Morgunblaðið - 27.08.2003, Blaðsíða 20

barnaherbergi
Herbergi systranna eru eins að lögun en speglast, þau liggja
saman og á milli þeirra er fjölskylduaðstaða þar sem unnið er í
tölvunni, stundaður lærdómur og fleira. Rennihurðir, með
sandblásnu gleri til að birta geti flætt um, skilja herbergin og
aðstöðuna að og því nýtist rýmið sérlega vel. Fjölskyldan er
ánægð með fyrirkomulagið enda geta fjölskyldumeðlimir eytt
fleiri stundum í nálægð hver við annan í leik og starfi.
Barnaherbergin eru L-laga og eins innréttuð. Gegnt dyrum er
sérsmíðaður skápur með fellihurðum undir fatnað og leikföng –
hann er reyndar nánast alltaf hafður opinn því innihaldið er
fallegt og setur svip á herbergið. Kristín Birna nær auðveldlega í
fötin sín sjálf, hún notar hilluna til að stíga upp á og svo er
gjarnan setið í skápnum og dundað. Rúm fellur í rými þar við
hliðina og inni í litlu skoti þar á móti er borðplata milli veggja og
hillur. Efni innréttinga er eik.
Rúm eldri systurinnar er haft í þeirri hæð að dótakassar á hjólum
renni þar undir, rúmgafl er sérsmíðaður hjá Ragnari Björnssyni og
athygli vekur fallegt og stelpulegt veggfóður og efni í gardínum
eftir breska hönnuðinn Triciu Guild hjá Designers Guild sem fæst
í versluninni Vef.
Systurnar eru harðánægðar með herbergin sín, þeim líður vel þar
og þykir gaman að leika og dunda sér.
lifun