Morgunblaðið - 26.11.2003, Blaðsíða 44

lifun
12–14 sneiðar hráskinka
400 g svínalundir
1 epli, sneitt
2 msk olía
svartur pipar
kartöflumús:
kartöflur
rjómi
smjör
salt, pipar og múskat
hvítlaukur
Steikið lundirnar létt á pönnu til að loka
kjötinu. Vefjið hráskinkuna utan um kjötið.
Leggið eplasneiðarnar í eldfast mót og
kjötið ofan á þær. Dreypið olíu yfir og
piprið. Bakið við 220 gráður í 12–15
mínútur. Stappið soðnar kartöflur og hrærið
upp með rjóma og smjöri þar til músin er
flauelsmjúk. Kryddið með salti, pipar og
múskati. Þarna verður magn að fara eftir
smekk. Skerið heilan hvítlauk þvert á rifin,
hellið ólífuolíu yfir laukinn, þekið hann með
álpappír og bakið í ofni í 30 mínútur eða
þar til hann er vel mjúkur. Kreistið þá hvít-
laukinn úr hýðinu, hrærið saman við músina
(uppskrift af kjöti fyrir 2). Músin er góð með
ýmsum kjötréttum.
500 g blaðlaukur, sneiddur fínt
50 g smjör
1 sítróna, safi og fínrifinn börkur
2 msk graslaukur, fínt saxaður
1 dl rjómi eða sýrður rjómi
salt og pipar
Skáskerið blaðlaukinn vandlega niður og
mýkið í smjöri á pönnu. Bætið graslauknum
saman við og mýkið. Takið pönnuna af
hitanum og setjið sítrónubörk og safa út í
ásamt rjómanum. Kryddið með salti og
pipar. Berið fram með kjötinu. Gott sem
sósa og auka má magn rjómans.
500 g gulrætur
50 g smjör
1 appelsína, safi og fínrifinn börkur
1 msk fersk steinselja, söxuð
Skerið gulræturnar í langar og mjóar
ræmur. Mýkið í smjöri á pönnu þar til þær
eru mjúkar undir tönn. Hrærið appel-
sínusafa og börk út í og stráið steinseljunni
yfir. Berið fram heitt með kjötinu.
vafin svínalund á eplabeði
hvítlaukskartöflumús, blaðlaukur í
rjóma, gulrætur með appelsínu
að kvöldi