Mánudagsblaðið - 29.01.1950, Side 1
V
3. árgangur.
Sunnudagur 29. janúar 1950.
5. tölublað
Framsékn hefur fjandskapazt gegn Reykjavik frá
byrjun
í dag ganga Reykvíkingar að kosningaborðinu
til að kjósa sér fulltrúa í bæjarstjórn. Flokkarnir
hafa gefið ykkur loforðin og margir munu gefa at-
kvæði sín í samræmi við loforð þessi.
Þetta blað vill ekki ráðleggja ykkur, að kjósa
nokkurn sérstakan flokk, en aðeins benda ykkur
á þá staðreynd, að meðal framboðsflokkanna er
eiim, sem frá sjónarmiði hvers einstaks Reykvík-
ings, hefur engan siðferðilegan eða stjórnmálaleg-
an rétt til þess að bjóða fram fulltrúa fyrir Reyk-
vikinga. Flokkur þessi hefur aldrei borið og mun
aldrei bera hagsmuni ykkar fyrir brjósti. Flokkur
þessi hefur í áratugi barizt gegn hagsmunum ykk-
ar, hvar í stétt, sem þið eruð. Forystumenn flokks-
ins hafa verið bendlaðir við ýmislegt hárugt og
skriffinnar hans eru eins og oft hefur verið bent
á hér, utanbæjarmenn, launaðir af flokksfyrirtæk-
inu til þess eins að fegra fyrir ykkur gerðir flokks-
ins og gefa loforð, sem þeir hafa hvorki áhuga né
getu til þess að efna. Samvizka skriffinna þessara
er eins og þeytispjald fyrir vindi flokksforingj-
anna.
Það er rétt, sem ykkur dettur í hug. Þessi flokk-
ur utanbæjarmanna og óvina Reykjavíkur er
Framsóknarflokkurinn. Flokkurinn, sem nú hefur
sett ráðlítinn, saklausan piltung í fyrsta sæti á
framboðslis'ta sínum, og skoðanalausa konu í ann-
að sætið. Þessi máttlausu verkfæri eiga svo að
dansa eftir vilja flokksforingjanna undir því yfir-
skyni að þau vinni fyrir Reykvíkinga.
En hvernig hefur svo afstaða þessa flokks ver-
ið gagnvart málefnum Reykjavíkur?
Hann hefur barizt gegn byggingu hitaveitu fyr-
ir Reykvíkinga með slíku offorsi að einna var
líkast að styrjöld hefði brotizt út milli flokksins
og bæjarmanna.
Hann hefur barizt gegn virkjun Sogsfossanna
svo að Reykjavík fengi ekki rafmagn á ódýran og
öruggan hátt. Forkólfar Framsóknar börðust svo
gegn þessu máli, að þeir jafnvel rufu þing til þess
að reyna að koma í veg fyrir framkvæmd þess.
Hann hefur barizt á móti því að fulltrúum okk-
ar yrði fjölgað á þingi úr fjórum upp í átta og
þar með gefið í skyn að 50 þúsund Reykvíkingar
væru ekki færir um að kjósa á borð við þá, sem í
sveitum búa. Hann fylgir enn þeirri stefnu, að
fámennar sveitir og þorp eins og t. d. Seyðisfjörð-
ur eigi að hafa fimmfalt eða fleiri fulltrúafjölda á
Alþingi heldur en jafnmargir reykvískir borgarar.
Hann barðist flokka mest gegn allri nýsköpun
og reyndi að koma í veg fyrir allar framkvæmdir
á því sviði. Hónum er ekkert kærara en að sjá
sjómenn vinna á gömlum bátum, ryðguðum tog-
urum og verkamönnum í landi boðið upp á gömul
og óvirk atvinnutæki með lítt nýtum tækjum.
Hann hefur barizt gegn öllum þeim tiliögum og
framkvæmdum, sem bornar hafa verið fram til
aukinnar velmegunar fyrir Reykjavík.
Hann hefur reynt af alefli að þyngja skatta og
gjöld reykvískra borgara með það eitt fyrir aug-
um, að koma á örbirgð og upplausn í hagsmuna-
málum hinna vinnandi stétta í Reykjavík. Síð-
asta afrekið í þeim málum er hinn margumtalaði
stóríbúðaskattur. Ósvífni flokksins í þeim málum
hefur verið svo takmarkalaus, að slíkt eru eins
dæmi. Hversu mjög takmarkaða virðingu og þekk-
ingu hann hefur á málefnum Reykvíkinga má
bezt sjá á því, að þessi flokkur ætlaðist til þess,
að reykvískir kjósendur myndu ljá honum fylgi,
eftir að Rannveig, að skipun flokksforingjanna,
laumaði frumvarpinu inn á þing. Nú er líka svo
komið, að bæði forystumenn og flutningskona
frumvarpsins reyna að afsaka þetta frumhlaup á
allan hátt. En vita skaltu það, Reykvíkingur, að
harmagrátur Rannveigar og afsakanir Hermanns,
Halldórs alvitra og Hannesar undirspekings, eru
ekkert nema hræsnin eintóm, skrifuð af örvingl-
uðum mönnum til þess eins að reyna að glepja
nokkrar sálir til þess að ljá frambjóðendunum í
dag fylgi sitt.
Þeir hafa komið hér upp mjólkurstöð, sem rekin
er með þeim endemum, að telja má mildi forsjón-
arinnar, að ekki hafa margir beðið bana af mjólk-
inni. Vélar þær, sem notaðar eru til þess að
hreinsa mjólkina, eru af gamalli gerð (Spirella)
og nú hafa þær verið bannaðar með lögum í mjólk-
urstöðvum í Noregi. Sóðaskapurinn í mjólkur-
stöðinni er með fádæmum. Oft hafa fundizt flösku-
brot í flöskum þeim, sem enn halda vökva og send-
ar eru til mjólkurbúðanna hér í Reykjavík. Dag-
lega brjóta vélarnar um 700 flöskur og nú er svo
komið, að ekki nærri allar mjólkurbúðir fá mjólk
á flöskum heldur aðeins brúsamjólk.
Flokksfyrirtækið S. í. S. hefur ginið yfir flest-
um leyfum fjárhagsráðs og byggir árlega miklar
byggingar til eigin þarfa, þegar einkafyrirtækj-
um eins og Eimskip h. f. er neitað um öll fjár-
festingaleyfi. Við þurfum vart að leita að dæm-
unum um þetta, því að það nægir að ganga hér um
bæinn og höfnina til þess að sjá þær byggingar-
framkvæmdir, sem S. í. S. hefur á prjónunum þar.
Þetta eru ekki nema örfá af „afreksverkum'1
flokksins, sem síðustu vikur hefur verið reynt að
telja ykkur trú um, að hafi hagsmuni Reyk-
víkinga fyrir augum. Til eru enn fleiri dæmi um
fjandskap Framsóknar í garð Reykjavíkur, þótt
þau verði ekki rakin hér.
Reykvíkingar munu í dag minnast Framsókn-
armanna með því að ljá frambjóðendum þeirra
ekki atkvæði sitt. Hinir flokkamir berjast mis-
jafnlega fyrir hagsmunum Reykjavíkur og víst
er um það, að núverandi borgarstjóri, hvað sem
sagt er um aðra frambjóðendur á lista Sjálfstæð-
isflokksins, vinnnr ötult að hagsmunum Reykvík-
inga, enda sýna vinsældir hans, að hugur alls
þorra kjósenda er honum fylgjandi.
Kvíkmyndafréttir
frá HoSJywood
.... Mario Lánza, hinn nýji
söngvari og stjarna M-G-M-£é-
lagsins, leikur aðalhlutverkið í
mynd, sem nú á að íara að filma
um líf söngvarans mikla, Enrico
Caruso.
.... Look £or the silver lining
er sögS bezta mynd june Havers,
en myndin er nú sýnd í Eng-
landi við mikla aðsókn.
.... Hinn frægi leikstjóri,
Cecil B. de Mille, sem stjórnað
hefur Biblíu-myndum, lét það
boð út ganga, að hann vildi aS
aSalleikendur ,,lifðu“ sig inn í
hlutverk þau, sem þeir léku í slík-
um myndum. T. d. varð sá, sem
lék hlutverk Krists í myndinni
„Konungur konunganna“, sem
nýlega var sýnd hér, að sitja
heima hvert kvöld, og FaSirvoriS
var lesið á hverjum morgni á
kvikmyndasvæðinu. MeSan de
Mille stjórnaði Biblíu-myndinni
Samson og Delilah, kom brezkur
blaðamaður að horfa á verkið og
varð heldur undrandi, þegar hann
sá Samson (Victor Mature)
reykjandi vindil og blaSandi í
leiSarvtsi um kappreiðar. Þegar
hann var spurður um hlutverkið,
þá varð honum tíðræddast um,
hversu erfitt það væri að láta
gerviskeggið tolla á trýninu á
ser.
Henry Luce
frambaoi?
a <
m i
Henry Luce, útgefandi, aðal-
ritstjóri og eigandi Times Maga-
zine, Life og Fortune, er nú að
athuga möguleika á því aS hann
verði í framboði við næstu þing-
kosningar t Bandaríkjunum.
Luce, sem. er republikani, hef-
ur verið spurður að því, hvort
hann vildi ekki vera í framboSi,
hefur nú málið til athugunar.
„Margir af leiðtogum repu-
blikanaflokksins hafa ymprað á
því viS mig,“ segir .hann.
Hann yrSi í framboSi í Conn-
;cticut ríki, e£ hann svarar ját-
andi.
Kona Henry-Luce er þingmað-
ur t bandartska þinginu og hefur
auk þess verið rithöfundur og
blaðamaður. Greinar hennar erú
mjög vtðlesnar ' og leikrit þau,
sem hún hefur samið, hafa
verið sýnd viS miklar vinsældir.
Hún ætlar að segja af sér þing-
mennsku.