Vikublaðið - 06.05.1994, Blaðsíða 2
8
VIKUBLAÐIÐ 6. MAÍ 1994
Vesturlandsblaðið
Blaö Alþýöubandalagsins á Vesturlandi
14. árgangur - 2. tölublað
Útgefandi: Kjördæmisráö AB á Vesturlandi
Umsjón, útlit og myndir: Vikublaðið
Ábyrgðarmaður: Jóhann Ársælsson
Prentun: Frjáls fjölmiðlun hf.
Kosningarnar
framundan
Nú þegar sumar hefur tekið við af vetri og sól
hækkar á lofti sendir Vesturlandsblaðið lesendum
sínum bestu óskir dm gleðilegt sumar.
Síðastliðinn vetur verður fyrir margar sakir eftir-
minnilegur fyrir Vestlendinga. Ber þar einna hæst
umræður, tillögugerð og kosningar um sameiningu
sveitarfélaga í kjördæminu. Þó ekki yrðu miklar
undirtektir í kosningum við tillögur umdæma-
nefndar, hefur verið unnið að málum áfram svo nú á
þessum vordögum er árangurinn að koma í ljós.
Sameining í utanverðu Snæfellsnesi er þegar orðin
svo og í Dölum og Mýrasýslu.
Sameining sveitarfélaga er ekki einfalt verkefni og
því hafa menn gefið sér góðan tíma til starfsins.
Marga hnúta þarf að hnýta til að réttindi allra þegna
í nýju sveitarfélagi verði tryggð. Alþýðubandalagið
á Vesturlandi væntir mikils af þeim verkefnatilfærsl-
um sem nú eru fyrirsjáanlegar. Mikilvægt er þó að
sveitarstjórnarmenn í kjördæminu undirbúi sig vel
fyrir glímuna við ný viðfangsefni.
Nú standa fyrir dyrum kosningar til sveitarstjórna
í landinu. Almenningur velur sér þá fulltrúa til að
sinna málefhum byggða sinna til næstu fjögurra ára.
Það hefur sýnt sig í vetur að óvenju mikill kraftur er
í starfi Alþýðubandalagsins. Flokkurinn býður fram
trausta og reynda sveit fólks, sem lýsir sig reiðubúið
að sinna sveitarstjórnarmálum af krafti í byggðar-
lagi sínu.
Vegna aukinna verkefna sveitarfélaga á komandi
kjörtímabili er afar mikilvægt að tryggja setu sem
flestra Alþýðubandalagsmanna í sveitarstjórnum.
Engir eru til þess betur færir að sinna fjölþættum
og vandasömum verkeftium sveitarstjórna en fé-
lagshyggjumenn. Vesturlandsblaðið hvetur því alla
þá sem aðhyllast félagshyggju að gera hlut Alþýðu-
bandalagsins sem mestan í komandi kosningum.
G-listinn ber saman
fyrirheit og efndir
í Grundarfirði hefur G-Iistinn
starfað í meirihluta þetta kjörtíma-
bil og í vor sömdu sveitarstjómar-
fulltrúar framboðsins ítarlega
skýrslu um starf meirihlutans und-
ir yfirskriítinni Horft yfir farinn
veg. Skýrslan er framhald af kosn-
ingastefnuskrá framboðsins við
síðustu kosningar sem hét Hoift til
framtíðar. Við þessar kosningar
verður fjölgað í hreppsnefnd uin
tvo og verður því kosnir sjö
hreppsnefhdarmenn.
- Ef fólk kynnir sér málefnin og ber
saman orð og efndir okkar höfum við
engu að kvíða, segir Ragnar Elbergs-
son sveitarstjórnarfulltrúi, en hann
skipar 3. sæti G-listans.
I starfi meirihlutans hefur verið
lögð áhersla á að vanda til fram-
kvæmda og þannig komið í veg fýrir
að kostnaðaráætlanir fari úr böndum.
I skýrslunni kemur frain að skuldir
sveitarfélagsins miðað við íbúa eru
lægri núna en þær voru við upphaf
kjörtímabilsins og hafa framkvæmdir
þó verið með allra mesta inóti.
Unnið hefur verið að ýmsum hafn-
arbótum og einkum hefur aðstaða
smábáta verið bætt. Hafnarþjónustan
hefur verið efld og kynningarbæklingi
um höfnina í Grundarfirði var dreift
um allt land. Samningur hrepps-
nefndar við Ungmennafélag Grund-
arfjarðar á síðasta ári kveður á um
byggingu nýs íþróttavallar með að-
stöðu fyrir frjálsar íþróttir og æfinga-
vallar við hlið aðalleikvangs.
Tímamótasamningur við
Ungmennafélagið
- Samningurinn við Ungmennafé-
lagið markar tímamót í uppbyggingu
íþróttamannvirkja í Grundarfirði.
Hreppurinn og Ungmennafélagið
taka höndum saman um að tryggja
góða aðstöðu og á þessu ári verður
gerður samningur um rekstur íþrótta-
vallarins, segir Olafur Guðmundsson
sem sldpar fyrsta sætið á G-listanum.
A kjörtímabilinu hefur einnig verið
unnið að endurbótum á íþróttahúsi og
sundlaug.
Eitt fyrsta verk núverandi meiri-
hluta hreppsnefhdar var að byggja
leikskóla en langir biðlistar höfðu
myndast árin á undan og meirihlutinn
taldi knýjandi að bæta úr aðstöðu
barnanna. Metnaður var lagður í það
að rekstur leikskólans svaraði kröfum
nútímasamfélags. Opnunartími var
lengdur og boðið upp á sveigjanlegan
vistunartíma. Þá voru ráðnir tveir
fóstrumenntaðir skólastjórar við leik-
skólann.
Umhverfismál öll ár
- Á hverju ári leggjum við nokkra
fjárhæð til umhverfismála enda teljum
KJORSKRA
AKRANESKAUPSTAÐAR
Kjörskrá vegna bæjarstjórnarkosninga, sem fram fara þann
28. maí 1994 á Akranesi, liggur frammi til sýnis á bæjarskrif-
stofunni á almennum skrifstofutíma fram að kjördegi.
Kærufrestur vegna kjörskrár rennur út kl. 12:00 þann 14. maí
1994 og skal skila kærum til bæjarskrifstofunnar fyrir þann
tíma.
Akranesi, 4. maí 1994
Bæjarritari
Alþýðubandalagiö
við mikilvægt að vinna sífellt að því að
fegra og bæta umhverfi okkar, segir
Ólafur.
A kjörtímabilinu hefur verið unnið
að frágangi svæða meðfram Grundar-
götu ffá Asakaffi að ystu húsum og frá
Gilósbrekku inn að hafnargarði. Um-
hverfið frá skólanum allt upp í Grafar-
gil hefur verið bætt með því að plant-
að hefur verið 5000 trjáplöntum í
samvinnu við Skógræktarfélag Eyrar-
sveitar.
Framkvæmdir voru hafnar við frá-
gang opinna svæða innan byggðarinn-
ar, til að mynda við samkomuhús og
„þríhyrning," samkvæmt tillöguteikn-
ingum. Undanfarin sumur hefur um-
sjónarmaður verið ráðinn til að sinna
umhverfismálum og hefur sú tilhögun
gefist vel.
Fyrirhugaðar framkvæmdir í um-
hverfismálum í sumar eru áffamhald-
andi gróður- og frágangsvinna við
opin svæði, til dæmis „Þríhyrning,"
svæðið ofan skóla og sundlaugar
(tjaldsvæði), auk frágangs opinna
svæða við leikskóla og samkomuhús.
Sameiginlegt baráttumál í
höfn
Sameiginlegt baráttumál íbúa
Grundarfjarðar hefur í rnörg ár verið
að fá nýja heilsugæslustöð. Undirbún-
ingur hófst á síðasta kjörtímabili og í
upphafi yfirstandandi kjörtímabils var
ákveðið að fylgja undirbúningsvinn-
unni eftir og ganga eftir því að fjár-
magn fengist í verkið.
Þegar hreppsnefndin bauðst til þess
að leggja ffam sinn hluta strax í upp-
hafi byggingarffamkvæmda komst
skriður á málið og samningar náðust
við ríkisvaldið um að hefja ffam-
kvæmdir.
Ólafur Guðmundsson
og Ragnar Elbergs-
son, hreppsnefndar-
menn G-listans í
Grundarfirði, hafa
gefið út ítarlega
skýrslu um störf sín á
kjörtímabilinu.
Allt bendir til að í haust verði nýja
heilsugæslan tekin í notkun. I skýrslu
Ólafs og Ragnars er tekið ffam að
stjórn og starfsfólk heilsugæslunnar
hafi tekið virkan þátt í undirbúningi
verksins og með dugnaði og elju lagt
sitt á vogarskálarnar til að farsæl lausn
fengist á þessu baráttumáli sveitarfé-
lagsins.
Bakvarðasveitin mikiivæg
Góður og breiður hópur fólks hefur
starfað að ffamboði G-listans í
Grundarfirði og þeir Ragnar og Ólaf-
ur segja ómetanlegt að hafa traustan
hóp sem vinnur svo vel sem raun ber
vitni.
- Bakvarðasveitin er mikilvæg og
léttrir okkur róðurinn sem störfum í
hreppsnefndinni. Það er virkilega
gainan að starfa að sveitarstjórnarmál-
um við þessar aðstæður, segir Ólafur.
Ólafur kom nýr inn í hreppsnefnd
við síðustu kosningar en áður hafði
hann sjálfur starfað í bakvarðasveit-
inni. Ragnar Elbergsson á að bald 16
ár í sveitarstjórn og hann segist vonast
til að fá tækifæri til að starfa áffam að
málefnum byggðarlagsins sem sveit-
arstjórnarmaður.
Gott að búa í Grundarfirði
Það er vel tekið á móti aðkomufólki í
Grundarfirði og hér er gott að búa, segir
Kolbrún Reynisdóttir sem skipar annað
sæti G-listans. Kolbrún talar af þekkingu
því að hún settist að í bænuin árið 1987
og býr þar með manni sínum, Jóhannesi
Guðjóni Þorvarðarsyni skipstjóra og
tveim bömum þeirra. Einnig hafa tveir
bræður hennar sest að í Grundarfirði.
Kolbrún Reynisdóttir er ný á G-listanum
og hún segir það spennandi að taka þátt í
pólitísku starfi enda sé hún í hópi með góðu
fólki.
Kolbrún kenndi í skólanum veturinn
1989-1990 en hún er stúdent ffá Fjölbrauta-
skólanum í Armúla í Reykjavík.
- Við höfum mikið velt því fyrir okkur hvernig við ætlum að standa að
rekstri skólans þegar hann flyst alfarið á ábyrgð sveitarfélagsins. Okkur líst
vel á þetta og sjáum fyrir okkur að fenginn verði rekstrarstjóri sem myndi
bæði sjá um skólann og leikskólann. Vitanlega treystum við á að fá nýja
tekjustofna til þess að standa undir auknum kostnaði, segir Kolbrún.
- Við stefiium vitanlega að því að fá þrjá menn kjörna í kosningunum og
ég er bjartsýn á að við náum því markmiði, segir Kolbrún.
Kolbrún Reynisdóttir: Ust vel á
flutning skólans til sveitarfélags-
ins.