Morgunblaðið - 02.07.2003, Blaðsíða 34

matur
Sunrise Chardonnay
Ljósgulur og bjartur litur með mikinn
þokka. Fremur unglegur ilmur sem
minnir á banana, vanillu og kanil.
Suðrænir ávextir áberandi og má þar
nefna mangó og ananas. Geysilega
ferskt með góðri fyllingu í mjög góðu
jafnvægi. Frábært veisluvín sem
gengur vel í fjöldann. Passar vel með
sjávarmeti, salötum og ljósu kjöti.
Frábært vín í sumarbústaðinn.
Casillero del Diablo Chardonnay
Skærgult og tært. Mjög aðlaðandi
ilmur með þungum ananasilmi og
smjöráferð. Ferskt og snarpt en fágað
með skemmtilega flóru af ávöxtum í
bland við mjúka eik. Langt og gott
eftirbragð sem er örlítið kryddað.
Matarmikið vín sem nýtur sín best með
ljósu kjöti, salötum og fiskmeti.
Snilldar sumarvín og passar vel í
garðveisluna.
Montana Sauvignon Blanc
Strágult á lit og mjög tært. Mikið um
sítrus í ilmi og ef vel er að gáð má
finna papriku.
Mikill ávöxtur, ferskar jurtir og
sítrustónn í bragði. Ákaflega ferskt og
lifandi vín með mikinn karakter. Gott
með grilluðum laxi og ýmiss konar
salati með t.d. ólívum og fetaosti.
Einnig frábært með kjúklingi og
svínakjöti.
Codorniu Semi-Seco
Stráljósgulur á lit og með fínlegar
bólur og mikið líf. Í nefi er það opið
og ávaxtaríkt með smá hnetukeim. Epli
og ristað brauð eru áberandi í bragði.
Ferskt og gott jafnvægi á milli sykurs
og sýru. Frábært vín með smáréttum
og sætindum og engin spurning um
það að hér er um að ræða vín sem
passar vel í brúðkaup og aðrar
stórveislur.
Vínin með matnum
Harðsoðin egg á spjóti með hráskinku
og sinnepskremi
4 harðsoðin egg . 2 samlokubrauðsneiðar . 1 vorlaukur, fínsaxaður
. 10 g smjör . 1/2 tsk sinnepsduft . 100 g philadelpia-rjómaostur .
salt og svartur pipar . 4 hráskinkusneiðar . 50 g ruccola-salat
Skerið hvert egg í þrjá jafnstóra bita. Skerið skorpuna af brauðinu.
Leggið plastfilmu yfir brauðið og fletjið út með kökukefli. Mótið hringi
sem eru jafn stórir og þvermál eggjabitanna. Mýkið laukinn í smjörinu.
Hrærið ost, sinnepsduft og lauk saman. Smakkið til með pipar og salti.
Setjið sinnepskrem, brauðhring, hráskinku og ruccola-salat á milli
eggjabitanna. Stingið grillpinna í gegn og berið fram. (4 stk.)
Hráskinkusneiðar vafðar utan um
grissini með ólívu-hnetusósu
Grissini-brauðstangir eftir smekk . hráskinkusneiðar eftir smekk .
20 g valhnetur . 170 g svartar ólívur . 3 msk ólívuolía . 1 msk
sítrónusafi . 1 hvítlauksrif . salt á hnífsoddi
Fínhakkið hneturnar í matvinnsluvél. Setjið ólívurnar saman við. Hakkið.
Setjið restina saman við. Maukið. Vefjið hráskinkusneiðum utan um
grissini-stangirnar. Berið fram með maukinu.
lifun