24 stundir - 29.05.2008, Blaðsíða 32

32 FIMMTUDAGUR 29. MAÍ 2008 24stundir
Eftir Hauk Harðarson
haukurh@24stundir.is
„Í dag kaupa flestir sér gasgrill,
þau hafa náttúrlega ótvíræða kosti.
Þau eru fljót að hitna og maður
losnar við vesenið með kolin. Ég
mæli samt með því að fólk kaupi
líka kolagrill til að eiga,“ segir
Ingvar sem notar kolagrillið þegar
hann vill fullkomna eldamennsk-
una. „Ég nota gasgrillið hversdags
en kolin eru meira alvöru. Fyrir
dýra og flotta steik og alveg sérlega
vandað og gott hráefni nota ég
kolin, ekki spurning, af því að ko-
lagrillin gefa hið eina sanna grill-
bragð. Gasið verður aldrei annað
en ódýr eftirlíking af því. En þá
skiptir líka mjög miklu máli að
nota ekta viðarkol, sem líta út eins
og brenndir spýtukubbar, en ekki
pressuð kol. Þau eru reyndar
helmingi dýrari en venjuleg kol en
þau gefa líka helmingi meiri hita.“
Þrífa strax eftir notkun
„Það skiptir öllu máli að þrífa
grillgrindina vel og það er langbest
að gera það strax að notkun lok-
inni. Ekki bíða með það þangað til
næst og fara þá að bursta af grill-
inu. Best er að bursta strax og
draga smá matarolíu yfir teinana
að því loknu til að sporna við
ryði,“ segir Ingvar. Hann segir
einnig mjög gott að bera jurtaolíu
á grillið áður en grillað er. Það
kemur í veg fyrir að maturinn
festist á teinunum. „Það er einnig
lykilatriði að þerra allan mat mjög
vel áður en hann er settur á grillið
og pensla svo með olíu.“
Lambasteik fyrir byrjendur
Aðspurður um tilvalið hráefni
fyrir byrjendur í grillmennskunni
er Ingvar fljótur til að svara. „Það
er gott að byrja á lambinu, það er
varla hægt að klúðra því af því að
það er hægt að bera það fram alla-
vega steikt.“ Ingvar starfar nú við
að elda ofan í starfsfólk Lands-
virkjunar, sem nýtur góðs af grill-
hæfileikum Ingvars. „Ég er með
risastórt grill hérna sem ég ýti
stundum út fyrir, oft tvisvar í viku
yfir sumartímann. Það er ekkert
slegið slöku við í því og húrrandi
metnaður í gangi. Starfsfólkið er
svakalega ánægt með þetta og
flestir passa sig á því bóka ekki
fundi úti í bæ í hádeginu á
fimmtudögum,“ segir Ingvar að
lokum.
Ingvar Sigurðsson matreiðslumeistari er einn besti grillari landsins
Notar kolagrillið
fyrir fínustu steikur
Ingvar Sigurðsson er einn
mesti grillmeistari lands-
ins. Hann var yfirkokkur á
Argentínu í 15 ár auk
þess sem hann stjórnaði
sjónvarpsþættinum „Við
grillið“ í nokkur ár. Hann
miðlar af reynslu sinni til
þeirra sem stefna á
glæsta sigra fyrir framan
grillið í sumar.
Ingvar Kann sitthvað fyrir
sér fyrir framan grillið.
➤ Lambakjöt er tilvalið fyrir þásem eru að prófa sig áfram í
grillmennskunni.
➤ Mikilvægt er að þrífa grilliðstrax eftir notkun og pensla
teinana með matarolíu til að
koma í veg fyrir ryð.
FYRIR BYRJENDUR
Tilvalin leið til að sameina alla
fjölskylduna við grillið úti í garði á
sólríkum sumardegi er að grilla
pitsur. Börnin munu elska það og
foreldrarnir geta leikið sér að því
að prófa sig áfram með álegg á
pitsuna, til dæmis ljúffengan
mozzarella-ost eða ferskar krydd-
jurtir. Ferlið er nokkuð fljótlegt en
mikilvægt er að hafa athyglina við
eldamennskuna svo pitsan brenni
ekki við.
Gott að hafa áleggið tilbúið
Fyrst skal hafa í huga að hafa
grillið hreint og svo er gott að setja
smávegis af jurtaolíu beint á grill-
ið. Galdurinn við að grilla pitsur
er að setja flatbökudeigið á grillið í
fimm til tíu mínútur og hafa lokið
niðri áður en áleggið er sett á. Þeg-
ar botninn er orðinn fallega gyllt-
ur og stökkur má snúa honum við.
Því næst er komið að því að setja
áleggið beint á pitsuna og þá er
mikilvægt að hafa hröð handtök.
Gott ráð er að hafa áleggið, sem er
valið eftir smekk, tilbúið á diski
við hliðina á grillinu. Þegar búið er
að setja áleggið á má loka grillinu
aftur í tvær til þrjár mínútur og
fylgjast vel með því að pitsan
brenni ekki við. Þá er hún tilbúin
og tími til að njóta hennar með
bestu lyst.
haukurh@24stundir.is
Að grilla pitsur er góð leið til að sameina alla við grillið
Tilvalið að grilla pitsur með börnunum
Gráðostakryddsmjör sem passar vel við allt
Í uppáhaldi á sumrin
Grillaður kjúklingur Fer
vel með kryddsmjörinu.
Ingvar Sigurðsson gefur hér les-
endum uppskrift af ljúffengu
gráðostakryddsmjöri. „Þessa upp-
skrift held ég mikið upp á. Þetta
er gráðostakryddsmjör sem passar
með nánast öllum grillmat, hvort
sem það er kjúklingur, naut, lamb,
svín eða grænmeti,“ segir Ingvar.
250 g smjör
125 g gráðostur
3 sólþurrkaðir tómatar
2 hvítlauksgeirar
6 svartar ólífur
lítið knippi af steinselju
Smjörið og gráðosturinn eru
látin ná stofuhita og svo sett í skál
og unnið vel saman með sleif. Því
næst eru sólþurrkuðu tómatarnir,
hvítlaukurinn og ólífurnar saxaðar
niður ásamt steinseljunni. Þessu
er blandað út í smjörið og ostinn
og allt unnið vel saman. Síðan er
þetta sett á plastfilmu og rúllað
upp og sett í kæli. Það má þó bera
kryddsmjörið fram beint en þá
verður það eins og mauk. Eins og
áður kemur fram passar þetta ein-
staklega vel með nánast öllum
grillmat en Ingvar gefur hér ráð-
leggingar að kjúklingabringum til
að hafa með þessu. Bringurnar
eru þerraðar vel með pappír, því
næst kryddaðar með salti og pip-
ar. Loks er kjúklingurinn pensl-
aður með ólífuolíu og grillaður
við vægan hita í 15 til 20 mínútur.
Rétt áður en kjúklingabringurnar
eru teknar af grillinu á að kreista
sítrónusafa yfir og krydda með
pipar úr kvörn. Þetta er borið
fram með fersku salati, gráð-
ostakryddsmjörinu og ferskum
grilluðum maís.
haukurh@24stundir.is
Það getur vafist fyrir mörgum að
stilla hitann á grillinu þannig að
steiking fari vel fram. Sannleik-
urinn er sá að hitinn á grillinu fer
eftir litnum á kjötinu sem grillað
er. „Ljóst kjöt á borð við kjúkling
og svínakjöt er steikt við vægan
hita á meðan naut er steikt við
mjög snarpan og háan hita,“ segir
Ingvar Sigurðsson grillmeistari.
Þeir sem eru gjarnir á að brenna
kjúklingabringurnar ættu að hafa
þetta í huga næst þegar kveikt er
upp í grillinu.
hh
Hitinn á grillinu
fer eftir litnum
VORIÐGRILLIÐ
lifsstill@24stundir.is a
Kolagrillin gefa hið eina sanna grillbragð. Gasið
verður aldrei annað en ódýr eftirlíking af því.