Morgunblaðið - 29.10.2003, Blaðsíða 8

lifun
Laufblöðin falla ...
Þegar laufblöðin falla þá er gott að tína þau og nýta
innandyra til þess að draga haustið á langinn áður en
veturinn gengur í garð. Laufblöð, sérhvert þeirra einstök
sköpun og engin tvö eins. Þau eru oftast samhverf og
falleg og litatónarnir nánast óendanlegir.
Hér eru nokkrar hugmyndir að laufblöðum í skreytingar.
Að lokum má minna á það að nú fást í blómabúðunum
fallegir og náttúrulegir kransar úr laufblöðum sem
upplagt er að hengja upp í loft eða á vegg í borðstofunni
eða stofunni. Kveikja á kertum og njóta haustsins og
komandi vetrar með yndislegri aðventu og allri róman-
tíkinni sem henni fylgir.
Eftir Guðlaugu Halldórsdóttur textílhönnuð,
eiganda má mí mó
haust
Laufblöð sem borðskraut: Það má útfæra á ótal vegu, en hér
hef ég lagt þau snyrtilega á borðið og klippt út stór laufblöð í
grænan og bleikan silkipappír til að kalla fram litina í leir-
tauinu og fá bjartari liti með á borðið. Gaman er að skreyta
matar- og tertuföt með laufblöðum. Þessi eikarblöð eru inn-
flutt og fást í Blómabúðinni hjá Hlín í Mosfellsbæ. Ef nóg er
til af leirtauinu er gaman að byggja upp skúlptúr og leifa
hugmyndafluginu að njóta sín, gætið þess þó að jafnvægið
sé gott svo ekkert brotni.
Þá má tína stór laufblöð og
pressa þau t.d. í stórri bók.
Síðan eru þau úðuð silfurlit
og víruð við breiðan vír, sem
fæst t.d. í IKEA eða verk-
færabúðum. Þetta er svo
strengt upp á vegg eða í
glugga.
Fallegt er að setja ljósaseríu í
skál með laufblöðum og láta
ljósið gægjast upp á milli lauf-
blaðanna. Einnig er hægt að
gera þetta með mosa og allar
tegundir af seríum eru nýtan-
legar. Annað skemmtilegt í
hauststemmningunni er að
strengja upp ljósaseríu og víra
laufblöð á milli ljósanna.