Vikublaðið


Vikublaðið - 29.04.1994, Blaðsíða 2

Vikublaðið - 29.04.1994, Blaðsíða 2
VHttiarf VIKUBLAÐIÐ 29. APRIL 1994 ^UMlaMð L A B S E M Útgefandi: Alþýðubandalagið Ritstjóri og ábm.: Hildur Jónsdóttir Blaðamenn: Páll Vilhjálmsson, Friðrik Pór Guðmundsson og Ólafur Þórðarson Auglýsingasími: (9U-813200 - Fax: (9D-678461 Ritstjórn og afgreiðsla: y Laugavegur 3 (4. hæð) 101 Reykjavík Sími á ritstjórn: (9D-17500 - Fax: 17599 Útlit og umbrot: Leturval Prentvinnsla: Frjáls fjölmiðlun hf. Pólitísk umskipti í vændum Höfundar fyrsta maí ávarps fulltrúaráðs verka- lýðsfélaganna í Reykjavík, BSRB og Iðnnemasam- bands Islands litast í kringum sig í lýðveldinu fimm- tugu og líst ekki á' blikuna: Það er langvarandi stöðnun, sex prósent atvinnuleysi, öfgar og ranglæti í launum og kjörum, launalækkun og réttinda- skerðing hjá öllum almenningi. Launafólk á íslandi veit að aflasamdráttur og verðfall á erlendum mörkuðum á helstu útflutn- ingsvöru okkar boðar kjaraskerðingu. Það gefur eftir í kaupi þegar þannig stendur á og hefur á síð- ustu árum greitt þá skatta sem fyrirtækin borguðu áður. Afleiðingin er minnsta kaupgeta í áratug og stórvaxandi skuldir heimilanna. Kenningin um að lægra kaup skapi fleiri störf virðist ekki sannast hér á landi, þótt launakerfið sé sveigjanlegra hér en í flestum öðrum löndum vegna þess hve vön við erum að laga okkur að sveiflum í þjóðartekjum. Atvinnureksturinn hefur síðustu ár búið við vinnufrið, lækkandi launakostnað og minni álögur en áður. En enda þótt atvinnulífið virðist á mörgum sviðum vera að komast út úr taprekstri og skilyrði í sjónum fari batnandi bendir fátt til þess að atvinnuástand skáni til muna. I fyrsta maí ávarpinu er lögð áhersla á að íslend- ingar þurfi að losa sig úr viðjum stöðnunar sem frjálshyggjan hefur kallað yfir þjóðina. Það verður ekki gert nema með róttækri stefnubreytingu við stjórn landsins. Póhtísk umskipti þurfa að verða í landinu til þess að komast að nýju á braut hagvaxtar, framfara og jöfnunar lífskjara. Það sem ekki hefur náðst fram við samningaborðið eða í kjaraátökum þarf að knýja fram við kjörborðið. ¦ Pólitísk umskipi eru í nánd. Reykjavíkurlistinn er á sigurbraut og hefur lagt megináherslu á aðgerðir í atvinnumálum, lagfæringar eftir óstjórn sjálfstæðis- manna og úrbætur í vaxandi félagslegum vanda- málum í höfuðborginni. Alþýðubandalagið hefur lagt fram grundvöll að nýjum stjórnarháttum í landinu með Græn'u bók- innni, þar sem samhæfing í þágu útflutningsmark- miða og áhersla á atvinnu, jöfnuð og siðbót eru í brennidepli. Meðal andstæðinga frjálshyggjunnar er að skapast hugmyndaleg og starfsleg samstilling sem gæti dugað til pólitískra umskipta í þingkosn- ingum. Markmið fyrsta maí ávarpsins hljóma vel inn í þá samstillingu. Sjónarhorn Já, jafn miklu máli IVikublaðinu 15. apríl var grein eftir unga konu sem undirritaðri fannst allrar athygli verð. Konan heitir Sigþrúður Gunnarsdóttir og er ein af of faum ungUm konum á vinstri væng stjórnmálanna sem starfa í póli- tík. Hún er m.a. formaður Samtaka herstöðvaandstæðinga. I fyrirsögn greinarinnar spurði Sigþrúður: Skipt- um við máli? Og þó ég hafi ekki fylgst náið með stjómmálastarfi hennar þá svara ég hiklaust að konur eins og hún skipti máli. Sigþrúður var nógu djörf til þess að bjóða sig fram í varafor- mannssæti í nýrri ungliðahreyfingu vinstri manna, Verðandi. Hún tapaði kosningunni fyrir ungum karlmanni og hún skrifar greinina til þess að gera lesendum Vikublaðsins ljóst að hún er óhress með þá niðurstöðu. Það finnst mér rétt af henni. Hún er óhress með að ungliða- hreyfingin skyldi annað árið í röð kjósa stráka í embætti formanns og varaformanns en láta henni þó ritara- sætið eftir. Það er hefðbundið kven- mannssæti í mörgum félögum. Sig- þrúður titlar sig ritara karlaklúbbsins. Stjórnmálamenn fram- tíðarinnar Þegar stjórnmálahreyfingin Verð- andi var stofnuð fyrir rúmu ári fór ekki hjá því að ég tæki eftir hversu fáar konur voru í forystu hennar. Mér fannst það ekki bera hreyfingu ungra vinstri manna og „jafnréttissinna" gott vitni og síst auka mér bjartsýni um framtíðina. I ungliðahreyfingun- um hljóta stjórnmálamenn framtíðar- innar þjálfun sína og með því að líta á forysrusveit þeirra má spá um hverjir fari með völdin eftir 15-20 ár. Og Sig- þrúður upplýsir í grein sinni þá Steinunn Jóhannes- dóttir hryggilegu staðreynd að á landsfundi Verðandi hafi aðeins verið 5 stelpur en nokkrir tugir stráka. Fólki finnst kannski að fyrst svo fáar ungar konur sýni áhuga þá sé eðlilegt að völd þeirra eða valdaleysi sé í samræmi við það. Sigþrúður segir ekkert um það hvers vegna stelpurnar voru svona fáar. Bara að þær voru ekki nema fimm. En það skiptir miklu máli að vita hvort ungar konur hafi al- mennt ekki áhuga á stjórnmálum eða hvort þær hafi ekki tækifæri til þess að sýna áhuga sinn í verki? Eru þær kannski bundnar yfir börnum sínum og strákanna? Eru þær að vinna fyrir þeim? Fengu þær enga hvatningu? Skortir þær kjark? Einstaklingshyggja eða samstaða Sigþrúði Gunnarsdóttur skortir í það minnsta ekki kjark. Og fyrir það ætti hún að hljóta umbun. En það kann samt að vera að einhverju sé á- bótavant í „strategíu" eða hernaðarlist ungra kvenna í stjórnmálum líkt og kvenna almennt á íslandi. Margar ís- lenskar konur hafa farið þá leið að berjast sem einstaklingar til áhrifa í krafti einhverra sérstakra hæfileika og tekist það bærilega. Þær eru braut- ryðjendur og afrekskonur en oft ansi einar. Aðrar leggja áherslu á sam- stöðupólitík innan hópsins og Kvennalistinn er auðvitað besta dæm- ið um það. Konur í öðrum stjórn- málaflokkum, einkum á vinstri væng, hafa stundum náð árangri í krafti sam- stöðunnar, en stundum hefur hún verið í molum og málin tapast þess vegna. Það sést ekki af grein Sigþrúð- ar með hvaða hætti hún undirbjó framboð sitt. Það sést ekki hvort hún bauð sig fyrst og fremst fram sem full- trúi kvenna eða éinhvers annars hóps? Það sést ekki hvort hún reyndi árang- urslaust að smala kynsystrum sínum á fundinn eða hvort hún treysti bara á stuðning strákanna? Það sést bara að stelpurnar voru fáar og Sigþrúður tapaði. Konur skipta jafn miklu máli Núna skömmu fyrir sveitastjórnar- kosningar er staða íslenskra kvenna í stjórnmálum mjög til umræðu og at- hygli beinist að því hversu hlutur þeirra er miklu minni en hlutur kvenna annars staðar á Norðurlönd- um. Ég held það fari ekki á milli mála að íslenskar konur þurfi að taka bar- áttuaðferðir sínar til endurskoðunar enn á ný ef þær vilja bæta sinn hlut. Vonandi tekst Sellunum, hinni ný- stofhuðu kvennahreyfingu Alþýðu- bandalagsins, að blása nýju lífi í jafh- réttisumræðuna innan vinstri hreyf- ingarinnar. Það liggur svo bersýnilega í augum uppi („Snati minn") að þess er full þörf. Konur skipta vinstri væng stjórnmálanna ekki minna máli en karlar. Þær skipta jafh miklu máli. Höfundur er rithöfundur Tökum þátt í viðburðum dagsins - 1. maí Alþýðubandalagið í Reykjavík hvetur alla félagsmenn sína og stuðningsmenn flokksins í Reykjavík til að taka þátt í hátíðarhöldum og kröfugöngu dagsins 1. maí á hátíðis- og baráttudegi verkalýðsins. Alþýðubandalagið í Reykjavík efnir ekki til sérstakrar samkomu á hátíðisdegi verkalýðsins að þessu sinni en hvetur félaga til að mæta á samkomur verkalýðsfólaganna - og bendir á að R-listinn hefur opið hús að Laugavegi 31 allan daginn. Alþýðubandalagið í Reykjavík

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.