Vikublaðið - 19.08.1994, Blaðsíða 11
VIKUBLAÐIÐ 19. ÁGÚST 1994
11
B
'illy Crystal
snýr aftur í myndinni
City Slickers. Hér getur
að líta sýnishorn úr
fyrri myndinni.
City Slickers II:
The Legend of Curly's
Gold ★★V2
Sýnd í Stjömubíó
Leikstjóri: Paul Weiland
Aðalhlutverk: Billy Crystal, Jon
Lovitz, Daniel Stem, Jack Palance
City Slickers hin fyrri var liður
af þeirri uppsveiflu grínmynda
sem byggja á áhrifam ffá
gömlu Hollywoodmyndunum sem
einkenndust af óbilandi jákvæðni.
Þeirri uppsveiflu er vart lokið meðan
myndir eins og Heart and Souls og It
Could Happen to You eru að stinga
upp kollinum.
City Slickers II reynir allt hvað hún
getur til að endurskapa andrúmsloft
fyrri myndarinnar og tekst það að
mestu leyti þó svo að öðru hvoru fari í
taugarnar á manni hversu augljóslega
reynt er að höfða til þeirra sem höfðu
gainan af fyrri myndinni. Ef maður
hefar séð þá fyrri veit maður sem sé
nákvæmlcga við hverju á að búast af
þessari. Meirihlutinn af persónunum í
fyrri myndinni eru komnar á kreik að
nýju, þó finnst mér fjarvera Bruno
Kirby skapa nokkuð tómarúm, ekki
síst því að þeir létu ekki einu sinni svo
lítið að útskýra af hverju hans persóna
hyrfi svona allt í einu. Jon Lovitz var
fenginn til að fylla hans skó í hlutverki
nýrrar persónu og má segja að hann
fylli noklcuð vel upp í það tómarúm
sem myndaðist við hvarf Kirby með
góðum grínleik.
Það hefði verið glappaskot að gera
framhald af City Slickers án Jack
Palance, en þar skapast nokkuð
vandamál þar eð persóna Palance,
Curly, dó í fyrri myndinni. En þeir
redda því á nokkuð ódýran hátt með
því að láta hann snúa aftur sem tví-
burabróðir Curlys og gengur það upp
þar eð persónan fellur ágætlega inn í
söguþráð myndarinnar. Það er sem sé
hægt að mæla með myndinni fyrir fólk
sem hafði garnan af þeirri fyrri og því
sem er ginkeypt fyrir jákvæðum og
góðhjörtuðum grínmyndum yfirleitt.
En ef fólk er nýbúið að sjá núnter eitt
gæti það dregið örlítið úr ánægjunni
hvað þær rninna óþægilega hvor á
aðra.
Silence of the Hams 0
Sýnd í Regnboganum
Leikstjóri: Enzio Greggio
Aðalhlutverk: Billy Zane, Enzio
Greggio, Dom DeLuise
Löngum hefur tíðkast sá merki
siður að taka fyrir kvikmyndir
sem verða frægar og vinsælar
og hafa þær að háði og spotti í von um
að afskræmingin hljóti eitthvert
brotabrot af þeirri frægð og þeim vin-
sældum sem frummyndinni hlotnað-
ist. Sá maður sem hefar orðið hvað
ffægastur fyrir slíkt er Mel Brooks en
rnyndir hans Young Erankenstein og
High Anxiety eru góð dærni um
skrumskælingar sem gerðar eru af list-
fengi. En oftast er gróðavonin í fyrir-
rúmi og auðséð er með mynd þá er
þessi pistill fjallar uin að annað hvort
hefar metnaðurinn verið í lágmarki
eða þá að kínmigáfa þessa „vinsælasta
grínleikara ítala“ (Enzio Greggio)
hefar staðnað einhvers staðar á leik-
skólastiginu. Þar eð ég treysti mér
ekki til að draga dómgreind ítalskrar
alþýðu í efa hallast ég ffekar að fyrri
kostinum.
Greggio þessi ber einmitt hitann og
þungann af verkinu, hann er bæði
handritshöfundur og leikstjóri og
handbragðið bendir ekki til mildllar
færni í því að miðla kímni til áhorf-
. enda. Eins og oft vill verða með
myndir sein þessa er húmorinn allt of
augljós, sem leiðir til þess að hann
•verður bæði gegnsær og fyrirsjáanleg-
ur. Það fer hreint og beint í taugarnar
á manni að vera sleginn utan undir
nteð tuttugu fimmaurabröndurum á
mínútu, sérstaklega ef maður getur
svo ekki brosað að nerna einu prósenti
af þeim sökum þunnleika og ófrum-
leika.
Fjöldinn allir af kunnuglegum and-
litum prýða þennan óskapnað. Billy
Zane (Dead Calrn, Orlando) er hvergi
nærri því eins góður að leika Leslie
Nielsen og Arntand Assante var í
myndinni Fatal Instinct. Charlene
Tilton (Lúsí úr Dallas, það muna nú
allir eftir henni) leikur þessa týpísku
ljóshærðu skutlu og fer það ágætlega.
Dont DeLuise fær þann vafasama
heiður að skopast að Ilannibal
nokkrum Lecter og að mínu mati er
hann betur geymdur í Falinni mynda-
vél (Candid Camera) á Stöð 2. Áður-
nefndur Mel Brooks kernur fram í
nteira en lítið hallærislegu aukahlut-
verki og sömuleiðis leikstjórinn John
Landis. Mér er spurn hvort Italinn
Greggio hefar átt greiða inni hjá þess-
um mönnum, mér finnst ólíklegt að
þeir hafi látið hafa sig út í þetta ótil-
neyddir. Eg veit svei mér ekki hvort
ég get mælt með þessari niynd fyrir
nokkurn einasta mann, hún er það
slærn að flestir markhópar ættu að
hafha henni.
Þegar ég sá téða mynd voru aðilar
úr flestum aldurs- og þjóðfélagshóp-
um viðstaddir og ég gat ekki séð ann-
að en að öllum hundleiddist. Nálgist
með mikilli varúð.
Utboö
F.h. Hitaveitu Reykjavíkur er óskað eftir tilboðum í verkið:
„Nesjavallaheimreið - klæðning"
Verkið felst I að endurbæta og leggja efra burðarlag og klæðningu
á um 800 m kafla af Nesjavallaheimreið á Nesjavöllum. Einnig
skal koma fyrir Ijósastólpum og ganga frá veglýsingu ásamt lagn-
ingu rafstrengja meðfram vegarkaflanum.
Helstu magntölur eru:
Neðra burðarlag 2.000 m3
Efra burðarlag 500 m3
Tvöföld klæðning 5.000 m2
Ljósastólpar 22 stk.
Verkinu skal lokið 1. nóvember 1994.
Útboðsgögn verða afhent á skrifstofu vorri Fríkirkjuvegi 3, Reykja-
vík, gegn kr. 15.000,- skilatryggingu.
Tilboðin verða opnuð á sama stað miðvikudaginn 24. ágúst 1994,
kl. 11.00.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800