24 stundir - 29.05.2008, Blaðsíða 28
28 FIMMTUDAGUR 29. MAÍ 2008 24stundir
Eftir Hauk Johnson
haukurj@24stundir.is
„Þetta er fjórða sumarið í röð sem
við bjóðum upp á skipulagðar
gönguferðir um dalinn og allir sem
í þær hafa farið eru á einu máli um
ágæti þeirra,“ segir Gísli Rúnar
Konráðsson, skipuleggjandi göngu-
ferðanna. Segir hann jafnframt að
kyrrðin í dalnum heilli ekki síður
en fegurðin. „Stærstur hluti dalsins
er mjög fáfarinn og um fremsta
hluta hans og þverdali fara naumast
aðrir en gangnamenn á haustin.“
Ferðunum fjölgar milli ára
Í sumar hyggst Gísli bjóða upp á
fjórar ferðir með misjöfnu sniði og
hafa ferðirnar aldrei verið eins
margar.
„Sú fyrsta er dagsferð, laugar-
daginn 14. júní. Þá verður gengið
frá Gilsbakka og yfir hið margfræga
Merkigil. Helgarnar 18.- 20. júlí og
1.- 3. ágúst verður svo gengið niður
Austurdalinn. Verður þá ekið út að
Grána við Geldingsá og gist þar
fyrstu nóttina en daginn eftir verð-
ur gengið að sæluhúsinu Hildarseli,
alls um 25 km leið. Í þeirri ferð
verður einnig gengið um Stóra-
hvamm þar sem talið er að villt
birki vaxi í mestri hæð yfir sjáv-
armáli á Íslandi.“
Í öllum ferðunum verður farið
yfir Jökulsá eystri á kláfi og komið
við á kirkjustaðnum Ábæ sem
kominn er í eyði. Þar er þó messað
um hverja verslunarmannahelgi og
munu ferðalangarnir þá helgina fá
tækifæri til að sækja slíka messu.
Öll fjölskyldan velkomin
Þátttakendur í göngunum hafa
verið allt frá tíu ára gamlir til rúm-
lega sjötugs, og helgina 15.- 17.
ágúst er ráðgerð ferð með nýju
sniði fyrir alla fjölskylduna. Þá
verður gengið að Hildarseli fyrsta
daginn þar sem gist verður bæði
kvöldin í notalegri fjölskyldu-
stemningu en á laugardeginum
verður farin dagsferð í Fögruhlíð.
Allar ferðir sumarsins enda svo á
Bakkaflöt, í heitum pottum og
kvöldmat. Þeir sem vilja kynna sér
þessar spennandi ferðir nánar geta
haft samband við Gísla Rúnar sjálf-
an í símum 453 6634 eða 893 6634,
eða í gegnum netfangið gislirk@ar-
skoli.is.
Farið er yfir Jökulsá eystri
á kláfi í gönguferðunum.
Nýr valkostur í gönguferðum
Friðsæld og fegurð
Austurdalur í Skagafirði
hefur síðustu ár getið sér
gott orð hjá göngu-
görpum sem sækja þang-
að í síauknum mæli.
Auk mikillar náttúrufeg-
urðar er dalurinn afar fá-
farinn og kyrrðin því
mikil.
➤ Stærstur hluti dalsins er mjögfáfarinn og um fremsta hluta
hans og þverdali fara naum-
ast aðrir en gangnamenn á
haustin.
➤ Í Stórahvammi er talið að villtbirki vaxi í mestri hæð yfir
sjávarmáli á Íslandi.
➤ Þátttakendur í göngunumhafa verið frá tíu ára til rúm-
lega sjötugs og í sumar verða
farnar fjölskylduferðir.
AUSTURDALUR
Háskólinn á Bifröst er staðsettur
í Norðurárdal í Borgarfirði, ein-
ungis um 100 km frá höfuðborg-
inni. Skólinn og íbúar í sveitinni
búa við fallegt umhverfi en eld-
stöðin Grábrók, Norðurá og foss-
inn Glanni eru í næsta nágrenni
auk þess sem Baula, eitt tignarleg-
asta fjall landsins, gnæfir yfir land-
inu. Úr gluggum setustofu skólans
má sjá fjöldann allan af fallegum og
þekktum fjöllum. Má þar nefna
Grjótháls í austri, Skarðsheiði og
Skessuhorn í suðri og Vikrafell,
Selmúla og Bæjarás í vestri.
Sveitungar njóta náttúrunnar
Jóhannes Már Dagbjartsson,
formaður Ungmennafélagsins Bif-
rastar, segir að fólkið á svæðinu,
jafnt háskólanemarnir og fólkið í
sveitinni í kring, sé duglegt að nýta
sér nálægðina við fjöllin og náttúr-
una.
„Fólk er í allskonar gönguhóp-
um og við erum líka með göngu-
ferðir og fjallgöngur fyrir ung-
lingana okkar,“ en hátt í 500
ungmenni eru skráð í félagið og
koma þau bæði af háskólasvæðinu
og af bæjunum í nágrenninu. „Við
spilum líka fótbolta og iðkum aðr-
ar hefðbundnar íþróttir. Eldra fólk-
ið á svæðinu er ekki jafn mikið í
skipulagðri íþróttastarfsemi. Þó var
hér starfrækt utandeildar hand-
boltalið og lengi hafa verið uppi
hugmyndir um stofnun körfu-
boltaliðs.“
Á heimasíðu Háskólans á Bif-
röst, www.bifrost.is, má finna ít-
arlegar lýsingar á fjölmörgum
spennandi gönguleiðum, skrifaðar
af Eysteini Jónssyni, fyrrverandi al-
þingismanni og áhugamanni um
útivist.
Fjölbreytt útivistartækifæri við Bifröst
Falleg náttúra
allt í kring
VORIÐÚTIVIST
vorid@24stundir.is a
Það er einkum kyrrðin sem
heillar göngufólk.
Landslagið
með gleraugum jarðfræðingsins
Tilvalin fræðslustund fyrir alla fjölskylduna!
AÐGANGURÓKEYPIS!
F ræ ð s lu e rind i o g n á ttú ru s ko ðun
Leiðs ö g n: J ó n E iríks s o n, J arðv ís ind as to f nun Hás kó lans
S e s s e ljuh ús u mh verf iss etur, S ó lh e im u m
la u g a rd ag inn 3 1. m a í k l. 1 3
w w w.s e s s elju hu s.is
Ferðaskrifstofa
Sjóðheittsólarlottó!
Spilaðu með og láttu sólina leika við þig.
Fyrstur kemur, fyrstur fær.
Nánari upplýsingar og bókanir
á www.plusferdir.is
Í boði eru 200 sæti til Krítar, Marmaris, Mallorca og Costa Del Sol.