Vikublaðið - 28.01.1994, Blaðsíða 7
VIKUBLAÐIÐ 28. JANUAR 1994
Alþýðubandalagtð
Landsbyggðin vill frið í Reykjavík
Frétt í Morgunblaðinu í síðustu viku um
deilur milli alþýðubandalagsmanna í
Reykjavík kom faxtækinu á skrifstofu
Alþýðubandalagsins til að tifa skilaboð-
um frá landsbyggðinni. Efnislega var
boðskapurinn þessi: Takið ykkur saman
í andlitinu og náið sáttum um fram-
boðsmálin í höfuðborginni. Núna er
ekki tíminn til að efna til illinda í
flokknum. Hitt er þó líklegra að öldurn-
ar eigi eftir að rísa enn hærra áður en
niðurstaða fæst um skipun í sæti Al-
þýðubandalagsins á sameiginlegum
lista minnihlutaflokkanna til borgar-
stjórnarkosninganna í vor.
EFTIR PÁL VILHJÁLMSSON
W¥A rví' IHmiáfi h‘ 'í t A' X
Pi
Árni Þór Sigurðsson
formaður kjördœmis-
ráðs og Arthúr
Morthens varafor-
maður unnu sáman
að þvífyrir hönd Al-
þýðubandalagsins að
gera sameiginlegt
framboð minnihluta-
flokkanna að veru-
leika. Núna keppa
þeir að sama sœtinu
á framboðslistanum
og átök eru í aðsigi.
Myndin var tekin á
fundinum sem Árni
Þór tilkynnti um hug
sinn á fimmta sœtinu
Fáir bjuggust við öðru en að
sátt myndi nást um íram-
bjóðendur Alþýðubanda-
lagsins í þau sæti sem flokknum eru
ætluð á lista sameiginlegs framboðs
minnihlutaflokkanna í Reykjavík.
Flokkurinn brenndi sig illa á
sundrungunni við síðustu borgar-
stjórnarkosningar þegar drjúgur
hópur alþýðubandalagsmanna
gekk til liðs við Nýjan vettvang.
Mönnum er í fersku minni að und-
ir lok kosningabaráttunnar var
orrahríðin mest á milli framboðs-
lista Alþýðubandalagsins og Nýs
vettvangs á meðan Sjálfstæðis-
flokkurinn sigldi lygnan sjó og inn-
byrti afgerandi meirihluta á kosn-
ingadag.
Allt átti þetta að vera öðruvísi
fyrir þessar kosningar. Haustið
1992 var stofnað kjördæmisráð í
Reykjavík þar sem félögin þrjú, Al-
þýðubandalagið í Reykjavík (ABR),
Birting og Æskulýðsfylkingin áttu
fúlltrúa. Stjórn kjördæmisráðsins
gegnir mikilvægu hlutverki með
því að hún stjórnar vinnunni við
framboð flokksins f Reykjavík.
- Við verðum að læra af reynsl-
unni frá kosningunum 1990 og
ekki láta það endurtaka sig að tveir
ffamboðslistar kljúfi Alþýðubanda-
lagsfólk í tvær fylkingar, sagði Arni
Þór Sigurðsson formaður kjör-
dæmisráðsins í viðtali við Viku-
blaðið í vor.
I þessum anda var unnið í sumar
og haust og áður en alvara komst í
viðræður um sameiginlegt fram-
boð minnihlutaflokkanna steíhdi
jafnvel í það að samið yrði um skip-
an á framboðslista Alþýðubanda-
lagsins. Ekkert hafði verið rætt um
forval eða aðrar leiðir til að skipa á
lista og því eru engar samþykktir til
í kjördæmisráðinu um hvernig
skuli valið á lista flokksins í Reykja-
vík.
Almenn ánægja var með þann
árangur að minnihlutaflokkarnir
náðu samkomulagi um einn fram-
boðslista. Formaður kjördæmis-
ráðs, Arni Þór, og varaformaður,
Arthúr Morthens, tóku þátt í þess-
um viðræðum fyrir hönd Alþýðu-
bandalagsins.
Spnrning um Mogga-
fygi
- Eg vonaði að þetta væri éins og
hver önnur Moggalýgi, sagði
Sveinn Kristinsson, formaður kjör-
dæmisráðs Alþýðubandalagsins á
Vesmrlandi, um baksíðuuppslátt
Morgunblaðsins á laugardag um
átök í Alþýðubandalaginu í Reykja-
vík.
Um helgina fengu flokksmenn
úti á landi veður af flokkadráttum í
höfuðborginni.
- Eg er voðalega hrygg yfir þess-
um áflogum í Reykjavík. Alþýðu-
bandalagið er ekki það stórt að það
sé til skiptanna, sagði Bryndís G.
Friðgeirsdóttir bæjarstjórnarmað-
ur á Isafirði og varaþingmaður í
samtali við blaðamann á mánudag.
Elma Guðmundsdóttir ritstjóri
Austurlands og formaður kjör-
nefhdar í Neskaupstað vonaði inni-
lega að menn næðu áttum.
- Það sýnir ákveðið þroskaleysi
að menn skuli ekki koma sér saman
um frambjóðendur og það er vont
að fá upp þessar deilur effir tal
manna um sættir á landsfundinum,
segir Elrna.
Sunnlendingar sendu fram-
kvæmdastjórn flokksins formlegt
erindi á mánudag þar sem stjórn
kjördæmisráðsins á Suðurlandi fer
fram á það við framkvæmdastjórn-
ina að hún „grípi þegar inn í at-
burðarásina og tryggi það að friður
og sátt ríki um röðun fulltrúa al-
þýðubandalagsfélaganna á listann."
Spurning um lýðræði
Á lista framboðs minnihluta-
flokkanna í Reykjavík skipar Al-
þýðubandalagið í tvö sæti af efstu
tíu. Manna á meðal var farið að tala
um að Guðrún Ágústdóttir færi í
annað sætið og Arthúr Morthens í
það fimmta. Guðrún kemur úr
ABR en Arthúr úr Birtingu. Samt
sem áður hafði ekkert samkomulag
verið gert um slíka skipan mála.
Frarn á þriðjudag í þessari viku
gerðu sumir sér vonir um að flokk-
urinn í Reykjavík inyndi koma sér
saman um einstaklinga á framboðs-
lista án erfiðleika og átaka. Það
hefði innsiglað sættir milli þeirra
fylkinga sem smddu hvor sitt fram-
boðið við síðustu borgarstjórnar-
kosningar. Stjórn kjördæmisráðs
kom saman það síðdegi og Árni
Þór formaður kjördæmisráðs til-
kynnti Arthúri varaformanni ráðs-
ins að hann stefndi á fiminta sætið
á framboðslista minnihlutaflokk-
anna, sætið sem Arthúr hafði auga-
stað á.
Árni Þór er ABR-maður og Birt-
ingarmenn líta svo á að núna eigi
að sópa þeim út af borðinu.
- Framboð Árna Þórs er ekki
friðarframboð. ABR vill gera upp
við Nýjan Vettvang með þessum
hætti, segir Arthúr Morthens.
Árni Þór lítur öðruvísi á málið.
- Það verða lýðræðislegar kosn-
ingar um frambjóðendur Alþýðu-
bandalagsins. Þetta þarf ekki að
vera erfitt, segir Árni og bætir við
að það sé óþolandi að minnihluti
flokksmanna kúgi meirihlutann.
- Engin einstök flokksfélög eða
einstaklingar geta gert kröfu um á-
kveðin sæti, segir Árni.
Guðrún Ágústdóttir segir enga
eiga sæti á listum sem Alþýðu-
bandalagið stendur að, hvorki ABR
né Birtingu.
- Ef eftirspurn eftir sætum er
meiri en framboð þá er lýðræðis-
legt að kjósa, segir Guðrún og
bendir á að þetta sé sá háttur sem
aðrir stjórmálaflokkar hafa á við
skipan framboðslista.
Spurning um erfiðleika
- Eg er langþreyttur á þessum
deilum í Reykjavík. Þær eru komn-
ar langt út fyrir eðlilegan málefna-
ágreining, segir Sveinn Rristinsson
á Akranesi og er ekki í nokkrum
vafa um að átök í Reykjavík eyði-
leggi fýrir flokksstarfinu úti á landi.
- Flokkurinn í Reykjavík er
móðurskipið og ef það er óeining
þar er hún miskunnarlaust notuð í
kosningabaráttunni úti á landi. Við
getum ekki þrætt fyrir það sem
augljóst er og verðum að benda á
eindrægnina hér heima. En það er
ekki stórmannlegt að þurfa að gera
þetta svona, segir Sveinn.
Bryndís G. Friðgeirsdóttir á Isa-
firði segir það vera fóður fyrir and-
stæðinginn þegar fréttist
af deilum alþýðubanda-
lagsmanna í Reykjavík.
Hún hefur þó ekki miklar
áhyggjur af því að ísfirsk
sveitarstjórnarpólitík
muni líða fyrir óeiningu í
höfðuðborginni. Sjálf-
stæðisflokkurinn á Isafirði
er klofinn, enda voru tveir
D-listar í framboði við
síðustu kosningar. Atök á
heimavígstöðum eru
fréttnæmari en stríð á
fjarlægari slóð.
- Þetta er höfuðborgin
okkar allra og þess vegna
skiptir það landsbyggða-
fólk máli þegar ágrein-
ingur er í Alþýðubanda-
laginu í Reykjavík.
Minnihlutinn í Reykjavík
fær ekki annað tækifæri til
að fella Sjálfstæðisflokk-
inn og það yrði hörmu-
legt ef átök í Alþýðu-
bandalaginu yrðu til að eyðileggja
það, segir Elma Guðmundsdóttir á
Neskaupstað. •
„Ef félagar í Reykjavík treysta
sér ekki til að vinna saman á mál-
efhalegan hátt að sameiginlegum
markmiðum er ljóst að þeir munu
ekki aðeins skaða sameiginlegt
framboð í Reykjavík heldur og
framboð alþýðubandalagsmanna
um allt land við sveitarstjórnar-
kosningarnar í vor. Það er algjör-
lega óásættanlegt að fámennur
hópur félaga í Reykjavík ógni
ffamtíð flokksstarfsins með þeim
hætti,“ segir í samþykkt stjórnar
kjördæmisráðs Alþýðubandalagsins
á Suðurlandi.
Spuming um hápunkt
Á þriðjudagsfúndinum í stjórn
kjördæmaráðsins var ákveðið að
kalla ráðið saman 2. febrúar til að
ákveða hvernig skuli skipað í sæti
Alþýðubandalagsins á sameiginleg-
um lista minnihlutaflokkanna.
Tíminn er naumur. Samkomulagið
á milli minnihlutaflokkanna gerir
ráð fyrir að 12. febrúar liggi ljóst
fyrir hvaða einstaklingar skipi list-
ann.
Arthúr Morthens segir enn ráð-
rúm til að semja um ffambjóðend-
ur Alþýðubandalagsins.
Verði kosningar í formi forvals
eða skoðanakönnunar má búast við
að barist verði um bæði sætin sem
flokknum er ætlað að skipa borgar-
fulltrúakandídata í.
Aðal- og varamenn í kjördæma-
ráði eru rúmlega 80 og þeir taka
formlega ákvörðun um hvernig
staðið verður að málinu.
- Kosningamar 1990 vom há-
punktur á nokkurra ára þróun. Það
eirnir enn af tortryggni en við
verðum að treysta hvort öðm. Ef
menn ná ekki að standa saman er
illa komið fyrir Alþýðubandalaginu
og félagshyggjufólki í Reykjavík.
Þetta sagði Árni Þór Sigurðsson
formaður kjördæmisráðs Alþýðu-
bandalagsins í Reykjavík í viðtali
við Vikublaðið í vor.
Niðurstaðan 2. febrúar mun
skera úr um það hvort hápunktin-
um hafi verið náð fyrir fjómm
ámm eða hvort átakasaga Alþýðu-
bandalagsins nái nýjum hæðum
fyrir sveitarstjórnarkosningarnar
1994.
Kjördæmisráð Alþýðubandalags-
félaganna í Reykjavík
FUNDUR
verður haldinn í Kjördæmisráði Alþýðubandalags-
félaganna í Reykjavík, miðvikudaginn 2. febrúar nk.
kl. 20.30 á Kornhlöðuloftinu á Bernhöftstorfu v/
Bankastræti.
Dagskrá:
Sameiginlegt framboð við borgarstjórnarkosning-
arnar í vor:
Staða málefnavinnunnar.
Ákvörðun um tilhögun við val á fulltrúum Alþýðu-
bandalagsins á sameiginlegan lista.
F.h. stjórnar Kjördæmisráðsins
Árni Þór Sigurðsson formaður
A UGL ÝSING FRÁ SEÐLABANKA ÍSLANDS
í Seðlabanka íslands eru tvær stöður bankastjóra lausar.
Samkvæmt lögum um Seðlabanka fslands skipar ráðherra í stöðu banka-
stjóra að fengnum tillögum bankaráðs. Bankaráðið auglýsir hér með eftir
umsóknum um fyrrgreindar stöður til undirbúnings tillögugerðar. í umsókn
skal ítarlega greint frá menntun og starfsferli umsækjanda. Umsóknir sendist
Seðlabanka íslands, Ágústi Einarssyni, formanni bankaráðs, Kalkofnsvegj
1,150 Reykjavík, fyrir 4. mars 1994.
Reykjavík, 20.janúar 1994,
SEÐLABANKIÍSLANDS
Bankaráð