Vikublaðið


Vikublaðið - 03.06.1994, Blaðsíða 1

Vikublaðið - 03.06.1994, Blaðsíða 1
 Kærkomin úrslit kosninga Trúnaðarmenn Alþýðubanda- lagsins um landið inntir álits á niðurstöðum kosninganna og úrslitin skoðuð í einstökum sveitarfélögum. Bls. 4-5, 14 Sjómenn viðra sannfæringuna Baráttuglaðir sjómenn í Hafn- arfirði og á Suðurnesjum teknir tali og rætt við Sævar Gunnars- son, varaformann Sjómanna- sambandsins. Bls. 6, 8-9 S E M Vanræktu börnin vestra Már Jónsson sagnfræðingur 1 fjallar um ömurlegar aðstæður hinna mörgu vanræktu barna í Bandaríkjunum, landi alls- nægtanna. Bls. 11 21. tbl. 3. árg. 3. júní 1994 Ritstjórn og afgreiðsla: sími 17500 250 kr. Alþýðubandalagíð er sigurvegari kosninganna Vinstri sveifla um allt land. Alþýðubandalagið tvöfaldar fulltrúafjölda sinn Urslit sveitarstjórnarkosn- inganna um síðustu helgi staðfestu vinstri sveiflu í íslenskum stjórnmálum. Flokks- listar Alþýðubandalagsins unnu sigur um allt land og sameiginleg framboð félagshyggjuaflanna náðu góðum árangri. Ólafur Ragnar Grímsson, formaður Alþýðubandalagsins, þakkar frábæru starfi frambjóðenda og stuðnings- manna þennan árangur sem og ný- sköpunarvinnu flokksins undanfarin misseri. - Við vinnum allsstaðar á og mjög víða er um að ræða stórsigur, segir Steingrímur J. Sigfússon, varafor- maður Alþýðubandalagsins. Alþýðubandalagið hefur tvöfaldað fulltrúatölu sína í bæjarstjórnum, úr 17 í 32, og ef taldir eru með fulltrúar flokksins sem kjörnir voru af sam- eiginlegum listum lætur nærri að sveitarstjórnarmenn flokksins séu um 60 talsins. - Þeir sem tapa í þessum kosn- ingum eru Sjálfstæðisflokkur og Al- þýðuflokkur á meðan Framsóknar- flokkur stendur í stað, segir Stein- grímur. Alþýðubandalagið vann stórsigur í nýstofnuðum Suðurnesjabæ þar sem flokkurinn fékk 20 prósent atkvæða. I Mosfellsbæ tókst að fella meirihluta Sjálfstæðisflokksins sem hafði staðið í áratugi. A Akranesi fékk flokkurinn tæp 30 prósent atkvæða. Flokkurinn bætti við sig fylgi á Isafirði, Akureyri og víða á Norðurlandi. I Neskaupstað bætti meirihluti Alþýðubandalagsins við sig manni og mun halda upp á hál- frar aldár afmæli meirihlutans eftir tvö ár. - Grunneiningar flokksins starfa í sveitarstjórnum og þessi geysilega öfl- uga útkoma Alþýðubandalagsins er dýrmætt veganesti fyrir framtíðina, segir Steingrímur J. Sigfússon. Sjá nánari umfjöllun á bls. 3, 4, 5 og 14. Helmingsfækk- un farmanna á fáeinum árum Arsverkum íslenskra far- manna á kaupskipaflota ís- lands fækkaði frá maí 1988 til ársbyrjunar 1994 úr 774 í 408 eða um 366 (47,3 prósent). Á sama tíma fækkaði kaupskipum í ís- lenskri eigu úr 45 í 24, en þar af fækkaði kaupskipum undir íslensk- um fána úr 31 í 6 og nú er aðeins fjórða hvert kaupskip í íslenskri eigu undir íslenskum fána. Fækkun Islendinga þýðir þó ekki fjölgun útlendinga, þeir voru 94 árið 1988 en 82 um síðustu áramót. Útlend- ingar voru níundi hver en eru nú sjötti hver maður um borð. Yfirmenn í farmannastéttinni hafa sagt upp samningum á þeim for- sendum að á Alþingi var ekki lagt fram innan tilskilinna tímamarka frumvarp um alþjóðlega skipaskráningu undir íslenskum fána sem fæli í sér viðeig- andi ráðstafanir er hvettu útgerðirnar til að ráða íslenska farmenn. Að sögn Benedikts Valssonar hjá Farmanna- og fiskimannasambandinu hefur flest- um íslenskum kaupskipum nú verið flaggað út en undir þeim kringum- stæðum þurfa útgerðirnar ekki að ráða ísienska farmenn. „Með uppsögn samninga viljum við vekja athygli á þessari þróun. Stjórnvöld hafa sýnt sig reiðubúin til að gera ýmsar ráðstafanir til að styrkja atvinnulífið og er skemmst að minnast ráðstafana vegna skipasmíðaiðnaðarins. Farmennska er síst veigaminni atvinnugrein en þar gerist ekkert. Við erum margsinnis búnir að kynna þessi mál fyrir bæði forsætisráðherra og samgönguráð- herra, en okkar málflutningur virðist ekki hafa náð eyrum þeirra. Hugsanlega stafar það af því að ef t.d. farin yrði sama leið og Danir þýddi það að stjórnvöld yrðu að gefa eftir skatta og gjöld. Aðalatriðið er að tryggja sem flestum atvinnu með því að styrkja samkeppnisstöðuna. En ekkert gerist og kaupskipaútgerðin sækir í auknum mæli á erlendan vinnumarkað vegna ráðningar far- manna," segir Benedikt. Sjómannafélag Reykjavíkur er á öndverðum meiði og Jónas Garðars- son segist ósáttur við niðurstöðu nefhdar á vegum samgönguráðu- neytisins. „Markmið nefhdarinnar var að gera kaupskipaútgerðina sam- keppnisferari. Það skyldi tryggja Is- lendingum stöðurnar um borð. Ut- koman er tillögur sem gera útgerðinni kleift að ráða til sín ódýrari vinnukraft og leggja af stimpilgjöld en ekkert skyldi gert fyrir sjómenn. Þegar þetta lá fyrir hoppuðum við af og ég skil ekki í hvaða stöðu félagar okkar í Farmannasambandinu eru búnir að koma sér í," segir Jónas. Jónas taldi ekki mjög líklegt að Alþingi samþykkti að gefa eftir skatta af kaupskipaútgerðinni. Hann segir nefhdina hafa fengið óyggjandi skila- boð frá fjármálaráðuneytinu um að ekki kæmi til greina að fella niður þá skattheimtu sem nefndin talaði um. „Okkur þykir miður að yfirmenn hafa skrifað undir grein 10 í nefndarálitinu sem gefur mönnunina frjálsa. Útgerðirnar mega samkvæmt því ráða til sín útlendinga á þeim kjörum sem gilda í heimalöndum þeirra. Við mun- um berjast gegn þessu með öllum til- tækum ráðum," segir Jónas. Vilja markaðs- tengt fiskverð Sjómenn hjá Granda eru mjög óánægðir með þann misskipta hlut sem fyrirtækið borgar eftir því á hvaða togurum þeir eru. Oánægjan stafar af því að sjómenn á þeim þremur togurum Granda sem landa alltaf í hús fá ekkert að vita um endanlegt sölu- verðmæti og eru því á kjörum sem Grandi ákvarðar einhliða. Reynd- ar eru dæmi um shkt víðar á landinu. Að sögn Jónasar Garðars- sonar hjá Sjómannafélagi Reykjavíkur er það fiskverð sem býðst á togurum sem landa í hús langt undir markaðsgólfi hjá fiskmörk- uðunum. „Okkar krafa er einföld. Annað hvort fer allur afli á markað eða að hann verður markaðstengdur á annan hátt. Sömu útgerðir og eru að borga lágt fiskverð til sinna manna eru aftur að kaupa fisk til vinnslu á markaðsverði sem er helm- ingi hærra. Þetta finnst okkur óþol- andi," segir Jónas. TVOFAIDUR1. VINNINGUR \ .'

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.