Morgunblaðið - 02.07.2003, Blaðsíða 37

matur
lifun
Frá grænmeti til grænmetis
Nú og næstu vikur er sannarlega uppskerutími íslensks grænmetis sem er
brakandi ferskt í verslunum. Möguleikar grænmetis til matargerðar eru
óþrjótandi og ekki úr vegi að njóta ferskleika hráefnisins meðan hann er
sem mestur. Sæmundur Kristjánsson, matreiðslumaður og eigandi veitinga-
staðarins Á næstu grösum, fangaði ferskleikann með sumarlegum og
seiðandi grænmetisréttum.
Gulrótarsúpa með taílensku bragði
450 g gulrætur, skornar í jafna bita . 1 laukur, saxaður . 2 hvít-
lauksrif, söxuð . 2,5 cm engiferrót, fínt söxuð . 1 stk sítrónugras,
fínt saxað . 1 chillí, kjarnhreinsað og fínt saxað . 1/2 tsk karrý-
mauk, paste eða duft . 1 tsk kóríanderfræ . 400 ml kókosmjólk .
700 ml grænmetissoð, má vera búið til úr teningi . 2 msk safi úr
límónu . 2 msk ferskt kóríander, saxað . salt og pipar . olía.
Bakið gulræturnar í olíu í ofni á 200° hita í 20-25 mínútur eða þangað til
þær eru aðeins farnar fá á sig gylltan lit, setjið til hliðar. Hitið olíu í potti
og setjið laukinn, hvítlaukinn, engiferið, sítrónugrasið, chillí, karrý og
kóríanderfræ út í og eldið við lágan hita í um 5 mínútur til að kryddið
nái vel saman. Setjið gulræturnar, kókosmjólkina og grænmetissoðið
saman við og komið upp suðu. Minnkið þá hitann og sjóðið rólega í 8-
10 mínútur, bætið límónusafa út í og fersku kóríander og smakkið til.Grænmetið er í boði íslenskra grænmætisbænda.
Borðbúnaður Líf og list
Ljósmyndir Gunnar Sverrisson
Grillað grænmetissalat með kús kús
1/2 l heilhveiti kús kús . 1/2 l vatn . 1/2 eggaldin . 1/2 gul, rauð
og græn paprika . 1 rauðlaukur . 4 vorlaukar . 1/2 búnt steinselja,
söxuð . 1/2 búnt basilíka, söxuð . 1 límóna eða sítróna, kreist .
ólívuolía . salt og pipar
Sjóðið og saltið vatnið, setjið kús kús út í. Eftir að kús kús er komið í
vatnið verður að taka pottinn af hellunni, setja lokið á og láta hann
standa í 6 mínútur. Takið svo sleif og hrærið aðeins í til að fá smá loft í
það. Grillið allt grænmetið, kryddið það og skerið í hæfilega bita eða
sneiðar. Bætið því út í kús kúsið ásamt kryddjurtum, sítrussafanum og
olíunni. Smakkið til og berið fram heitt eða kalt. Einnig er gott að setja
klettasalat og kirsuberjatómata í salatið. (Fyrir 4-6).