24 stundir - 29.05.2008, Blaðsíða 17
24stundir FIMMTUDAGUR 29. MAÍ 2008 17
Þetta er saga um þrjá olíuapa.
Einn þeirra getur ekki talað, af
því að hann er með munninn
fullan af loforðum um stóriðju-
laust samfélag. Hann hafði meira
að segja verið kosinn forystuapi
vegna loforðanna. En hann stóð
ekki í stykkinu við að afla byggð-
arlaginu kvóta eða einhver önnur
störf. Svo að hann varð að éta of-
an í sig öll loforðin og stefnir nú
á mengandi pakka fyrir 500
manns, en hann getur ekki tjáð
sig um málið af því að hann veit
ekki neitt og vill ekki styggja
kjósendur.
Blindur olíuapi
Annar apinn getur ekki séð.
Honum var boðið í kaffi hjá æð-
islega góðum sendimanni og
sagði honum að hann gæti alveg
fórnað einum dal fyrir tandur-
hreina stóriðju sem rosalega heið-
arlegir menn vilja reisa. Með
dollaramerki í augunum fór ap-
inn til útlanda til þess að skoða
olíuhreinsunarstöð. Eftir nokkra
snafsa fóru nokkrir hvítflibbar í
rándýrum jakkafötum og hvítum
sloppum með hann í skoðunar-
ferð um afmarkað svæði, en það
eina sem blindi olíuapinn sá voru
runnar, tré og blóm. Svo að ap-
inn komst að niðurstöðu, ef fólk-
ið í apalandi vill ekki framfarir þá
yrði Jón Sigurðsson aldeilis hissa,
því hann hefði svo sannarlega
viljað olíuhreinsunarstöð á
Hrafnseyri. Hann hefði verið
hæstánægður með að sjá a.m.k.
300-400 olíuskip sigla inn og út
fjörðinn á hverju einasta ári um
ókomna tíð. Vá, olíuapinn blindi
veit sko alveg hvernig Jón Sig-
urðsson myndi hugsa í dag.
Mengunarlaus?
Þriðji olíuapinn heyrir ekki.
Alla vega ekki í vísindamönnum,
hvað þá í umhverfisvendarsinn-
um. Nú, til hvers! Þar sem þriðji
apinn er gamall og vitur og veit
allt miklu betur en allir aðrir.
Þess vegna berst hann fyrir meng-
unarlausri olíuhreinsunarstöð,
sem verður með hreinsunarbúnað
sem er ekki til. Hann telur meira
að segja að það taki ekki nema
þrjú til fjögur ár að finna upp
slíkan búnað. En hvað ef vinum
hans í mafíósaolíulandi tekst það
ekki, hvað þá? Svo berst hann líka
fyrir svakalega sterkum olíuflutn-
ingaskipum, þau eru meira að
segja tvöföld og sérstaklega styrkt
fyrir hafís, stórsjó og veðravít-
isátök. Ósökkvandi eins og Tit-
anic. Svo einfalt er málið!
Svartagull á silfurfati
En aumingja fólkið sem býr við
stjórn og þrýsting olíuapanna, því
er talin trú um að þetta sé eina
leiðin til þess að fá 500 störf. Já,
svartagull á silfurfati. Svo hefur
kvisast út að eldsneyti í apalandi
stórlækki í verði og verði jafnvel
ókeypis. Glætan! En nú þurfa
menn ekkert að óttast, geta sofið
vært og rótt af því að Rússagrýlan
er ekki til. Múltímillamafíósar eru
sko ekki neinar grýlur heldur
bara heiðarlegir og góðhjartaðir
menn sem eru örugglega fram-
úrskarandi rausnarlegir við vini
sína og velunnara. Næst fá þeir
kannski eitthvað með kaffinu, ef
vel til tekst að sannfæra þegnana
um að olíuhreinsunarstöð verði
að veruleika. Þá verða allir ríkir
og hamingjusamir í apalandi.
Höfundur er Reykvíkingur
Olíuaparnir þrír
UMRÆÐAN aStella Hauksdóttir
Þar sem
þriðji apinn
er gamall og
vitur og veit
allt miklu
betur en allir
aðrir. Þess vegna berst
hann fyrir mengunar-
lausri olíuhreinsunar-
stöð, sem verður með
hreinsunarbúnað sem er
ekki til.
Apaland „En aumingja
fólkið sem býr við stjórn
og þrýsting olíuapanna,
því er talin trú um að
þetta sé eina leiðin til
þess að fá 500 störf.“
Það er undirrituðum sérstakt
gleðiefni þegar andans stórmenni á
borð við Sigurjón Ara Sigurjónsson
stinga niður penna honum til heið-
urs og leggja grunn að nýjum og
spennandi fræðigreinum, til dæmis
þeirri nýstárlegu aðferð að beita
hvorki rökum né skynsemi í mál-
flutningi. Fyrirsögnin að grein hans
er enda sérstaklega vel valin: „Rök-
þrota fullyrðingar“ (24 stundir, 27.
maí).
Ný guðfræði
Sigurjón tjáir mér að ég hafi öðl-
ast fyrirgefninguna sjálfkrafa. Ekki
einhverja venjulega fyrirgefningu,
nei sjálfa fyrirgefningu syndanna,
fyrirgefninguna sem Jesús var drep-
inn fyrir. Eina sem ég þurfti að gera
var að fæðast Íslendingur. Þetta er
merkileg guðfræði og þykir sjálfsagt
sæta nokkrum tíðindum meðal
fræðimanna.
Ný sagnfræði
Sigurjón opinberar nýstárlega
sýn á hugmyndasögu Vesturlanda
sem honum hefur tekist að öðlast
án þess að frétta af byltingunni am-
erísku! Samkvæmt Sigurjóni eru
mannréttindi og lýðræði ekki bara
kristið fyrirbæri heldur er kristið
siðgæði beinlínis „skapað í anda
þess boðskapar sem nú er undir-
staða vestrænnar þjóðfélagsupp-
byggingar“. Nei, ég skil þetta ekki
heldur. Gamla sagnfræðin er auð-
vitað hallærisleg í samanburði.
Tökum til dæmis miðja þrettándu
öldina. Nú skyldi maður ætla að
kristninni hefði með einhverjum
örlitlum hætti tekist að þoka Evr-
ópu í átt til mannréttinda og mann-
úðar á 900 ára valdaskeiði ríkis-
kirkju með andlega einokun á
öllum sviðum. Gamla sagnfræðin
segir okkur þvert á móti að sjaldan
hefur Evrópa verið eins illa stödd.
Mannréttindi þekktust ekki, hvað
þá lýðræði. Frjáls hugsun var jafn-
óðum kæfð með ofbeldi, ef ekki
dugði annað. Hinn arabíski menn-
ingarheimur blómstraði á sama
tíma og fyrsta ljósið í myrkrinu
kom einmitt þaðan, arabísk vís-
inda- og heimspekirit voru þýdd yf-
ir á latínu, ásamt heimspekiritum
fornaldar og næstu fjórar aldirnar
hristu hugsuðir Evrópu af sér
hlekki kristninnar, allt fram til þess
að fyrstu vísar að samfélagsgerð nú-
tímans spruttu úr grasi við lok 18.
aldar. Sigurjón gæti tekið eigin
ábendingum og flett upp í einu
helsta riti hinna amerísku bylting-
armanna, sjálfstæðisyfirlýsingu
Bandaríkjanna. Enginn heldur því
fram að kristni hafi lagt nema lítið
eitt til þeirra hugsjóna sem þar
kristölluðust.
Evrópskt íslam
Sigurjón telur, sýnist mér, að
fyrst nútíminn byrji í Evrópu, og
Evrópa er kristin, þá sé nútíminn
kristninni að þakka. Hitt er þó allt
eins líklegt að kristnin hafi haldið
aftur af þróuninni enda eru fá ef
nokkur dæmi þess í sögunni að
kristin kirkja hafi stutt við mann-
réttindabaráttu eða hvatt til lýð-
ræðis. Frjáls hugsun í samfélagi
mannúðar og manngildis, frelsis og
réttlætis, er ekki hluti af kristinni
kennisetningu. Þvert á móti, mætti
frekar segja, enda setur kristnin
manninn í annað sætið á eftir guði.
Hagsmunir mannsins víkja fyrir
kristninni, áherslan er á guðsótta og
hlýðni, hnékrjúpandi biðja menn
bænar, syndarar aumir fyrir guði,
undirgefnir leitandi frelsunar. Ar-
abískt tökuorð lýsir þessu vel, orð
sem einmitt þýðir undirgefni við
guð: kristni er hið evrópska íslam.
Höfundur leggur stund á ritstörf
Hið evrópska
íslam
UMRÆÐAN aBrynjólfur Þorvarðarson
Frjáls hugsun
í samfélagi
mannúðar og
manngildis,
frelsis og
réttlætis, er
ekki hluti af
kristinni kennisetningu.
www.tækni.is
Nútíma nám
Tækniskólinn, skóli atvinnulífsins, er nýr framsækinn framhaldsskóli,
sem byggir á traustum grunni Fjöltækniskóla Íslands og Iðnskólans í
Reykjavík. Tækniskólinn býður upp á öflugt nám til stúdentsprófs þar
sem fjölbreytt úrval tækni- og iðnmenntunar er einnig í boði. Innan
skólans eru ellefu skólar, hver með sitt sérsviðs, sem mynda saman einn
öflugasta framhaldsskóla landsins.
Umsóknarfrestur er til 11. júní