24 stundir - 12.04.2008, Blaðsíða 42
42 LAUGARDAGUR 12. APRÍL 2008 24stundir
24spurningar
Eftir Kristjönu Guðbrandsdóttur
dista@24stundir.is
Hvaða lifandi manneskju líturðu upp
til og hvers vegna?
Það eru svo margir og breytist á hverj-
um degi. Hversdagshetja og pabba í dag
og svo Wangari Maatahi nóbelsverðlauna-
hafa. Kona sem stofnaði Greenbelt-
hreyfinguna og var fyrsti umhverfisvernd-
arsinninn sem fékk friðarverðlaun Nóbels
árið 2004.
Hver er þín fyrsta minning?
Pabbi að keyra með mig á Seyðisfjörð
til Gunnu frænku í Willis-jeppanum. Ég
svona tveggja, ansi roggin en þó smá
beygur í hjarta. Mig minnir að unglings-
frænkur hafi verið með; Kristrún, Nína
og Auður. Man að fæturnir náðu ekki
fram yfir sætið og að mér fannst það ekki
smart.
Hver eru helstu vonbrigðin hingað
til?
Dauðinn og annað léttmeti, s.s. ok-
urvextir og stóriðjustefna, sem og aðrar
heimskulegar ákvarðanir stjórnvalda.
Hvað í samfélaginu gerir þig dapra?
Græðgi.
Leiðinlegasta vinnan?
Ji, ég er svo mikil Pollýanna að það er
fátt sem gerir mig leiða en ætli það séu
ekki þrif ýmis konar en mér líður sjaldan
betur en þegar það er búið.
Uppáhaldsbókin þín?
Lísa í Undralandi eftir Lewis Carroll en
mamma mía hvað getur maður sagt. Það
er svo mikið og margt sem hefur verið
ritað sem er stórkostlegt. En ætli ég nefni
ekki hér Birting eftir Voltaire og harm-
sögu ævi minnar eftir Jóhannes Birkiland.
Hvorutveggja góð lesning
Hvað eldarðu hversdags, ertu góður
kokkur?
Mér finnst ótrúlega gaman að smakka
eitthvað nýtt og búa til flókin og for-
vitnileg brögð svo það er ekki mikið um
ýsu með kartöflum en þeim mun meira
af tilraunastarfsemi.
Hver myndi leika þig í kvikmynd
byggðri á ævi þinni?
Dóttir Óla bróður, Sara Sigríður litla
frænka mín. Við erum ansi líkar, hún er
bara aðeins sætari.
Að frátaldri húseign, hvað er það dýr-
asta sem þú hefur fest kaup á?
Fyrir utan listaverk eftir vini mína sem
eru dásamleg þá eru það giftingarhringir.
Jibbí.
Mesta skammarstrikið?
Þau eru svo mörg. Ætli þetta sé ekki
allt eitt allsherjarskammarstrik
Hvað er hamingja að þínu mati?
Íslensk náttúra og fjölskylda mín.
Hvaða galla hefurðu?
Úps, hvar á ég að byrja? Óþolinmæði,
góðir hlutir gerast hratt en ég verð að
sætta mig við að flestir eru ósammála
Ef þú byggir yfir ofurmannlegum hæfi
leikum, hverjir væru þeir?
Að fá fólk til að sjá að náttúruvernd er
dyggð.
Hvernig tilfinning er ástin?
Hún er lífið, kærleikurinn er lífið.
Hvað grætir þig?
Lífið.
Hefurðu einhvern tímann lent í lífs-
hættu?
Örugglega oft, hef bara ekki tekið eftir
því … að lifa er lífshættulegt.
Hvaða hluti í eigu þinni meturðu
mest?
Lyklana að lífinu og fullt af dóti. Ról-
una í stofunni hjá mér, listaverkin eftir
vini mína og fagrar gjafir sem maðurinn
minn hefur gefið mér.
Hvað gerirðu til að láta þér líða vel?
Fyrir utan að fara í sund
og labba á fjöll … láta hluti gerast og
tónlist, tónlist, tónlist, tónlist, tónlist.
Hverjir eru styrkleikar þínir?
Löngun eftir því að láta hluti gerast og
gera þá. Hvatvísi og endalaus forvitni.
Hvað langaði þig að verða þegar þú
varst lítil?
Tónlistarkona, dýralæknir og fornleifa-
fræðingur, allt þetta klassíska.
Er gott að búa á Íslandi?
Jebb … sérstaklega þegar vorið er á
næsta leiti og þegar veturinn er storma-
samur … æði.
Hefurðu einhvern tímann bjargað lífi
einhvers?
Svona andlega já en kannski ekki lík-
amlega.
Hvert er draumastarfið?
Umhverfis-samhengis-þjóðhátta-
mannfræði-arkitektagullsmiður
Hvað ertu að gera núna?
Bulla. Það er það skemmtilegasta í
heimi …
Margrét Vilhjálmsdóttir
Margrét Vilhjálmsdóttir lauk
prófi frá Leiklistarskóla Íslands
árið 1994. Frumraun hennar var
í söngleiknum Hárinu hjá Flug-
félaginu Lofti þar sem hún fór
með hlutverk Sheilu. Margrét
hefur leikið margan kvenkost-
inn og þekkt fyrir hárfín leik-
tilþrif sín.
Hún hlaut Edduverðlaunin fyrir
leik sinn í Mávahlátri, kvikmynd
Ágústs Guðmundssonar, og um
þessar mundir leikur hún hina
þjáðu og ástlausu Önnu í Ívanov.
a
Ji, ég er svo mikil Pollýanna að það er fátt sem gerir mig leiða
en ætli það séu ekki þrif ýmis konar en mér líður sjaldan betur
en þegar það er búið.
24stundir/Golli
7 manna sjálfskiptur dísil sportjeppi...