Morgunblaðið - 27.08.2003, Blaðsíða 26

lifun
innlit
Við horfum þá saman á mynd eða leigjum spólu, pöntum stundum pítsu
og kaupum nammi.“
Hvað er eldað þegar fjölskyldan vill góðan mat?
„Uppáhaldmatur fjölskyldunnar er „racklett“ en það er svissneskur
réttur sem ég kynntist árið sem ég bjó í Austurríki. Þá er bakaður ostur
á litlum pönnum og skinka, sveppir, paprika og laukur steikt með. Svo
eru bakaðar kartöflur og súrar gúrkur bornar fram með þessu.
Uppáhaldseftirrétturinn er svo súkkulaði-fondue.“
Uppáhaldsstaðurinn á heimilinu til að setjast niður og slaka á?
„Heima slökum við Finnur helst á í horninu í stofunni þar sem hann sest
við píanóið og spilar en ég sest niður með bók. Þegar við slökum á
með krökkunum heima fyrir, verður sjónvarpið oft fyrir valinu eða
hjónarúmið þar sem lesin er bók fyrir yngri krakkana eða þá að allir
skella sér út í pott.“
Hvert fór fjölskyldan í sumarfrí?
„Fjölskyldan fór til Austurríkis í hálfan mánuð. Fyrst til Vínar og þaðan
var haldið sunnar í Austuríki og yfir til Slóveníu. Þetta var söguleg ferð
því foreldrar mínir, systkini þeirra, börn og makar svo og systir pabba
og hennar fjölskylda fóru öll héðan og í Austurríki hittum við svo tvær
systur pabba og þeirra fjölskyldur og eina systur mína. Þetta var n.k.
ættarmót í tilefni þess að afi minn, Viktor Urbancic, hefði orðið 100 ára
nú í ágúst. Mæting niðja afa og ömmu var 100% sem var ótrúlegt
miðað við að fólk kom frá mörgum löndum. Mjög skemmtileg og
óvenjuleg ferð sem mun seint gleymast.“
Þarfasta heimilistækið?
„Þvottavélin, ryksugan og uppþvottavélin eru í daglegri notkun og ég
fæ áfall í hvert skipti sem eitthvert hik kemur á þessi tæki af ótta við að
nú séu þau að gefa sig. Frábæra kaffivélin sem ég fékk í sumar er
trúlega það tæki sem einna fyrst er kveikt á á morgnana. Tölvan og
sjónvarpið eru einnig þörf og eru tvímælalaust í uppáhaldi heimilis-
manna enda notuð af öllum.“