Frjáls þjóð - 19.12.1968, Blaðsíða 1

áls

19. desember 1968
Fimmtudagur
40. tdkíblað
17. árgangur
Breytt útgáfa Frjálsrar þjóðar eftir áramót
Hér með tilkynnist lesendum „Frjálsrar þjóðar“, að
sú breyting hefur orðið á stjórn Hugins hf., útgáfufélags
blaðsins, að úr stjórninni hafa gengið Gils Guðmunds-
son og Sigurjón Þorbergsson, en varamenn hlutafélags-
stjórnar taka sæti þeirra fram til aðalfundar. Hefur um
þessa breytingu orðið samkomulag allra þeírra, er stjórn
hlutafélagsins skipuðu.
Jafnframt tilkynnir núverandi stjórn, að um n.k. ára-
mót mun útgáfa „Frjálsrar þjóðar“ endurskipulögð og
hafin á nýjum grundvelli. Til þátttöku í útgáfufélaginu hafa
komið nýir aðilar, Hannibal Valdimarsson, Björn Jóns-
son og fleiri, og í framhaldi af því verður tilkynnt um nýja
ritstjórn og nýja skipan útgáfunnar eftir áramót. Stjórn-
in vill jafnframt leggja á það áherzlu, að þótt leiðir skilji
nú milli fyrri félaga um útgáfu þessa blaðs, er það von
hennar, að leiðir geti hið fyrsta legið saman á ný, enda
eru baráttumálin hin sömu. Stjórnin þakkar þeim Gils og
Sigurjóni báðum ómetanlegt framlag þeirra til biaðsins
—
svo að segja frá upphafi göngu þess og veit, að undir
þær þakkir taka stuðningsmenn blaðsins fyrr og síðar.
Það er von félagsstjórnarinnar, að sú breyting, sem nú
verður á útgáfugrundvelli „Frjálsrar þjóðar“ verði þeim
baráttumálum, sem blaðið hefur ætíð borið mest fyrir
brjósti, til framdráttar. Að undir merkjum þess geti sam-
einazt þeir kraftar, sem nú eflast með degi hverjum í þjóð-
lífi okkar og stefna að nýskipan og endurreisn í íslenzk-
um stjórnmálum og myndunar heilbrigðs vettvangs til
baráttu fyrir réttlátu þjóðfélagi.
Reykjavík, 17. desember 1968.
Stjórn Hugins hf.
Haraldur Henrysson, Einar Hannesson,
Alexander Guðmundsson, Hermann Jónsson,
Þorvarður Örnólfsson.
TIL SAMHERJA
Eins og fram kemur í yfirlýsingu stjórnar Hugins hf.,
höfum við ásamt stuðningsmönnum okkar ákveðið að
gerast aðilar að félaginu. Verður útgáfustarfsemi félags-
ins breytt í samræmi við það og hún aukin og efld. Jafn-
framt er fyrirhuguð mikil aukning hlutafjár. Viljum við
hérmeð heita á alla stuðningsménn og samherja, að
hjálpa okkur að leggja traustan fjárhagslegan grundvöll
að myndarlegri blaðaútgáfu með því að kaupa hlutabréf
og skrifa sig fyrir hlutafjárloforðum. Nánari upplýsingar
gefur Ólafur Hannibalsson, sími 1 9215, eða í skrifstof-
unni að Vesturgötu 2, 2. hæð t. v. á venjulegum skrif-
stofutíma.
Reykjavík, 17. desember 1968.
Björn Jónsson
Hannibal Valdimarsson.
Framhaldsaðalfundtir Hugins h.f.
Með tilvísan til ákvörðunar aðalfundar Hugins hf. hinn 17. marz s.l. verður framhaldsaðalfundur félagsins fyrir
árið 1968 haldinn að Ingólfsstræti 8, Reykjavík, laugardaginn 28. desember n.k. kl. 15.00.
Dagskrá:
1. Venjuleg aðalfundarstörf.
2. Aukning hlutafjár.
3. Endurskipulagning á útgáfu „Frjálsrar þjóðar“.
Vegna sölu á óseldum hlutabréfum, sem nú stendur yfir, eru þeir hluthafar, sem óska að bæta við sig hlutabréf-
um, beðnir að gera skrifstofu blaðsins eða stjórnarmönnum viðvart fyrir fundinn.
Stjórnin.