Morgunblaðið - 27.08.2003, Blaðsíða 16

innlit
lifun
Hverjar hafa þínar áherslur verið hvað varðar herbergin þeirra?
„Fyrst og fremst vil ég að herbergi þeirra séu persónuleg og sýni að
hluta karakter þeirra og smekk. Auk þess að vera þeim þægileg og
veita vellíðan.“
Hvað skyldi haft í huga við hönnun og innréttingar í barnaherbergi að
þínu mati?
„Öll börn eiga sína uppáhaldsliti, form og efni. Þau eiga að fá að ráða
litum, en svo er hægt að stjórna tónum í samræmi við önnur herbergi á
heimilinu svo heildin haldist. Það á að hafa hluti sem þau hafa sjálf
skapað í kringum þau svo og hluti tengda góðum minningum og góðu
fólki. Það á að ýta sem mest undir sköpunarkraft þeirra og láta hann
njóta sín í þeirra herbergjum.“
Algeng mistök við innréttingar og skipulag í barnaherbergjum?
„Þegar herbergið lítur út eins og mínístofa foreldranna.
Þegar foreldrarnir hafa gjörsamlega hannað herbergið eftir eigin smekk
og þörfum án tillits til persónuleika barnsins. Oft verða herbergin
ofhlaðin og of þröng en börn þurfa rými og gott loft og líður betur í
herbergi sem er minna en meira í.
Best er að kaupa vandaða og fallega hluti í herbergin, hluti sem maður
sér fyrir sér að gangi upp í unglingaherbergi seinna meir. Vanda skal val
á gólfefnum og gluggatjöldum. Falleg hönnun borgar sig til langs tíma
og skal vanda grunninn og fastar innréttingar en ódýrari húsgögnum og
leikföngum má alltaf skipta út. Gott er að endurskoða útlit herbergj-
anna einu sinni á ári, t.d. fyrir jól eða á vorin og sjá hvað má fara, hvað
vantar og gera andlitslyftingu á sængurfötum, púðaverum og öðrum
smáhlutum. Svo þarf að endurskoða málningu og gluggatjöld á 5-6 ára
fresti.“
Í næstu tölublöðum Lifunar mun Gulla gefa hagnýt og fagurfræðileg
ráð um heimilið.