24 stundir - 10.09.2008, Blaðsíða 10

10 MIÐVIKUDAGUR 10. SEPTEMBER 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
29 flóttamenn, átta palestínskar konur og 21 barn þeirra, eru komnir til
landsins. Þau komu frá flóttamannabúðum í Írak og hafa fengið lykla að
nýjum heimilum sínum á Akranesi. Stuðningsfjölskyldur hittu fólkið í
fyrsta sinn í fyrrinótt. Þær buðu fjölskyldurnar velkomnar og fylgja þeim
eftir næsta árið.
Aðbúnaðurinn á Akranesi virðist til fyrirmyndar og ljóst að yfirvöld
hafa lært af móttöku flóttamanna frá stríðshrjáðum löndum Balkanskag-
ans. Ferlið hefur slípast til og miðar fyrst og fremst að því að gefa kon-
unum og börnum þeirra nýtt tækifæri.
Akranes er vel til þess fallið að taka á móti flóttamönnum. Bærinn býð-
ur upp á alla helstu grunnþjónustu, og geta því börnin til dæmis sótt bæði
grunn- og framhaldsmenntun í bæjarfélaginu. Ekki hefur alltaf verið
hugsað fyrir því, eins og til dæmis þegar flóttafólk settist að á Blönduósi og
Siglufirði.
Konurnar koma úr flóttamannabúðunum Al Waleed. Aðbúnaðurinn í
flóttamannabúðunum er sagður með því verra sem gerist. Þær eru í eyði-
mörk og þjáist fólk þar af öndunarfærasjúkdómum, samkvæmt því sem
Linda Björk Guðrúnardóttir, verkefnastjóri vegna komu flóttamannanna,
sagði í hádegisfréttum RÚV. Þær hafa misst mennina sína og verið hraktar
frá heimilum og ættingjum.
Erfitt er að gera sér grein fyrir andlegu ástandi fjölskyldnanna. Þær
þurfa tíma til að jafna sig og aðlagast nýjum heimkynnum. Þær völdu ekki
Ísland heldur valdi Ísland þær. Þær völdu ekki Akra-
nes, heldur ákváðu bæjarfulltrúar Akurnesinga að
taka á móti þeim.
Ekki er hægt að krefjast þess að þær lifi samkvæmt
íslenskum hefðum, gildum og siðum, heldur hefst nú
undirbúningur að því að gera þær að virkum sam-
félagsþegnum; sem í fyllingu tímans geta stundað hér
vinnu og komið börnum sínum á legg.
Það er til fyrirmyndar að gefa fólkinu tækifæri og
gera það svona vel.
Einblína þarf á að börnunum bjóðist sömu tæki-
færi og þeim íslensku. Þannig mun fjölskyldunum
farnast best í íslensku samfélagi.
Í landinu á sínum
eigin forsendum
Í þeirri stöðu sem nú er á þingi
þar sem stjórnarandstöðuflokk-
arnir með þá kumpána Guðna,
Steingrím, Guð-
jón og Ögmund í
fararbroddi veltir
maður fyrir sér
hvort það að vera
í stjórnarand-
stöðu fari hrein-
lega ekki vel í
suma. Í fram-
haldi af ótrúlega
veikum mætti stjórnarandstöðu-
forystunnar, sem náði vonandi
botninum þegar Ögmundur
mætti vopnaður photoshops-
kunnáttu unglings.... Og þó
stjórnin sé í höndum þess flokks
sem ég styð, þá tel ég engum hollt
að vera með svo veika stjórn-
arandstöðu…
Bryndís Ísfold Hlöðversdóttir
bryndisisfold.blog.is
BLOGGARINN
Veik andstaða
Stjórnmálamenn hafa mikilvægt
hlutverk í þessum málum. Þeir
hafa þær skyldur umfram marga
aðra að fræða og
vinna bug á bá-
biljum og fá-
kunnáttu. Þegar
allt kemur til alls
eru flóttamenn
einstaklingar eins
og við og eru
móttækilegir fyr-
ir áhrifum frá
umhverfinu. Reynslan staðfestir
að þeir hafa undantekningarlaust
mótast af íslensku umhverfi og
aðlagast því. Auðvitað hafa þeir
líka áhrif á sitt umhverfi eins og
gengur því mannleg samskipti
eru gagnvirk eins og það heitir á
tölvumáli.
Kristinn H. Gunnarsson
kristinn.is
Fræðsla
Í því efnahagsástandi sem verið
hefur síðan núverandi ríkisstjórn
tók við völdum hafa skuldir
heimilanna auk-
ist stórlega. Sam-
kvæmt upplýs-
ingum frá
Seðlabankanum
hafa skuldirnar
hækkað um hátt í
30% frá því Sam-
fylkingin hóf rík-
isstjórnarsam-
starf við Sjálfstæðisflokkinn á
síðasta ári. Frá síðustu áramótum
hafa skuldirnar hækkað um 14%,
eða sem svarar til rúmlega 120
milljarða króna! …
Ég hygg að skuldir heimilanna
hafi ekki aukist jafn mikið á svo
stuttum tíma áður.
Magnús Stefánsson
magnuss.is
Auknar skuldir
Gunnhildur Arna
Gunnarsdóttir
gag@24stundir.is
Ég horfði á Kastljósþáttinn með þeim
mæðgum, Rögnu og Ellu Dís, og fylltist
samúð og aðdáun. Lítið barn að berjast fyrir lífi
sínu og hugrökk móðir að vernda ungann sinn. Ég
las 24 stundir í morgun og áður var ég búinn að fá
tölvupóst með beiðni um framlag. Ég sé og heyri og
skil að þetta er ekki aðeins barátta um líf eða dauða,
heldur um fjármagn til að standa undir þeim kostn-
aði sem fylgir því að finna lækningu og bata.
Ég hef auðvitað enga þekkingu til að hafa skoðun á
því hvort íslenska heilbrigðisþjónustan hafi að ein-
hverju leyti brugðist. Efast raunar um að svo sé,
heldur hitt að á bandarískum sjúkrahúsum má ef-
laust finna betri tækni og lækna sem eru sérfróðari
eða reyndari þegar flóknari og vandasamari aðgerða
er þörf. Almennt leyfi ég mér að fullyrða að íslensk
heilbrigðisþjónusta sé í hágæðaflokki og sjúkra-
tryggingakerfið okkar til fyrirmyndar. Þess vegna er
ég ekki í stakk búinn til að lýsa frati á sjúkratrygg-
ingakerfið í þessu tiltekna máli. Þar er eflaust farið
eftir reglum sem eru almenns eðlis og bitna því
miður á þeim mæðgunum, þegar verst stendur. Ég
hef heldur ekki heyrt hina hlið málsins, sem snýr að
mati íslensku læknanna og þeim aðgerðum sem
gripið hefur verið til hér heima. Skilyrði sjúkra-
tryggingarinnar má eflaust skoða og laga í fram-
haldinu, en hjálpar ekki til í þeim bráðavanda sem
Ella Dís stendur frammi fyrir.
Aðalatriðið er að Ella Dís fái bata, enda er líf henn-
ar mikilvægara öllu öðru, hvað sem öllum kostnaði
líður. Ef kerfið leyfir ekki að taka á þessu, þá er ég
þess fullviss að við, almenningur og samlandar
Rögnu og Ellu Dísar, munum
hlaupa undir bagga í samskotum og
framlögum og greiða það sem upp
á vantar. Íslendingar hafa sýnt það
áður að þeir hafa stórt hjarta og
þegar reynir á mannúð og samúð,
þá er hvergi betra að búa en á Ís-
landi.
Ég sendi þeim mæðgunum bar-
áttukveðjur og skora á sem flesta að
rétta þeim hjálparhönd.
Höfundur er alþingismaður
Hún á mína samúð alla
ÁLIT
Ellert B
Schram
ellertsch@althingi.is