Morgunblaðið - 26.11.2003, Blaðsíða 40
lifun
2 bollar hveiti
1 1/2 tsk þurrger
1/2 b volg mjólk
1 tsk vanilludropar
3 msk sykur
2 eggjarauður
125 g mjúkt smjör
8 stk af um 15 g súkkulaðimolum
Setjið hveiti og ger í hrærivélarskál og
volga mjólk, vanilludropa og sykur í aðra
skál. Hellið vökvanum í skálina ásamt eggja-
rauðunum og hrærið vel, notið krókinn á
hrærivélinni. Hnoðið deigið í vélinni í mjúka
kúlu og myljið smjörið smám saman út í á
meðan. Takið deigið úr skálinni og hnoðið
aðeins á hveitistráðu borði. Látið deigið
hefast í 1 1/2 til 2 klukkustundir eða þar til
það hefur tvöfaldast að stærð. Skiptið því
þá í 8 hluta. Fletjið hvern og einn út í hönd-
unum. Setjið súkkulaðimola í miðjuna og
hnoðið deigið í kúlu. Komið fyrir í smurðu
formi, eða eldföstu litlu glasi, og látið
hefast í klukkustund. Bakið við 180 gráður í
15–20 mínútur. Berið fram heitt. (8 stk.)
150 g hveiti
25 g flórsykur
örlítið salt
2 egg
3 dl mjólk
6 msk rjómi
smjör á pönnuna
Blandið þurrefnunum saman, hrærið eggin
út í og þá mjólkina. Þegar blandan er
kekkjalaus er rjóminn settur saman við og
deigið látið standa í a.m.k. klukkustund
áður en bakaðar eru pönnukökur. (12 stk.)
appelsínukrem:
3 eggjarauður
75 g flórsykur
20 g hveiti
250 ml mjólk
1/2 vanillustöng
örlítið smjör
fínrifinn börkur og safi úr tveimur
appelsínum
Hrærið eggjarauðurnar saman við 1/3 af
sykrinum, stráið hveitinu yfir og blandið vel.
Hitið mjólkina að suðu ásamt afganginum
af sykrinum og vanillustönginni. Skafið
vanillufræin þá út í mjólkina. Hellið 1/3 af
heitri mjólkinni út í eggjablönduna og
hrærið í á meðan. Hellið bllöndunni út í
mjólkina í pottinum, látið suðuna koma upp
og hrærið í á meðan. Leyfið þessu að malla
í 2 mínútur. Sjóðið saman appelsínusafa og
börk þar til vökvinn hefur soðið niður um
helming. Hellið út í kremið og hrærið.
Smyrjið á pönnukökurnar og rúllið þeim
upp. Setjið í ofnskúffu og stráið perlusykri
yfir. Hitið undir grilli þar til sykurinn bráðnar.
súkkulaðibollur
appelsínupönnukökur
að morgni