Vikublaðið


Vikublaðið - 29.04.1994, Blaðsíða 12

Vikublaðið - 29.04.1994, Blaðsíða 12
12 VIKUBLAÐIÐ 29. APRIL 1994 1. maí ávarp fulltrúaráðs verkalýðsfélaganna í Reykja- vík, Bandalags starfsmanna ríkis og bæja og Iðnnemasambands fslands 1994 Atvinnuleysi er efst í huga okkar nú .1. maí á baráttudegi verkafólks. Á síðustu mánuðum hefur atvinnuleysi verið meira en nokkru sinni áður. Flestar rjölskyldur í landinu þekkja lamandi og skemmandi áhrif atvinnu- leysis. / Aldamótakynslóðin átti baráttu- menn sem lögðu grunn að fullvalda ríki. Kreppukynslóðin stóð af sér mestu viðskiptaáföll aldarinnar og reisti um leið atvinnulífið úr rústum. Kynslóð eftirstríðsáranna gerði Island að velferðarríki. Nú bjóðum við vel- komna æsku landsins í fylkingu okkar sem viljum berjast gegn því efnahags- lega og félagslega ranglæti sem blasir við í þjóðfélaginu: - Þar sem vinnufúsar hendur fá ekki vinnu. - Þar sem margfaldur launa- og kjaramunur undirstrikar öfga og ranglætí í samfélaginu. - Þar sem hinn almenni launamað- ur er látinn taka alla ábyrgð á glæfra- legum starfsháttum lánastofnana á undanförnum árum. - Þar sem launamaðurinn þarf að sæta uppsögn úr starfi jafnvel án upp- sagnarfrests á meðan stórbokkinn skammtar sér biðlaun sem nema hundruðum þúsunda á mánuði. - Þar sem alþingismenn, ráðherrar, bankastjórar og hæstaréttardómarar búa við margfaldan þann lífeyrisrétt sem aðrir launamenn verða að sætta sig við. - Þar sem stjórnmálamenn standa ekki við yfirlýsingar sínar eða loforð eftír kosningar. - Þar sem nokkrir útgerðarmenn og stóratvinnurekendur í fiskvinnslu eru, með dyggri aðstoð sriórnmála- manna, að sölsa undir sig það sem eft- ir er af auðæfunum í hafinu. - Þar sem æska landsins er látin gjalda fyrir langvarandi vaxtaokur. - Þar sem fjármagnseigendur hafa verðtryggðar tekjur en launamenn ekki. Bótalaust tímabil atvinnuleysis- trygginga er tímaskekkja, sem ber að afnema án tafar. Möguleika at- vinnulauss fólks til hagnýts náms þarf að auka. Undirbúning átaksverkefna sveitarfélaga þarf að vanda vel og gæta þess að þau snúist um innihaldsrík verkefni. Brýnast af öllu er að útrýma atvinnuleysinu. Stöðguleiki hefur einkennt efna- hagslíf og vinnumarkað á undanförn- um árum. Verðbólga er vart mælan- leg. I samanburði við launakostnað erlendis hefur launakostnaður hér- lendis lækkað. Launafólk greiðir nú skatta sem fyrirtæki greiddu áður. Enda þótt atvinnureksturinn greiði sáralítið til samfélagsins segir at- vinnureksturinn sig á sveitina enn og aftur. Velferðarkerfi atvinnurekstrar- ins er dýrasta velferðarkerfi landsins. Launafólk greiðir iðgjaldið en at- vinnurekendur fá bæturnar. Launa- fólk greiðir tapið en þeir hirða arðinn. Að öllu samanlögðu hefur starfsum- hverfi atvinnurekstrarins verið eins og atvinnurekendur helst gátu kosið sér. Samt er atvinnuleysi! Utvegurinn neitar að greiða sam- félaginu auðlindaskatt heldur skattleggur sjálfan sig með kvóta- braski. Ur röðum útvegsmanna hefur heyrst að nú sé kominn tími tíl að selja aðgang að fiskimiðunum á alþjóða- markaði með því að selja hlut í út- gerðum sínum. Útfærsla landhelginn- ar í 12, 50 og síðan í 200 mflur er dæmi um góð áform sem yfirgengileg ágirnd og hroki eru að gera að engu. Flestum er að verða ljóst getuleysi frjálshyggjunnar tíl að leysa brýn vandamál eins og atvinnuleysi. Launalækkun og réttíndaskerðing launafólks er eina úrræðið sem hún á við atvinnuleysi. Skammtímagróði er tekinn fram yfir fjárfestingu til langs tíma. Vextir eru háir. Frjálshyggja verðleggur brask hærra en launavinnu. Kvótabraskið er ljósasta dæmið um það. Vegna mannfyrirlitningarinnar sem býr í frjálshyggjunni verður ekki ráðið við atvinnuleysið með ráðum hennar. Gegn atvinnuleysinu verður að ráð- ast með markvissum, opinberum að- gerðum. Vandi okkar verður leystur með fyrirhyggju - ekki með frjálshyggju. Við höfum ekkert með metnaðarlaus markmið frjálshyggjunnar um lág- launastörf að gera. Við þörfnumst metnaðarfullra markmiða fyrirhyggj- unnar um vel launuð störf. Getuleysi frjálshyggjunnar sýnir að verkafólk og samtök þess verða að taka taumana í sínar hendur og stýra í átt tíl nýsköp- unar í atvinnulífinu. Við þörfnumst meiri eftirspurnar á innanlandsmark- aði. Fyrsta skrefið til þess er meiri kaupgeta - fólk sem getur keypt. Framundan er undirbúningur að gerð kjarasamninga. Kröfur okkar í komandi kjarasamningum hljóta að taka mið af afkomu þjóðarbúsins, sem er betri nú en útlit var fyrir þegar gild- andi kjarasamningar voru gerðir. Kröfur okkar hljóta því að snúast að auknum jöfhuði í þjóðfélaginu. Of lít- il nýsköpun og fjárfesting í atvinnulífi hindrar hagvöxt. Dugleysi atvinnurekenda á þessu sviði kallar á frumkvæði okkar og forystu. A sama tíma og yfirvöld kunna ráð til að skattleggja fæðis- og ferðahlunnindi launafólks allt niður í tvo strætisvagnamiða á dag eiga þau engin ráð við skattsvikum. Launafólk krefst þess, að ríkisvaldið beini spjót- um sínum að neðanjarðarhagkerfinu sem lengi hefur þrifist í þessu þjóðfé- lagi. Það ætti að liggja í augum uppi að þeir 11-15 milljarðar sem talið er að ríkissjóður verði af í neðanjarðar- hagkerfinu eru ekki í vösum launa- manna. Frændþjóðir okkar á Norðurlönd- um, Svíar, Norðmenn og Finnar, greiða senn atkvæði um aðild að Evr- ópusambandinu. Ef verður af inn- göngu þeirra í Evrópusambandið munu þessar þjóðir leggja mikla á- herslu á samstarfið á meginlandinu og hætta er á að það dragi úr áhuga þeirra á norrænni samvinnu. Sameiginlegur markaður Evrópu- sambandsins verður áfram mikilvægur fyrir okkur á komandi árum. Vestan við okkur er að ýmsu leyti álitlegur markaður og austur í Asíu er annar í örum vexti. Því er brýnt að við mótum stefnu í ljósi þessara aðstæðna. Grundvöllur hennar hlýtur að vera fiskveiðilögsaga í höndum íslendinga. Krafan er að þjóðin verði spurð í jafn afdrifaríku máli. Aldamót eru skammt undan. Við erum hin nýja aldamótakynslóð. Við okkur blasa ærin verkefni. Við þurfum markvissa, arðsama langtímafiárfest- ingu í atvinnuvegunum. Við þurfum að losa okkur úr viðjum stöðnunar sem frjálshyggjan hefur kallað yfir okkur. Við þurfum að gefa spilin upp á nýtt. Launafólk. Gerum 1. maí að raunverulegum baráttudegi, þar sem við sameinumst um kröfuna: FULL ATVINNA FYRIR ALLA - ATVINNA ER MANNRÉTTINDI Sendum viðskiptavinum okkar og öllu launafólki árnaðaróskir á hátíðisdegi verkalýðsins -I . IVIAJ VERKAMANNAFÉLAGIÐ DAGSBRÚN Niðursuðuverksmiðjan Grandi hf. EIMSKIP VIÐ GREIÐUM ÞÉR LEIÐ pra Vesturvör 12 r^REYKJAVÍKURHÖFN Staðarsí^áCi O-írútafirdi Olíufélagiö h.f. Haraldur Böðvarsson hf. Akranesi MJÓLKURBÚFLÓAMANNA LANDSVIRKJUN fm félag ?^ bókagerðar-itm manna ÍSLENSKIR AÐALVERKTAKAR

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.