24 stundir - 27.08.2008, Blaðsíða 25
24stundir MIÐVIKUDAGUR 27. ÁGÚST 2008 25
ÍÞRÓTTIR
ithrottir@24stundir.is a
Ég var svo ungur þegar ég fór út, rétt orðinn 18 ára, þannig ég
hef misst af svo miklu hérna heima og vil núna fá að kynnast Ís-
landi almennilega aftur, njóta þess að vera með vinum mínum og fjöl-
skyldunni og virkja tenglsin við þau.
Eftir Þorkel Gunnar Sigurbjörnsson
thorkell@24stundir.is
„Það er mjög fínt að vera kominn
heim eftir langa veru í útlöndum.
Þar hef ég dvalið í heil átta ár. Fyrst
í fimm ár í Bandaríkjunum og svo
var ég í Þýskalandi, Spáni og Ung-
verjalandi, eitt ár á hverjum stað
fyrir sig,“ sagði Jakob Örn sem
leikið hefur með Westminster Aca-
demy og Birmingham Southern
College í Bandaríkjunum, Bayer
Leverkusen í Þýskalandi, Vigo á
Spáni og nú síðast Univer Kecske-
met í Ungverjalandi.
„Síðasta árið hafði ég velt því
fyrir mér að koma heim og leika á
Íslandi. Það hefur verið erfitt að
vera svona lengi frá fjölskyldunni
og vinum. Þannig að þetta hefur
blundað í mér í nokkurn tíma.
Hins vegar er stutt síðan ég tók
þessa ákvörðun. Ég var svo ungur
þegar ég fór út, rétt orðinn 18 ára,
þannig að ég hef misst af svo miklu
hérna heima og vil núna fá að
kynnast Íslandi almennilega aftur,
njóta þess að vera með vinum mín-
um og fjölskyldunni og virkja
tengslin við þau, auk þess að spila
körfubolta með KR.“
Jakob segist ekki hafa ákveðið
hvað hann ætli að gera samhliða
því að spila körfubolta í vetur, en
það sé þó ljóst að eitthvað verði
það. „Annaðhvort verður það nám
eða vinna. Líklega verður nú ein-
hver vinna ofan á. Ég hef hins vegar
ekkert ráðið mig í neina vinnu
ennþá og er í sjálfu sér ekkert að
stressa mig of mikið á því.“
Styttri ferill í körfubolta
Atvinnumenn í Evrópu staldra
gjarnan stutt við á hverjum stað.
Hvernig ætli upplifun Jakobs hafi
verið af stöðugum vistaskiptum?
„Síðustu þrjú ár hef ég verið í Evr-
ópu og alltaf skipt um land milli
tímabila. Það erfiðasta fyrir mig var
að komast inn í menninguna, átta
mig á nýju tungumáli og kynnast
fólki, og svo loksins þegar maður
var búinn að kynnast og átta sig á
öllu, þurfti að pakka niður aftur og
skipta um lið, deild og land. Það er
mjög algengt í körfuboltanum að
það séu aðeins gerðir samningar til
eins árs við atvinnumenn í Evrópu,
meðan í handboltanum og fótbolt-
anum gera menn samninga til
lengri tíma við sín lið. Þess vegna er
þetta mjög erfitt í körfunni að vera
alltaf að skipta um lið og aðlagast
nýju umhverfi. Ég held alveg tví-
mælalaust að ferill atvinnumanna í
körfubolta hljóti að vera umtalsvert
styttri en í öðrum boltaíþróttum.
Menn lifa svo miklu flökkulífi og
svo er það alltaf þessi óvissa. Á
sumrin vita menn oft ekkert hvar
þeir verða næsta vetur og það er
mjög óþægileg tilfinning. Ég held
að allir vilji hafa meira öryggi í líf-
inu.“
Kann ekkert í ungverskunni
Hvar skyldi Jakob hafa aðlagast
best og getur hann talað mörg
tungumál án vandkvæða?
„Ég kann ekkert í ungversku og
er eiginlega heldur ekkert sérstakur
þegar kemur að þýskunni. Enskuna
kann ég auðvitað 100% og ég verð
að segja að ég sé frekar góður í
spænskunni. Ég hef jafnvel verið að
gæla við það að taka einhvern kúrs
í spænsku í vetur til að ná henni al-
gjörlega. Mér leið líka best á Spáni
af þessum stöðum, myndaði best
tengsl við fólkið þar og ég kunni vel
við menninguna og samfélags-
myndina. Það má kannski segja að
draumurinn sé að leika aftur með
félagi á Spáni þegar ég fer aftur í at-
vinnumennsku.“
Er þetta þá stutt stopp hér á Ís-
landi hjá Jakobi ?
„Ég veit ekkert um það. Í vetur
mun ég spila með KR og hlakka
ótrúlega til þess. Mig er farið að
klæja í fingurna og ég bíð óþreyju-
fullur eftir því að Íslandsmótið
hefjist. Ég mun þó endurskoða
stöðu mína næsta sumar. Það er al-
veg ljóst. Hvort ég verð áfram hér
heima eða fer aftur út í atvinnu-
mennsku kemur bara í ljós,“ sagði
Jakob Örn.
Á auðvelt með að standast
pressu
Það hlýtur að vera krafa hjá KR-
ingum og stuðningsmönnum fé-
lagsins að KR vinni alla leiki í vetur
og það sannfærandi með þann
mannskap sem liðið hefur. Fyrir
komu Jakobs og Jóns Arnórs hafði
KR á að skipa góðu liði og auk
þessara leikmanna hefur verið gefið
út að bandarískur leikmaður komi
að öllum líkindum til liðs við félag-
ið þegar Íslandsmótið fer í gang.
„Auðvitað væri gaman að spila í
vetur með liði sem aðeins er skipað
íslenskum leikmönnum. En það
mun ekkert veikja KR að fá góðan
„Kana“ í liðið. Það má vel vera að
það sé einhver pressa á að við
stöndum okkur vel í vetur og
vinnum allt sem hægt er að vinna.
Ég á hins vegar auðvelt með að
standast pressu og er vanur því og
veit að það er alveg eins með Jón
Arnór. Þar fyrir utan eru mörg
sterk lið á Íslandi og ég gæti trúað
því að þetta yrði mikil barátta í vet-
ur milli nokkurra liða.“
Fylgist vel með fótboltanum
„Þó ég lifi og hrærist í körfubolt-
anum á ég mér auðvitað líf utan
körfunnar og önnur áhugamál. Ég
fylgist töluvert með fótbolta og þá
einna helst með Liverpool í enska
boltanum og svo að sjálfsögðu með
KR hér heima. Síðan er það bara
þetta venjulega, að hanga með vin-
um og félögum,“ sagði Jakob Örn
Sigurðarson sem ætlar að sýna Ís-
lendingum hvers hann er megnug-
ur á körfuboltavellinum með KR í
vetur.
Reyndur Jakob hefur
leikið með liðum í
Bandaríkjunum,
Þýskalandi, Spáni og
Ungverjalandi en er
nú kominn heim í KR.
Draumurinn væri að
leika aftur á Spáni
Jakob Örn Sigurðarson snýr aftur til KR í körfuboltanum eftir átta ár í atvinnumennsku
Var farinn að sakna fjölskyldunnar og vina Erfitt fyrir atvinnumenn að flytja milli landa á hverju ári
Óhætt er að segja að
stærstu tíðindin úr heimi
körfuboltans hér á landi í
sumar hafi verið heim-
koma þeirra Jóns Arnórs
Stefánssonar og Jakobs
Arnar Sigurðarsonar til
KR, eftir nokkurra ára
veru þeirra í atvinnu-
mennsku. 24 stundir
ræddu við hinn 26 ára
gamla Jakob Örn sem
leikið hefur erlendis síð-
ustu átta ár.
➤ Jakob er 26 ára gamall, fædd-ur 4. apríl 1982. Faðir hans,
Sigurður Hjörleifsson, hefur
komið mikið við sögu í körfu-
boltanum á Íslandi, sem leik-
maður, þjálfari og síðan um-
boðsmaður.
➤ Jakob lék kornungur með KRí meistaraflokki frá 1998 til
2000, og skoraði þá 164 stig í
36 leikjum í úrvalsdeildinni.
➤ Jakob hefur spilað 33 A-landsleiki fyrir Íslands hönd.
JAKOB Ö. SIGURÐARSON
24stundir/Ómar