Morgunblaðið - 26.11.2003, Blaðsíða 34

lifun
jólaborð
Þegar kemur að því að skreyta hátíðarborðið er gott að ákveða fyrst
hvaða liti skal nota og mikilvægt er að þeir falli vel við matarstellið og
dúkinn sem nota á. Síðan er að hugsa hvað sé til í þessum litum á
heimilinu.
Tíndu til í huganum það sem til er í þessum litum og prófaðu hvort
hægt sé að nota það saman. Athugaðu svo hverju þurfi að bæta við.
Mikilvægt er að vera hagsýnn, kaupa hluti sem nýtast áfram og eru
tímalausir og klassískir.
Ef vel er farið með liti – best er að nota tvo, í mesta lagi þrjá – þá ætti
þetta ekki að klikka. Rauður, grænn og hvítur eru klassískir jólalitir
ásamt silfri og gulli og ef þeir eru notaðir er óhjákvæmilegt að borðið
verði jólalegt. Fersk blóm og jólaseríur setja alltaf punktinn yfir i-ið en
gætið þess alltaf að ofskreyta ekki og hikið ekki við að prófa ykkur
áfram.
Gleðileg jól!
Matarstellið, kertastjakar, diskamottur, servíettur, sushiprjónar, glös
og kerti eru úr Habitat. Sushi er frá Maru. Jólatrén á diskunum eru
útskorin úr paprikum. Sítrónur með negulnöglum gefa jólailm. Gul
glös eru frá Þorsteini Bergmann.
Umsjón Guðlaug Halldórsdóttir, má mí mó