Morgunblaðið - 03.01.2005, Blaðsíða 1

AP
Searle-hjónin með syni sína tvo við heimkomuna um áramótin.
JILLIAN Searle frá Perth í Ástr-
alíu þurfti að velja á broti úr sek-
úndu milli afarkosta en hún lenti í
flóðinu á Phuket í Taílandi fyrir
viku. Hún hélt í tvo syni sína, hinn
fimm ára gamla Lachie og
tveggja ára gamla Blake en áttaði
sig á því að hana myndi skorta afl
til að halda báðum.
„Ég fann að hann hélt í mig
dauðahaldi og heyrði hann segja:
Mamma, ekki sleppa mér,“ sagði
móðirin í sjónvarpsviðtali. En
Searle ákvað að meiri líkur væru
á að Lachie kæmist af þar sem
hann væri eldri. Hún losaði því
takið sem Lachie hafði á hönd
hennar og lét hann í hendur konu
sem var rétt hjá henni og hélt sér
fast í ljósastaur. En konan missti
barnið.
Eiginmaðurinn Bradley Searle
var uppi á svölum hótelsins en gat
ekkert gert þar sem vatnsvegg-
urinn var svo hár að hann komst
ekki út. Hjónin og yngri sonurinn
hittust fljótlega aftur en sálarang-
ist móðurinnar var ægileg næstu
tvær stundirnar meðan þau leit-
uðu að Lachie. Þau fundu hann
loksins hjá taílenskum lögreglu-
manni, óskaddaðan. Hann hafði
lifað af með því að halda sér í
hurð á hótelinu. „Ég kallaði lengi
á mömmu en svo þagði ég,“ sagði
drengurinn.
Valið milli barnanna
Sydney. AP.
STOFNAÐ 1913 1. TBL. 93. ÁRG. MÁNUDAGUR 3. JANÚAR 2005 PRENTSMIÐJA MORGUNBLAÐSINS mbl.is
Poppari
fer í pylsur
Birgir Nielsen trommari opnar
pylsuvagn Daglegt líf
Óliver Twist
á Akureyri
Umsögn um uppfærslu LA á
söngleiknum Óliver! Menning
Óbreytt staða á toppi ensku deild-
arinnar
Gylfi lék fyrsta leikinn
með Leeds
Nýárssundmót
TEKIÐ gæti nokkur ár fyrir sam-
félögin við Indlandshaf sem verst
urðu úti í flóðunum að ná sér, að
sögn Kofi Annans, framkvæmda-
stjóra Sameinuðu þjóðanna. Hann
hyggst fara til Indónesíu til að taka
þar þátt í leiðtogafundi á fimmtudag
sem mun ræða framhald hjálpar-
starfsins. Colin Powell, utanríkis-
ráðherra Bandaríkjanna, hélt af
stað í ferð til Asíulanda í gær til að
kanna ástandið, fyrsti viðkomustað-
urinn verður Taíland.
Staðfest hefur verið að minnst
127.000 fórust í hamförunum fyrir
rúmri viku en margra þúsunda
manna er enn saknað. Telja SÞ að
allt að 150.000 hafi farist en segja
jafnframt líklegt að aldrei verði
hægt að slá neinu föstu um mann-
tjónið. Meirihluti hinna látnu bjó á
mjög fátækum svæðum þar sem
manntal er óáreiðanlegt og fjöldi
ólöglegra innflytjenda, meðal ann-
ars frá Búrma, býr í Taílandi.
„Mun bjartsýnni núna“
Alþjóðlegt hjálparstarf er nú orð-
ið mun umfangsmeira og betur
skipulagt en fyrstu dagana. „Við
sjáum nú að aðstoðin er farin að
bera stöðugt meiri árangur í öllum
löndunum,“ sagði Norðmaðurinn
Jan Egeland í gær en hann stýrir
mannúðaraðstoð af hálfu SÞ. „Ég er
almennt mun bjartsýnni núna en ég
var í gær á að alþjóðasamfélagið
muni verða fært um að takast á við
þetta risastóra verkefni.“ Egeland
sagði að um 1,8 milljónir manna á
flóðasvæðunum myndu þurfa mat-
vælaaðstoð og talan gæti hækkað.
Tekið gæti allt að þrjá daga að koma
mat til allra nauðstaddra á Sri
Lanka en mun lengri tíma gæti
þurft til að hjálpa fólkinu á Súmötru
í Indónesíu.
Egeland sagði mjög erfitt vegna
staðhátta að ná til allra í Aceh-hér-
aði á Súmötru þar sem manntjónið
var mest. Samgöngur og aðrir inn-
viðir eru þar víða í rúst og meðal
annars lítið um nothæfa flugvelli.
Herskip hafa hins vegar siglt með
birgðir til íbúa á Andaman- og
Nicobar-eyjum sem eru skammt frá
upptökum jarðskjálftans.
Bandaríkjamenn hafa sent 1.500
hermenn og þyrlur til Sri Lanka til
að veita þar aðstoð, einnig hafa flug-
vélar og þyrlur frá flugmóðurskip-
inu Abraham Lincoln flogið með
birgðir til nauðstaddra á Súmötru.
Hafa þyrlurnar einnig flutt fólk frá
svæðum þar sem lítið er um bjargir.
Einkum óttast menn að farsóttir
breiðist út vegna mengaðs
drykkjarvatns, ónýtra holræsa og
lélegrar hreinlætisaðstöðu. Er því
víða lögð áhersla á að útvega vatns-
hreinsitæki og færanleg salerni en
að sögn Aftenposten hefur komið
upp kólera í Galle á Sri Lanka.
Án vatns og matar í viku
Staðfest dauðsföll í Aceh eru
rúmlega 80.000 og um 29.000 á Sri
Lanka en færri í öðrum löndum á
flóðasvæðinu. Enn finnst fólk á lífi í
brakinu, ungum karlmanni í Banda
Aceh var bjargað á gamlársdag og
hafði hann hvorki fengið mat né
vatn síðan flóðbylgjan skall á borg-
inni fyrir viku. Sjómanni á Súmötru
var síðan bjargað í gær en hann
hafði skorðast undir bát sínum í
fjörunni.
Safnast hafa nú þegar rúmlega
tveir milljarðar dollara til aðstoðar
við fólk á hamfarasvæðinu eða rúm-
lega 120 milljarðar ísl. króna. Jap-
anar hafa lagt fram 500 milljónir
dollara og Bandaríkjamenn 350
milljónir, einnig hafa Svíar og Bret-
ar verið rausnarlegir.
SÞ segja hjálparstarf
farið að bera árangur
Morgunblaðið/Sverrir
Hugað að uppbyggingu
EFNI í steypu til viðgerða sótt á ströndina við Phuket í Taílandi en þar er nú hafin uppbygging eftir flóðbylgj-
una fyrir rúmri viku. Allir íbúar á lítilli eyju, Si-re, þar sem svonefndir sjávar-sígaunar búa, náðu að flýja upp á
fjall áður en flóðbylgjan skall á svæðinu. Eyjan Si-re er tengd ferðamannastaðnum Phuket með mjórri brú.
Spá erfiðleikum sums staðar í mörg ár  Leiðtogafundur um ástandið á
fimmtudag  Brýnast að útvega drykkjarvatn og hreinlætisaðstöðu
 Enn er/16
SÞ, Banda Aceh, Colombo, Washington,
London. AFP, AP.
SEX íslenskir læknar og
tólf hjúkrunarfræðingar
fóru til Taílands í gær á
vegum Landspítala – há-
skólasjúkrahúss til þess
að sækja slasaða sænska
ferðamenn á hamfara-
svæðunum í Asíu.
Sænsk stjórnvöld þáðu í
fyrradag aðstoð sem
Halldór Ásgrímsson for-
sætisráðherra bauð
starfsbróður sínum Göran Persson og var
ákveðið að íslenski hópurinn færi til Taí-
lands í gær.
Að sögn Friðriks Sigurbergssonar lækn-
is, sem er leiðangursstjóri LSH auk Guð-
bjargar Pálsdóttur hjúkrunarfræðings, er
um að ræða 18 sænska sjúklinga, þar af 1–2
sem eru það alvarlega slasaðir að þeir þurfa
gjörgæslumeðferð. Ekki er vitað nákvæm-
lega hvaða sjúklingar verða teknir en það
skýrist þegar út er komið.
Flytja rúmlega sextíu sjúklinga
„Þeir sjúklingar verða teknir sem mest
liggur á að flytja á þeim tíma sem við verð-
um tilbúin til brottfarar,“ sagði Friðrik.
„Við erum ekki komin með lista yfir sjúk-
linga eða mein þeirra. Það verður að vinn-
ast eftir því hvernig mál þróast þarna úti.
Við munum taka 18 sjúklinga sem eru það
veikir að þeir þurfa að liggja og ég reikna
með því að tveir þeirra séu verulega veikir
og þurfi jafnvel gjörgæslumeðferð. Síðan
flytjum við allt að 45 sjúklinga eða fleiri,
sem geta setið. Í þeim hópi geta líka verið
aðstandendur. Við reiknum fastlega með
því að meðal sjúklinga séu börn, þótt við
vitum það ekki. Við höfum mikinn búnað
meðferðis, allan þann búnað sem við teljum
okkur þurfa að nota í ljósi kunnáttu hópsins
við aðhlynningu slasaðra.“
Á heimasíðu Landspítalans segir að
sænsku sjúklingarnir séu margir alvarlega
slasaðir og aðrir með beinbrot, sýkingar,
sár og drep. Einnig er eitthvað um hryggj-
arskaða og iðrasýkingar. Andlegt ástand
slasaðra og aðstandenda er mjög slæmt og
er sérstök áhersla lögð á að sinna þeim
þætti vel, segir á heimasíðunni.
Farið var með Boeing 757-200 flugvél
Icelandair til Taílands og var gert ráð fyrir
að sjúklingarnir kæmu til Stokkhólms á
morgun.
Sænskir ferðamenn
bíða íslenskra lækna
Þjáðir af
beinbrot-
um, sýking-
um og drepi
Víkurfréttir/Páll Ketilsson
Flugstjóri hjálparflugsins, Þorgeir Har-
aldsson, ræddi við hópinn fyrir brottför.
Friðrik
Sigurbergsson
Íþróttir í dag