum einfaldlega að
minnka það vatnsmagn sem er
notað, sérstaklega við landbúnað-
arframleiðslu sem er ástæðan fyrir
um 85% notkunarinnar,“ segir
Julia Bucknall, sérfræðingur Al-
þjóðabankans í nýtingu náttúru-
auðlinda. „Það er einfaldara að
skipuleggja til framtíðar en að tak-
ast á við kreppuástand síðar meir.“
Mið-Austurlönd
að þorna upp
 Tafarlausra aðgerða er þörf til að tryggja íbúum Mið-Austur-
landa og norðurhluta Afríku nægt vatn í framtíðinni
➤ Í Mið-Austurlöndum og Norð-ur-Afríku er um 80% nýt-
anlegs vatns nýtt. Sunnan Sa-
hara er hlutfallið um 2%.
➤ Alþjóðabankinn gerir ráð fyr-ir að úrkoma minnki um 20%
á svæðinu til ársins 2050.
VATNIÐ EFTIRSÓTT
NordicPhotos/AFP
Börn í Bagdad Fjöldi fólks hefur takmarkaðan aðgang að hreinu neysluvatni.
Skiptar skoðanir eru meðal
skoskra viskíframleiðenda um fyr-
irhugaðar breytingar á flokk-
unarkerfi skoska viskísambands-
ins. Telja smærri brugghús að ný
hugtök sem sambandið ætlar að
innleiða muni leiða til ruglings
hjá neytendum og þrenginga hjá
framleiðendum.
Um er að ræða nýtt heiti á viskíblöndum sem eiga uppruna sinn hjá
fleiri en einu brugghúsi. Segja gagnrýnisraddir hætt við að blandað
viskí muni vegna þessa í síauknum mæli rata í innkaupakerrur þeirra
sem eru að leita sér að einmöltungum.
Mark Reynier, framkvæmdastjóri Bruichladdich á eynni Islay, segir
nýja flokkinn fundinn upp til að stærstu framleiðendurnir, Diageo og
Pernod Ricard, geti hámarkað hagnað sinn. andresingi@24stundir.is
Deilt um viskíblöndur
Meirihluti ástralskra karlmanna
er of þungur, en aðeins helmingur
þeirra gerir sér grein fyrir því.
Þetta er meðal þess sem fram
kemur í víðtækri könnun á lík-
amsástandi og sjálfsmynd fólks í
Ástralíu, sem framkvæmd var við
Tækniháskólann í Queensland.
Könnunin byggði á upplýsingum
um 34.000 fullorðna Ástrala. Í ljós
kom að rösklega 60% karlmanna í
úrtakinu væru með þyngd-
arstuðul yfir 30, og því of þungir.
Hins vegar sögðust aðeins 36%
karlmanna telja sig of þunga.
Kvenmenn reyndust raunsærri í
könnuninni. Þó bar nokkuð á því
að konur ofmætu eigin þyngd. aij
Karlar vanmeta
bjórvömbina
Bandarískir vís-
indamenn telja
sig hafa fundið
upp lyf sem veitir
líkamanum vernd
gegn áhrifum
geislunar. Slíkt
lyf myndi nýtast í
kjölfarið á kjarn-
orkuárás eða óhappi í kjarn-
orkuveri, og myndi nýtast
krabbameinssjúklingum við að
forðast ýmsar aukaverkanir
geislameðferðar. Rannsókn vís-
indamannanna hófst þegar þeir
könnuðu hvers vegna sumar
krabbameinsfrumur stæðu af sér
geislameðferð.
Virkni lyfsins byggir á því að það
heldur aftur af prótíni sem veldur
dauða frumu eftir að hún verður
fyrir geislun.
Prófanir á músum og mannöpum
hafa gefið góða raun. Vonast er til
að prófanir lyfsins á manneskjum
geti hafist á næstunni. aij
Hillir undir
geislunarveikilyf
Útgerðarmönnum á vestur-
strönd Bandaríkjanna verður í
sumar bannað að leggja fyrir lax
undan ströndum Kaliforníu og
Oregon. Er gripið til þessa ráðs
vegna hnignunar laxastofna í norð-
urhluta Kyrrahafs. Veiðar verða
áfram leyfðar í Washingtonfylki.
Oregonfylki mun veita undan-
þágu fyrir frístundaveiði um helg-
ar, en algert bann tekur gildi í Kali-
forníu.
Barbara Emley gerir bát út frá
San Francisco. Hún segir þetta ekki
koma sér á óvart. Telur hún ástand-
ið vera jafn slæmt og raun ber vitni
vegna þess hve fá seiði komast á haf
út. Útgerðarmenn hafi veitt þessu
athygli að undanförnu.
„Þess vegna vakti ákvörðun fisk-
veiðiyfirvalda ekki sérstaklega hörð
viðbrögð,“ segir Emley. „Við vitum
að þetta er raunverulegt vanda-
mál.“ andresingi@24stundir.is
Veiðibann í tveimur fylkjum Bandaríkjanna
Kyrrahafslaxinn nýt-
ur verndar í sumar