Morgunblaðið - 27.08.2003, Blaðsíða 37
lifun
U
m
sj
ó
n:
H
al
la
B
ár
a
G
es
ts
d
ó
tt
ir
•
L
jó
sm
yn
d
ir
G
un
na
r
Sv
er
ri
ss
o
n
Appelsínu- og möndlukaka
– frábær og seiðandi eftirréttur –
2 appelsínur
125 g smjör
1 b flórsykur
5 egg
2 b möndlur
1/2 b hveiti
2 tsk lyftiduft
Appelsínusíróp:
1 b sykur
2 msk appelsínusafi
1 1/3 b vatn
Hitið ofn í 180°. Komið appelsínunum fyrir í potti, látið vatn fljóta
yfir þær, hafið lokið á pottinum og sjóðið í 10 mínútur eða þar til
þær eru mjúkar. Takið þær úr vatninu, saxið þær niður og fjarlægið
steina ef einhverjir eru. Setjið appelsínurnar og allt hráefnið sem
fer í kökuna í matvinnsluvél og hrærið þar til úr verður gott deig.
Hellið því í smurt, kringlótt bökunarform, 22 cm, og bakið kökuna í
klukkustund. Á meðan látið þið hráefnið í sírópið sjóða saman í 5
mínútur. Berið kökuna fram volga, hellið sírópinu yfir hana og
berið fram með rjóma. Fyrir 8-10 manns.
Sumri er tekið að halla. Búið að
grilla mikið og borða kjöt, pylsur og
hamborgara. Eftir slíka vertíð segir
til sín löngun í eitthvað annað, létt
og öðru vísi. Jafnvel í afla
sumarsins hjá stangveiðimönnum,
silung og lax, annan góðan fisk og
spennandi útfærslur. En þó ekki síður
ferskar, íslenskar kartöflur, nýja
uppskeru. Með sparilegan fisk og
kartöflur má til hátíðarbrigða
skella í eina góða köku eins og þessa
og hafa í eftirmat til að fullkomna
stundina við matarborðið.
Í matinn