Vikublaðið


Vikublaðið - 24.03.1994, Blaðsíða 1

Vikublaðið - 24.03.1994, Blaðsíða 1
Kópavogur G-listinn í Kópavogi býður fram undir kjörorðinu Gerum baeinn betri! I blaðinu að þessu sinni er allt um stefnu og hugmyndir Glistamanna. Bls. 9-19 Kosningar á ítalíu Um helgina verður kosið til ítalska þingsins í fyrsta sinn eftir að kosningalögum var breytt og ríkir mikil eftirvænt ing um úrslitin Bls. 20 M íslandssagan og ritskoðumn Gísli Gunnarsson bætist í hóp þeirra sem lýsa yfir óánægju með Islandssögugrein Páls Vilhjálmssonar í 9. tbl. og Páll svarar fyrir sig. Bls. 6-7 12. tbl. 3. árg. 24. mars 1994 Ritstjórn og afgreiðsla: sími 17500 250 kr. Sameinuð sigrum við! Reykjavíkurlistinn markar tímamót í íslenskum stjórnmálum. Á móti flokkavaldi og vanahugsun. Með opnari og lýðræðislegra samfélagi. Fundarhöld með borgarbúum á næstu vikum. Hér stend ég og get ekki annað, sagði Ingibjörg Sólrún Gísladóttir þing- kona og borgarstjóraefni fyrir troðfullum Súlnasal Hótel Sögu á laugardag þegar Reykjavíkurlistinn kynnti stemuskrá sína og fram- bjóðendur. I ræðu sinni sló Ingi- björg nýjan tón í íslenskri sttórn- málaumræðu og boðaði uppstokk- un á stjórnmálakerfinu. Guðrún Ágústsdóttir fræðslu- og kynningarfulltrúi setti fundinn og sagði sögulega stund runna upp. - Okkur hefur tekist það sem marg- ir þráðu, sumir töldu ómögulegt og Kópavogur skuldar krónur og dollara Bæjarsjóður Kópavogs skuldar tæplega þrjá milljarða króna, þar af er tæplega milljarður í óhag- stæðum erlendum lánum. Þegar núverandi meirihluti tók við voru skuldir bæjarsjóðs helrningi minni og bærinn skuldaði ekkert í út- löndum. - Það er dýrt að borga vexti af lán- um og skuldir Kópavogsbæjar munu í framtíðinni gera okkur erfitt um vik að fjármagna rekstur bæjarfélagsins, segir Valþór Hlöðversson bæjarfull- trúi sem skipar efsta sætið á lista Al- þýðubandalagsins í Kópavogi. Stórauknar skuldir bæjarins stafa einkum af fjárfrekum framkvæmdum við ný hverfi í Kópavogi. Bæjaryfir- völd gerðu ráð fyrir að fá tekjur á móti útgjöldunum en áætlanir þeirra hafa ekki gengið eftir. Bæjarfulltrúar Alþýðubandalagsins hafa gagnrýnt meirihluta Sjálfstæðis- flokks og Framsóknarflokks fyrir að hafa skuldsett bæjarsjóð langt fram úr hófi. Félagsleg þjónusta og annar rekstur bæjarfélagsins líður fyrir óskynsamlegar fjárfestingar meiri- hlutans. Sjá ítarlega umfjöllun um kosn- ingarnar í Kópavogi á bls. 9 ril 19. Við þegjum í Dymbilviku I gamalli tíð var Dymbilvika tími þögullar íhugunar. Viku- blaðið fylgir fornum háttum og kemur ekki út í næstu viku. Fyrsta tölublað eftir páska kemur út 7. apríl. aðrJr óttuðust, að skapa samstöðu um nýtt framboð til borgarstjórnar Reykjavíkur, sagði Guðrún. Sigrún Magnúsdóttir borgarfulltrúi kynnti steíhuskrá Reykjavíkurlistans undir kjörorðinu Opin og lýðræðisleg borg, heimili - atvinna - skóli. - Það er stefha Reykjavíkurlistans að bæta úr brýnni þörf fyrir betri og sveigjanlegri þjónustu við reykvískar fjölskyldur, stuðla að aukinni atvinnu, vinsamlegra umhverfi, opnara stjórn- kerfi og lýðræðislegri stjórnarháttum, sagði Sigrún. Áfundinum flutti Ingibjörg Sólrún sína fyrstu ræðu sem borgarstjórnar- efni R-listans. Hún ræddi breytt við- horf í íslenskri stjórnmálaumræðu og nýtt inntak stjórnmálanna. - Fólk ætlast til þess af stjómmála- mönnum og stjórnmálaöflum að þau vísi til framtíðar. Að þau veki vonir og drauma sem geta leyst úr læðingi þá bjartsýni, hugvit og starfsorku sem er forsenda allra raunverulegra framfara. Að þau stjórni ekki fólki heldur stjórni með fólki. Að þau hafi ekki vald yfir heldur vald til. Ingibjörg fjallaði einnig um hug- myndir sínar um stjórn Reykjavíkur- borgar. "" - Ég vil gera stjórnkerfi borgarinn- ar opnara og lýðræðislegra, ég vil Ieyfa ferskum vindum að blása um borgarkerfið og losa það úr viðjum flokksvalds og vanahugsunar. Ég vil binda endi á flokkspólitískan dilka- drátt og gera ábyrgð, reynslu og sið- gæðiskennd einstaklinganna að þeim mælikvarða sem einn er marktækur, sagði Ingibjörg og hélt áfram: - Nú eigið þið næsta Ieik. Á næst- unni mun Reykjavíkurlistinn boða til opinna funda með borgarbúum um flest þau irtál sem á okkur brenna. Nú er komið að ykkur að leggja óskir ykk- ar, hugmyndir og þekkingu í þann sjóð sem við munum ausa af allt næsta kjörtímabil. - Sameinuð munum við sigra!, voru lokaorð borgarstjóraefnis Reykjavík- urlistans og sneisafullur Súlnasalurinn tók undir með kröftugu lófataki. Sjá nánar á bls. 3, 4 og 5. Ég vil binda endi á flokkspólitískan dilkadrátt og gera ábyrgð, reynslu og siðgaðiskennd einstaklinganna aðþeiin mælikvarða sem einn er marktcekur, sagði Ingibjbrg Sólrún Gísladóttir á kynningarfundi Reykjavíkurlistans. Stefna Alþýðubandalags í ESB-málinu ofan á Olafur Ragnar Grímsson hefur óskað eftir því að ut- anríkisráðuneytið skili ut- anríkismálanefnd Alþingis greinar- gerð um hvernig unnið hefur verið að þeim möguleika að gera tvíhliða samning við Evrópusambandið. Ólafur Ragnar segir að þessi ósk sé fram borin í Ijósi yfirlýsingar Björns Bjarnasonar formanns utanríkismála- nefndar í ræðu á þingi í síðustu viku um að ályktun Alþingis frá því í maí 1993 um tvíhliða samning sé viðvar- andi stefha Islands. Því komi ekki til álita að sækja um inngöngu í ESB. Þingmenn Alþýðubandalagsins telja að samningur Noregs við Evrópu- sambandið sé lélegur og á engan hátt viðsættanlegur grunnur fyrir ísland. Ólafur Ragnar segir síðustu við- burði sýna glöggt að stefnan um tví- hliða samning sem Alþýðubandalagið markaði í júní 1992 hafi reynst rétt og sýnt mikið raunsæi. „Þar var því lýst hvernig slíkur tvíhliða samningur ætti að vera. Og þessi stefna okkar er að verða ofan á, í ljósi þess að enginn flokkur hefur breytt um afstöðu gagn- vart ályktun þingsins frá síðasta vori. Það eru bara Jón Baldvin og Þórarinn V. með nokkrum atvinnurekendum sem vilja hverfa frá þeirri samþykkt," segir Ólafur Ragnar. . Steingrímur J. Sigfússon er gáttað- ur á yfirlýsingum Jóns Baldvins um að samningur Noregs sé góður. „Þessi samningur er lélegur. Noregur fór af stað með tvö meginmarkmið, engan fisk og stjórnun fiskveiða norðan 62 breiddargráðu. Þeir gáfu eftir í báðum atriðum; láta meiri fisk og missa for- ræðið norðan 62 breiddargráðu eftir þrjú ár. Eftir það semjum við ekki við Norðmenn um loðnu, heldur við mennina í Brussel. Norðmenn fengu svo klásúlu sem varðar Smuguveið- arnar. Hvaða aðstoð fær Noregur frá Evrópubandalaginu? Staðreyndin er sú að það bandalag hefur verið ein- hver harðdrægasti úthafsveiðihags- munaaðili sem fyrir finnst og ævinlega staðið gegn lokun á smugum," segir Steingrímur. Sjá leiðara á bls. 4. Mótmælum valdtöku Breta Island á hiklaust að mótmæla því kröftulega að Bretland skuli einhliða taka sér lög- regluvald á Hatton-Rockall svæð- inu með töku togarans Rex. Þetta er frjálst úthaf og veiðar heimilaðar samkvæmt 116. grein hafréttarsátt- málans. Mér finnst viðbrögð srjórnvalda ekki nógu skjót og ör- ugg í ljósi þess að við höfum gert kröfu til þessa svæðis, sem land- fræðilega og jarðfræðilega er frekar á okkar áhrifasvæði en Breta. Mér finnst spurning hvort það eigi ekki að láta reyna sem fyrst á veiðar skips með íslenskan fána þarna og sjá til hvað gerist. Þetta segir Steingrímur J. Sigfússon aðspurður um töku Breta á togaran- um Rex á Hatton-Rockall svæðinu nýverið. Skipið er í eigu íslenskra og færeyskra aðila, en siglir undir fána Kýpur. Bent hefur verið á að skipið myndi sigla undir íslenskum fána ef ekki væri fyrir þrönga túlkun sjávarút- vegsráðuneytisins á lagaákvæðum um úreldingu skipa. „Þessum lögum eða túlkun á þeim þarf að breyta. En títhafsveiðarnar eru mikið hitamál um þessar mundir. Eg á sæti í úthafsveiðinefnd þeirri sem sjáv- arútvegsráðherra skipaði í haust vegna Smugudeilunnar og ég fer nú um helgina á ráðstefhu Sameinuðu þjóð- anna um úthafsveiðiréttindi. Þetta er annar fundurinn af þremur og til stendur að reyna að semja um þjóð- réttarsamning á þessu sviði eða að minnsta kosti að semja leiðbeinandi reglur," segir Steingrímur.

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.