Vikublaðið


Vikublaðið - 02.12.1994, Blaðsíða 8

Vikublaðið - 02.12.1994, Blaðsíða 8
^Vikubla FOSTUDAGURINN 2. DESEMBER 1994 FJORFALDUR1. VWNINGUR Ýmsar matvörur gætu horfið af markaði vegna EES-reglna Möguleiki er á því að ein- hverjar innfluttar matvörur frá löndum utan evrópska efha- hagssvæðisins, ekki síst frá Bandaríkjunum, hverfi af markaði á íslandi vegna gildistöku EES- reglna um merkingu og kynningu matvæla. Þetta kom fram í um- ræðum á Alþingi nýlega þegar Sighvatur Björgvinsson viðskipta- ráðherra svaraði fyrirspurnum Guðrúnar Helgadóttur og hún og aðrir þingmenn tjáðu sig um efh- ið. Ráðherra leitaðist við að gera lítið úr þessum möguleika, en aðrir höfðu af þessu meiri áhyggj- ur og má geta þess að heildsalan Íslensk-Ameríska hefur eindregið mótmælt þeim viðskiptahindrun- um sem félagið telur að fehst í EES-reglunum gagnvart vörum í Bandaríkjunum sem fluttar eru inn til Islands. Guðrún Helgadóttir: „Víst er að neyt- endur mundu sakna fjölmargra vinsælla yörutegunda sem unnið hafa sér sess á íslandi... nægir þar t.d. að nefna ýmsar tegundir af ungbarnamat sem við konur könnumst harla vel við." Annars vegar spurði Guðrún um hvort reglugerð um merkingu, aug- lýsingu og kynningu matvæla á EES- svæðinu gildi einnig um vörur sem framleiddar eru utan svæðisins þar sem áðrar reglur gilda. Hins vegar spurði Guðrún um hvort reglugerð EES umímerkingu næringargildis matvæla giltu um vörur sem eru framleiddar utan svæðisins. Sighvat- ur upplýsti að svarið væri já í báðum tilvikum og spurði Guðrún um áhrif þessa á samkeppnisstöðu og vöru- verð. I umræðunum benti Guðrún á, að umtalsvert magn matvæla væri flutt inn til landsins frá löndum utan EES-svæðisins og í mörgum tilfell- um væri Island eina eða næstum eina landið á EES-svæðinu sem flytti við- komandi vörur inn. „Það segir sig sjálft að lítið markaðssvæði eins og Island verður tæplega talinn svo góður viðskiptaaðili að framleiðend- ur leggi í verulegan aukakostoað fyr- ir það og víst er að varan yrði þá mun dýrari fyrir neytendur. Því verður ekki annað séð en að áðurnemd reglugerð reynist nokkur viðskipta- hindrun fyrir ríki utan svæðisins," sagði Guðrún. „Vfst er að neytendur mundu sakna fjölmargra vinsælla ' vörutegunda sem unnið hafa sér sess á íslandi og hafa verið á betra verði í mörgum tilvikum en evrópskar vör- ur. Nægir þar t.d. að nefna ýmsar tegundir af ungbarnamat sem við konur könnumst harla vel við." Viðskiptaráðherra svaraði fyrir- spurnunum og sagði að mat um- hverfisráðuneytisins væri að mögu- leg áhrif vegna þessa á samkeppnis- stöðu og vöruverð yrðu óveruleg. „Auðvitað er viðbúið að þessar regl- ur geti leitt til ákveðinna erfiðleika þegar þær koma til framkvæmda en innflytjendur ættu að geta fundið lausnir, t.d. með ummerkingu eða með límmiðamerkingum eins og þeir gerðu svo að dæmi sé tekið þeg- ar nauðsynlegt þótti að setja sérstak- ar viðvaranamerkingar á innflutt þvottaefni," sagði ráðherra. Guðrún sagði alveg ljóst að menn hefðu af þessu áhyggjur og kvaðst sammála Inga Birni um að þetta væri bara byrjunin. ,Aðeins byrjunin á því að nú eiga menn eftir að Iesa allar reglugerðirn- ar sem þeir eru búnir að samþykkja og uppgötva að þær geta valdið okk- ur stórskaða í fleiri tilvikum heldur en þær verða okkur að gagni," sagði Guðrún. Greiðsluþjónusta Sparisjóðurinn býður þér nú Greiðsluþjónustu, sem er þægileg og örugg leið í fjármálum þínum og heimilisins. Greiðsluþjónustan er fjölþætt þjónusta sem kemur lagi á fjármál ólíkra viðskiptavina sparisjóðsins. Greiðsluþjónustan sparar þér tíma og fyrirhöfn, skilvís greiðsla reikninga verður í takt við útgjöld sem hægt er að jafna yfir árið ef þess gerist þörf. Þessi þjónusta hentar þeim sem leiðist að standa í biðröðum um hver mánaðamót og láta reikninga ekki slá sig út af laginu. n SPARISJODIRNIR -Jyrir þigogþína

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.