Eintak - 01.12.1993, Page 80

Brynja 1
kvikmyndahandrit: Friðrik Þór Friðriksson. teikningar: Steingrímur Eyfjörð Kristmundsson
1) Morgun við tjörnina
blub-blub
6) Tilheyrandi tillit
rrrrrrrrrrrrrrrrrrrrrrrrrrrrrrrrrrrrrrr
2) Við hús Brynju
ssssh hshshs hshss
4) Greinar trjánna veifa
fhhshffh fhfh fhfh
7) Vetrarævintýri
slabb slobb blob blob
3) Hún lítur út um gluggann
grstgrstastss ts t gr gr
5) Hún er að pæla
pft pfft pffft pffffft pffffffft
8) Kyrralífsmynd
ílll millllíi í
Mig langar
Vasaleikrit eftir Þorvald Þorsteinsson
Sviðið er sjónvarpsskjár.
Eftir auglýsingar birtist þula kvöldsins.
Sjónvarpsþulan: Gott kvöld. Ég heiti Brynja
Xochitl Vífilsdóttir. Mig langar til þess að reka raf-
tækjaverslun. Mig langar til þess að læra líffræði. Mig
langar til þess að gerast áskrifandi að bókmennta-
tímariti og lesa hverja einustu grein. Mig langar til
80
þess að vinna við fornleifarannsóknir. Mig langar til
þess að hafa tíma til þess að virða fyrir mér fallega
plöntu og skilja hvernig einstakir hlutar hennar verða
til. Mig langar til þess að vita hvers vegna gervihnettir
fara út af braut sinni og falla til jarðar. Mig langar til
þess að heimsækja vaxmyndasafn. Mig langar til þess
að skilja eðli sjúkdóma hjá dýrum og koma í veg fyrir
að þeir breiðist út meðal annarra dýra og jafhvel í
menn. Mig langar til þess að skilja og upplifa hvað
listamaður var að hugsa, með því að skoða verkin hans.
Mig langar til þess að fara djúpt inn í helli. Mig langar
til þess að skilja hvernig rafeindasmásjá og stjórnkerfi
farþegalyftu virkar. Mig langar til þess að vita af
hverju brimvarnargarðar hafa verið byggðir nákvæm-
lega þar sem þeir eru byggðir. Mig langar til þess að
vita hvert samband fjölmiðla er við þann raun-
veruleika sem þeir miðla. Mig langar til þess að rækta
kjúklinga. Mig langar til þess að skilja uppbyggingu
þess samfélags sem ég er hluti af. Mig langar til þess
að læra forn-grísku. Mig langar til þess að skilja af
hverju drengir haga sér öðruvísi en stúlkur. Mig
langar til þess að læra að útbúa mat handa geimförum.
Mig langar til þess að vita hvað aðrir hugsa þegar þeir
sjá mig. Mig langar til þess að fylgjast með starfsemi í
sláturhúsi. Mig langar til þess að vita hvað gerist þegar
mig dreymir. Mig langar til þess að vinna við að
afgreiða Iyf í apóteki. Mig langar til þess að læra eins
mikið og hægt er um jörðina og hreyfingar hennar, eðli
árstíðanna og þá þætti sem stjórna loftslaginu. Mig
langar til þess að læra heimspeki. Mig langar til þess að
vinna sem útlitsteiknari á dagblaði. Mig langar til þess
að lifa í sátt við umhverfi mitt og sjálfa mig. Mig lang-
ar til þess að geta notað myndavél á listrænan hátt.
Mig langar til þess að vinna í kirkjugarði. Mig Iangar
til þess að vita af hverju fólk hagar sér öðruvísi þegar
það er eitt en þegar það er í hópi fólks. Mig langar til
þess að taka gamalt útvarp í sundur og setja það
saman aftur. Mig langar til þess að geta svarað með
vísindalegum rökum af hverju það er engin hætta á
þvi að tunglið falli til jarðar. Mig langar til þess að vita
af hverju fólk hugsar á ólíkan hátt á ólíkum
æviskeiðum. Mig langar til þess að sigla í nóttinni og
láta stjörnurnar vísa mér veginn. Mig langar til þess
að vita hverjir eru raunverulegir vinir mínir. Mig
langar til þess að geta fundið merkingu ákveðinna orða
með því að rekja þau aftur til eldri tungumála. Mig
langar til þess að lifa í beinu sambandi við náttúruna.
Mig langar til þess að skilja lestunar- og losunarbúnað
á flugvöllum, bæði fyrir farangur og farþega. Mig
langar til þess að geta haldið dauðvona sjúklingi á lífi.
Mig langar til þess að geta gefið hugmynd eitthvert
form sem hægt yrði að meta fagurfræðilega. Mig lang-
ar til þess að þekkja hverja einustu frumu manns-
líkamans. Mig langar.
Auglýsingar.
EINTAK DESEMBER