24 stundir - 15.08.2008, Blaðsíða 20
20 FÖSTUDAGUR 15. ÁGÚST 2008 24stundir
Eftir Svanhvíti Ljósbjörgu
svanhvit@24stundir.is
Útsýnið á nítjándu hæð í Turn-
inum í Kópavogi er einstaklega fal-
legt og því ekki slæmur staður fyrir
dýrindis veitingastað. Veitingastað-
urinn Nítjánda er því kærkomin
viðbót í Kópavogi því þar er boðið
upp á ljúffengan bröns um helgar,
sem hentar fjölskyldum sérstaklega
vel. Sigurður Friðrik Gíslason, yf-
irkokkur á Nítjándu, segir bröns-
inn þegar hafa fengið einstakar
móttökur þótt ekkert hafi verið
auglýst. „Það er kannski ekki síst
vegna þess að hlaðborðið er sér-
staklega veglegt og fjölbreytt hjá
okkur en við bjóðum upp á sam-
bland af hádegismat og morg-
unmat. Hollustan og ferskleikinn
er allsráðandi á hlaðborðinu en þar
er líka hægt að fá þyngri og safa-
ríkari mat eins og lambakjöt,
nautalundir, svínakjöt, bernaise-
sósu, eggjahræru og beikon og
fleira í þeim dúr,“ segir Sigurður
þegar hann er inntur eftir því hvað
sé á boðstólum. „Auk þess erum
við með fersk og góð salöt, ávexti,
humarsúpu, egg benedict og margt
fleira. Svo má ekki gleyma eftirrétt-
unum en við erum með glæsilegt
úrval eftirrétta á borð við amer-
ískar pönnukökur, vöfflur, créme
brulée, franskar súkkulaðikökur og
fleira í þeim dúr.“
Sniðið að fjölskyldum
Um helgar er mjög afslöppuð og
þægileg stemning á Nítjándu en
boðið er upp á hlaðborðið frá
klukkan 11:30 til 14:00. Þar skipa
börnin veigamikinn sess enda segir
Sigurður að hlaðborðið sé sniðið
að fjölskyldum. „Við bjóðum upp
á barnapössun svo foreldrarnir geti
setið aðeins lengur, eftir að börnin
eru orðin óróleg. Þau fá því að lesa,
lita eða leika sér í ró og næði á
meðan fullorðna fólkið fer aðra
ferð á hlaðborðið.“ Aðspurður
hvort börnin finni eitthvað við sitt
hæfi á hlaðborðinu hlær hann við
og segir að amerísku pönnukök-
urnar séu vinsælastar. „Börnin eru
mjög áhugasöm þegar þau sjá okk-
ur steikja pönnukökurnar og eftir
það verður ekki aftur snúið.“
Þótt hlaðborðið sé sniðið að
fjölskyldum er líka mikið um að
vinkonuhópar sem vilja eiga
skemmtilega morgunstund komi
þangað, að sögn Sigurðar. „Þá fá
þær sér mímósa kampavínsdrykk
með máltíðinni og þá er aðeins
meira fjör.“
Ljúffengt
Egg Benedict er nokkurs konar
einkennisréttur Nítjándu og því
alltaf fáanlegur á hlaðborðinu. Sig-
urður lætur því fylgja með upp-
skriftina að þessum ljúffenga rétti.
Egg Benedict
Fyrir 4
500 ml vatn
50 ml borðedik
4 egg
Vatn og edik er hitað að suðu,
eggin brotin mjög varlega út í
pottinn og látin vera í edikvatninu
í 7 mínútur. Þá eru eggin veidd
upp úr og þeim haldið volgum.
Hollandaise-sósa
300 g smjör
3 eggjarauður
1 msk. hvítvínsedik
salt
pipar
Eggjarauður þeyttar yfir volgu
vatnsbaði, smjörið brætt og því
hellt varlega út í og þeytt saman
allan tímann. Athugið að smjörið
má ekki vera of heitt. Kryddað til
með hvítvínsediki, salti og pipar.
Borið fram á smjörsteiktu
brauði og steiktri skinku.
Á Nítjándu er boðið upp á fjölskylduvænt hlaðborð um helgar
Veglegt og fjölbreytt
hlaðborð með útsýni
➤ Nítjánda hefur verið opin íþrjá mánuði og viðtökurnar
hafa verið einstakar.
➤ Nítjánda býður líka upp ámatreiðslunámskeið og hefur
þegar haldið sushi-námskeið.
➤ Á 20. hæð er glæsilegurveislusalur ásamt T20, bar
sem sérhæfir sig í kokteilum.
NÍTJÁNDABrönsinn á Nítjándu í
Kópavogi er ekki bara
veglegur heldur líka snið-
inn að fjölskyldum. Börn-
in geta því leikið sér í ró
og næði eftir matinn ef
foreldrarnir vilja njóta út-
sýnisins og fara enn eina
ferðina á girnilegt hlað-
borðið.
Veglegur Bröns á
Nítjándu er mjög veg-
legur og hentar öllum.
Sætt Alltaf gott að fá sér
eitthvað sætt í lokin.
Börn velkomin Amer-
ískar pönnukökur eru vin-
sælastar hjá ynstu kyn-
slóðinni.
LÍFRÆNIR SAFAR
Fæst í heilsubúðum og helstu
matvöruverslunum landsins
SJÁLFLÍMANDI HNÍFAPARASKORÐUR
Gullkistan- Frakkastíg 10 - Sími: 551-3160.
Hjálpa þér að halda öllu í skorðum í skúffum.Einning sjálflímandi filt tilað
klæða skúffur og filt með verjandi efni svo ekki falli á silfur og silfur-
plett.Við eigum líka fægilög, fægiklúta og ídýfulög til að hreinsa.
SENDUM Í PÓSTKRÖFU.
LÍFRÆNIR SAFAR
Fæst í heilsubúðum og helstu
matvöruverslunum landsins