Morgunblaðið - 02.07.2003, Blaðsíða 40

matur
Hægsteiktir tómatar með mozzarella
6 fallega rauðir tómatar . 1/2 bréf ferskt timían eða oreganó . 2
ferskar mozzarellakúlur . salt og pipar . ólívuolía
Skerið tómatana í tvennt, þvert á kjötið. Dreifið timíani á pönnu, hellið
ólívuolíu yfir, salti og pipar. Setjið vægan hita undir pönnuna, raðið
tómötunum á hana með hýðið niður og kryddið þá með salti og pipar.
Leyfið þeim að steikjast á annarri hliðinni í um 30-40 mínútur og hitinn
má ekki vera það mikill að kryddjurtirnar brenni. Þegar tómatarnir eru
tilbúnir skerið þá ostinn í hæfilega þykkar sneiðar, setjið þær ofan á
tómatana og kryddið með pipar. Einnig er hægt að nota olíuna sem til
fellur af pönnunni og setja yfir tómatana. Gott er að bera þennan rétt
fram með fiski eða kjúklingi eða bara einan og sér. Varla þarf að bera
sósu fram með þeim réttum þar sem þessir tómatar eru notaðir því þeir
eru mjög safaríkir.
Grilluð grænmetisgazpacho-súpa
400 g vel þroskaðir tómatar . 1 rauð og 1 græn paprika, skipt í
helminga og kjarnhreinsaðar . 1 rauðlaukur, skorinn í 5 mm hringi .
6 msk ólívuolía . 1/2 agúrka, skorin í bita . 2 hvítlauksgeirar,
sneiddir . 2 msk rauðvínsedik . 1 msk fersk óriganóblöð . 1/2 bréf
fersk basilíka . 1/4 búnt fersk steinselja . 1/4 tsk cúmín . 1/4 tsk
þurrkað timían . salt og pipar
Penslið tómatana, paprikuna og laukinn með hluta af olíunni og grillið á
vel heitu grilli í um 10 mínútur. Snúið grænmetinu við eftir þörfum þar
til það er búið að taka á sig fallegan og gullinn lit. Takið af grænmetinu
það sem á að nota sem skraut í súpuna. Setjið afganginn í skál, bætið
við 300 ml af vatni, agúrku, hvítlauk, ediki, kryddjurtum og kryddi og
afgangnum af olíunni. Leyfið þessu að marinerast í um 6 klukkustundir í
kæli. Setjið allt hráefnið í matvinnsluvél og maukið vel, sigtið í gegnum
meðalgróft sigti og berið súpuna fram vel kælda. Skreytið hana með
grænmetinu sem geymt var, skerið það í litla teninga, smakkið til. Í súp-
una má bæta sýrðum rjóma, rjóma eða tómatmauki ef vill. (Fyrir 4)
Salat með rifnum
gulrótum og rauðbeðum
200 g gulrætur, skrældar og rifnar niður
með rifjárni . 200 g rauðrófur, skrældar og
rifnar niður í rifjárni . 1/4 bréf fersk
mynta, skorin í fína strimla . 1 anísstjarna,
möluð fínt . 2 msk ristuð sesamfræ . 1 msk
ólívuolía . safi úr 1 límónu . salt og pipar
Blandið öllu hráefninu saman og smakkið til.
lifun