24 stundir - 15.08.2008, Blaðsíða 14

14 FÖSTUDAGUR 15. ÁGÚST 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Skrípaleiknum í borgarstjórn Reykjavíkur lauk í gær – eða er það? Verð-
ur framhald á ruglinu undir forystu Hönnu Birnu Kistjánsdóttur? Mun
fimmti meirihlutinn kannski líta dagsins ljós áður en kjörtímabilið rennur
út? Svo virtist í gærkvöldi sem Framsóknarflokkurinn væri reiðubúinn að
ræða við Sjálfstæðisflokkinn í borginni um meirihlutasamstarf.
En borgarbúar eru ekki sannfærðir um betri tíð. Þeir eru efins enda hef-
ur Sjálfstæðisflokknum í borgarstjórn tekist að fyrirgera öllu trausti, allt
frá því að Vilhjálmur Þ. Vilhjálmsson og Kjartan Magnússon mynduðu
meirihluta með Ólafi F. Magnússyni. Reyndar hafði flokkurinn klúðrað
málum sínum áður með REI-málinu. Sannir sjálfstæðismenn hljóta að
vera sammála um að meirihlutamyndunin í janúar hafi verið stærstu mis-
tök flokksins. Engum dylst heldur að það voru reyndustu flokksmennirnir
sem kröfðust stjórnarslita nú.
Flokknum mun ekki takast að ná upp á klettasylluna með Óskar Bergs-
son í forystusveit. Hann er þegar byrjaður að segja ósatt. Lét hafa eftir sér í
fjölmiðlum að enginn hefði rætt við hann um að verða bjargvættur í borg-
arstjórnarmeirihluta. Þar með hvarf trúverðugleiki hans gagnvart kjós-
endum í borginni. Kjósendur eru ekki fífl og þeir eru fyrir löngu búnir að
fá nóg af óstjórninni. Þeir kenna Sjálfstæðisflokknum um að hafa með
valdagræðgi og undirferli fengið Ólaf F. til liðs við sig sl. haust.
Framsóknarflokkurinn er með 2% fylgi í Reykjavík. Það er ekki mikið
meira en F-listinn hefur undir forystu Ólafs F. Magnússonar. Nýr borg-
arstjórnarmeirihluti nær ekki meirihlutafylgi í borginni.
Hönnu Birnu bíður erfitt hlutverk. Mun hún valda því? Hverju þarf
flokkurinn að lofa Óskari til að hafa hann þægan í stjórninni? Framsókn
kann að koma sér vel fyrir í nefndum og ráðum.
Það er margra spurninga að spyrja en fátt hefur
verið um svör því ekki hefur verið hægt að ná í borg-
arfulltrúa sem laumast út bakdyramegin til að verða
ekki á vegi fjölmiðlamanna. Það er fólkið sem ætlar
enn um sinn að stjórna borginni. Það telur sig ekki
skulda kjósendum sínum nein svör. Það ætlar að
pukrast áfram í leynihornum.
Sveitarstjórnarlög heimila ekki stjórnarslit og nýjar
kosningar. Það er dapurlegt. Það eina rétta í stöðunni
hefðu verið nýjar kosningar. Það er verðugt verkefni
alþingismanna að endurskoða sveitarstjórnarlögin á
komandi vetri. Borgarbúar eiga ekki að þurfa að
skammast sín fyrir þá sem þeir kusu í síðustu sveit-
arstjórnarkosningum.
Stærstu mistökin
Það er satt að segja undarlegt að
ekki skuli vera gert ráð fyrir því í
lögum hvernig bregðast skuli við
stjórnarkreppu í sveitarstjórn.
Lög gera ráð fyrir
því að hægt sé að
rjúfa þing og
boða til kosninga
en sveitarstjórnir
eru njörvaðar
niður til fjögurra
ára hvað sem
tautar og raular.
Þessi fáránlega
atburðarás í Reykjavík er talandi
dæmi um þörfina á því að breyta
lögum í þágu lýðræðisins. Nú
ætti auðvitað að kjósa aftur í
borginni og koma þar á starf-
hæfum meirihluta sem hefur
skýrt umboð. Eins og sakir
standa fer lítið fyrir umboði
þeirra stjórnmálaafla ...
Ólína Þorvarðardóttir
olinathorv.blog.is
Kjósa aftur
Í umræðu undanfarinna daga virð-
ist það gleymast að það voru sjálf-
stæðismenn sem skrifuðu upp á
kosningaloforð Ólafs og kölluðu
það málefnaskrá
nýrrar borg-
arstjórnar og settu
hann í borg-
arstjórnarstólinn.
Þetta átti að vera
svar við þeirra eig-
in gagnrýni á að
Tjarnarkvartett-
inn hefði enga
málefnaskrá sem þeir höfðu klifað
á í tíma og ótíma. Því þarf engan
að undra að Ólafur hafi litið svo á
að sjálfstæðismenn hefðu sam-
þykkt þau atriði sem þar standa og
hann er einfaldlega að framfylgja
henni. Sjálfstæðinsmenn sam-
þykktu að kaupa 3 ónýt hús fyrir
nokkur hundruð milljóna ...
Guðmundur Gunnarsson
gudmundur.eyjan.is
Þeir samþykktu
Stjórnartíð Ólafs F. Magnússonar
með Sjálfstæðisflokknum hefur
kostað Reykvíkinga um 20 millj-
ónir hvern dag sem hann hefur
verið vegna vit-
lausra ákvarðana
og ónauðsynlegra
húsa- og lóða-
kaupa auk ýmissa
annarra rugl-
aðgerða. Það er
ærið fé sem meiri-
hluti Sjálfstæð-
isflokksins þarf að
afsaka við næstu borgarstjórn-
arkosningar. Sjálfstæðisflokkurinn
getur auk heldur aldrei þvegið
hendur sínar af því að hafa sett
borgarstjórastólinn á uppboð og
afhent hann einstaklingi sem úti-
lokað var að gæti valdið starfinu og
það mátti fulltrúum sjálfstæð-
ismanna í borgarstjórn vera ljóst.
Jón Magnússon
jonmagnusson.blog.is
Dýr borgarstjóri
Elín
Albertsdóttir
elin@24stundir.is
Nú liggur það fyrir skv. nýrri skýrslu sem
gerð hefur verið fyrir Reykjavíkurborg að
útblástur gróðurhúsalofttegunda í borginni hefur aukist
um 54% frá árinu 1990 enda bílaeign aukist um rúm
70% á tímabilinu. Niðurstöðurnar eru áfellisdómur yfir
stjórnvöldum í borginni og sýna að í engu hefur verið
staðið við þau fyrirheit sem gefin eru í gildandi stefnu-
mótun um sjálfbært samfélag í höfuðstaðnum.
Í 16 ár, eða frá því að Ríó-yfirlýsingin og stefnumörkun í
umhverfismálum 21. aldarinnar var samþykkt á vett-
vangi Sameinuðu þjóðanna, hefur öllum verið ljós sú
ábyrgð sem hvílir á stjórnmálamönnum í þessum efn-
um. Við blasir hið risavaxna verkefni að vinna gegn
hlýnun andrúmsloftsins með því að draga úr losun
gróðurhúsalofttegunda. Til að auðvelda sér vinnuna hafa
sveitarstjórnir markað stefnu til framtíðar. Í tilfelli
Reykjavíkurborgar þá samþykkti borgarstjórn gildandi
umhverfisstefnu í maí 2006. Það er reyndar lýsandi fyrir
viljaleysi sjálfstæðismanna í þessum málaflokki að borg-
arfulltrúar Sjálfstæðisflokks sátu hjá við atkvæðagreiðsl-
una.
Niðurstöður hinnar nýbirtu skýrslu eru áskorun um að
borgaryfirvöld hefji umhverfismál til vegs innan borg-
arkerfisins. Til að svo megi verða þarf breytta forgangs-
röðun, taka almenningssamgöngur fram yfir einkabíl-
inn. Nauðsynlegt er að auka forgang strætó í
umferðinni, bæta aðgengi borgaranna að strætó, fjölga
ferðum og þétta leiðakerfið, sem er þvert á það sem
ríkjandi stjórnvöld eru að leggja til. Samhliða þessu þarf
að skilgreina hjólreiðabrautir og leggja þær meðfram
stofnbrautum og umferðaræðum. Þá þarf áætlun um
aukinn hlut rafknúinna og vistvænna farartækja í um-
ferðinni og að móta stefnu um að bíla-
floti borgarinnar sjálfrar verði vist-
vænn. Þá þarf að marka stefnu um
breytta hönnun vega og umferð-
armannvirkja þannig að minna land
fari undir slík mannvirki.
Krafan um nútímalegar samgöngur í
Reykjavíkurborg blasir við en í ljósi
nýjustu vendinga í borgarmálum virð-
ist ætla að verða bið á breyttri for-
gangsröðun í umhverfismálum.
Höfundur er alþingismaður
Nútímalegar samgöngur
ÁLIT
Kolbrún
Halldórsdóttir
BLOGGARINN
25% AFSLÁTTUR
SUMARTILBOÐ
®
- Lifið heil