Morgunblaðið - 03.01.2005, Blaðsíða 4

4 MÁNUDAGUR 3. JANÚAR 2005 MORGUNBLAÐIÐ
FRÉTTIR
Munið Mastercard ferðaávísunina
Skíðaveisla í
Austurríki
frá aðeins kr. 29.990
Verð kr. 29.990
Flugsæti til Salzburg, 29. janúar.
Netverð.
Verð kr. 59.990
Flug og hótel án nafns, Zell am
See/Schuttdorf, með morgunverði.
29. janúar. Vikuferð. Netverð.
Skógarhlíð 18, sími 595 1000. www.heimsferdir.is
• 29. jan.
• 5. feb.
• 12. feb.
• 19. feb.
• 26. feb.
Beint flug til Salzburg
Heimsferðir bjóða til skíðaveislu í einum vinsælasta skíðabæ Austur-
rísku alpanna, Zell am See. Í boði eru góð þriggja og fjögurra stjörnu
hótel í hjarta Zell, rétt við skíðalyfturnar, veitingastaði, verslanir og
kvöldlífið. Frábær aðstaða fyrir skíðamenn. 56 lyftur og allar tegundir af
brekkum, eftir óskum og getu hvers og eins, snjóbretti og gönguskíði
ekki undanskilin.
MAGNÚS Blöndal Jó-
hannsson píanóleikari
og tónskáld lést á
Landspítalanum í
Fossvogi að kvöldi 1.
janúar. Magnús var 79
ára gamall, fæddur 8.
september 1925 að
Skálum á Langanesi.
Foreldrar hans voru
Jóhann Metúsalem
Kristjánsson, kaup-
maður, og Þorgerður
Magnúsdóttir, húsmóð-
ir.
Magnús nam við
Juilliard-tónlistarskólann í New
York 1947–54. Að námi loknu fluttist
hann aftur til Íslands. Hann varð
tónlistargagnrýnandi á dagblaðinu
Vísi frá 1954–57; píanóleikari og að-
stoðarkórstjóri við Þjóðleikhúsið
1956–61, og starfsmaður tónlistar-
deildar Ríkisútvarpsins frá árinu
1955–72. Jafnframt var Magnús af-
kastamikið tónskáld.
Eftir Magnús liggja hátt í hundr-
að verk, sönglög, kvikmyndatónlist,
leikhústónlist, hljómsveitar- og
kammertónlist. Framan af samdi
hann aðallega sönglög og einnig ein-
staka hljóðfæraverk, en um 1950 fór
hann að gera tilraunir
með 20. aldar tón-
smíðatækni. Sem dæmi
um nýja hluti í tónlist
hans má nefna að
Magnús mun hafa ver-
ið fyrstur Íslendinga til
að yrkja undir af-
ströktum tólftónahætti
Schönbergs, en það er
verkið 4 Abstraktsjónir
frá árinu 1950. Magnús
var einnig fyrstur hér-
lendis til að semja raf-
tónlist með verki sínu
Elektrónísk stúdía frá
árinu 1959, og fyrstur til að tileinka
sér módernisma í íslenskri tónlist.
Meðal þekktustu verka Magnúsar
á sviði kvikmyndatónlistar er tónlist
hans við kvikmynd Ósvaldar Knud-
sen Surtur fer sunnan og samnefnt
lag hans úr myndinni Sveitin milli
sanda.
Magnús var þríkvæntur og er eft-
irlifandi eiginkona hans Hulda
Sassoon. Með fyrstu eiginkonu sinni,
Bryndísi Sigurjónsdóttur, eignaðist
hann tvo syni, Jóhann Magnús og
Þorgeir, og með annarri eiginkonu
sinni, Kristínu Sveinbjörnsdóttur,
eignaðist hann einn son, Marinó Má.
Andlát
MAGNÚS BLÖNDAL
JÓHANNSSON
RÍKISSKATTSTJÓRI sendi for-
svarsmönnum Baugs Group bréf að
morgni gamlársdags um endur-
álagningu opinberra gjalda fyrir árið
1998 að því er fram kom í fréttum
Ríkissjónvarpsins sama dag. Var
það gert svo málið myndi ekki fyrn-
ast um áramótin. Ekki kom fram um
hversu háa upphæð er að ræða.
Skattrannsóknarstjóri lauk rann-
sókn sinni á Baugi og fjárfestinga-
félaginu Gaumi og tengdum félögum
um miðjan nóvember á síðasta ári og
vísaði þá ákveðnum þáttum málsins
til embættis ríkislögreglustjóra en
öðrum til ríkisskattstjóra til hugsan-
legrar endurákvörðunar.
Jóhannes Jónsson, stjórnarmaður
í Fjárfari, sagði í gær að honum hefði
ekki borist bréf frá skattayfirvöldum
á gamlársdag.
Ekki náðist í Hrein Loftsson,
stjórnarformann Baugs, Jón Ásgeir
Jóhannesson forstjóra eða Kristínu
Jóhannesdóttur, framkvæmdastjóra
Gaums, í gær vegna málsins.
Endur-
álagning
á Baug
ÁHORFENDABEKKIR Sund-
miðstöðvar Laugardals voru þétt-
setnir þegar fyrsta 50 metra inn-
anhúss keppnissundlaugin á
Íslandi var vígð í gær. Steinunn
Valdís Óskarsdóttir, borgarstjóri,
sagði í ávarpi að vígsludagurinn
væri í hugum margra stór dagur,
enda margir sem beðið hafa eftir
laug á borð við þessa árum og
jafnvel áratugum saman.
Aðspurð sagðist Steinunn Val-
dís, í samtali við Morgunblaðið,
telja að þetta nýja mannvirki
kæmi til með að hafa mjög mikla
þýðingu fyrir sundíþróttina í
landinu. „Það hefur lengi verið
um það rætt að laug á borð við
þessa væri einmitt það sem vant-
aði, ekki bara fyrir sundíþróttina
í Reykjavík heldur fyrir landið
allt. Ég held að þetta mannvirki
hafi einnig líka mikla þýðingu
fyrir Laugardalinn og rímar mjög
vel við það sem við höfum verið
að gera hér í Laugardalnum að
öðru leyti. Má þar nefna bygg-
ingu heilsumiðstöðvarinnar
Lauga, stækkun Fjölskyldu- og
húsdýragarðsins, sem miðar allt
að því gera Laugardalinn að
miðju útivistar og heilsuræktar
og rímar mjög vel við áherslu
borgaryfirvalda um heilsuborgina
Reykjavík.“
Í ávarpi Steinunnar kom fram
að nýja sundlaugin væri ekki bara
sundlaug Reykvíkinga heldur ætti
að líta á hana sem þjóðarleikvang
í sundi fyrir landsmenn alla. „Ég
sé ekki fyrir mér að það verði
byggð önnur 50 metra yfirbyggð
sundlaug á Íslandi á næstunni.
Við viljum líta svo á að þetta sé
þjóðarleikvangur í sundi líkt og
Laugardalsvöllurinn er þjóðar-
leikvangur í knattspyrnu. Í ljósi
þessa finnst okkur eðlilegt að rík-
ið komi hugsanlega að fjár-
mögnun og höfum við verið í
bréfaskriftum við mennta-
málaráðherra um það að mennta-
málaráðuneytið komi með sama
hætti að þessari laug og rekstri
Laugardalsvallar,“ segir Steinunn
og tekur fram að enn hafi ekki
borist formleg svör frá ráðuneyt-
inu.
Við vígsluna blessaði sr. Bjarni
Karlsson, sóknarprestur Laug-
arneskirkju, nýju laugina. Í máli
Bjarna kom fram að sundferðir
virðast hafa þann eiginleika að
fylla sundiðkendur bjartsýni, enda
hreinsi sundferðir menn oft af
vondum hugsunum. Vígslunni
lauk með því að tíu sundkappar
úr félögunum Ármanni, Ægi,
Fjölni, KR, Ösp og Íþróttafélagi
fatlaðra í Reykjavík stungu sér til
sunds í nýju lauginni.
Líkt og áður hefur komið fram
uppfyllir nýja laugin alþjóðlega
staðla og verður fyrsta fjöl-
þjóðlega sundmótið sem haldið
hefur verið á Íslandi í langan
tíma haldið í þessari laug í des-
ember 2005. Að vígsluathöfn lok-
inni hófst nýárssundmót Íþrótta-
sambands fatlaðra, en í því tóku
þátt áttatíu börn og unglingar frá
fimm félögum og er það mesti
fjöldi þátttakenda í rúmlega
tveggja áratuga sögu mótsins.
Ný 50 metra innisundlaug var formlega tekin í notkun í Laugardalnum í gær
Steinunn V. Óskarsdóttir borgarstjóri við vígslu laug-
arinnar. Í baksýn má sjá Bjarna Karlsson, prest Laug-
arneskirkju, og Önnu Kristinsdóttur, formann ÍTR.
Morgunblaðið/Jim Smart
Við vígslu innisundlaugarinnar stungu tíu kappar úr fé-
lögunum Ármanni, Ægi, Fjölni, KR, Ösp og Íþrótta-
félagi fatlaðra í Reykjavík sér til sunds fyrstir allra.
Margir búnir að bíða lengi eftir þessari laug
RÍKISRÁÐ Íslands kom saman til
fundar á Bessastöðum á gamlárs-
dag, en hefðbundið er að halda slík-
an fund á þeim degi. Ráðherrarnir
allir skipa ríkisráð en forseti Íslands
er forseti ríkisráðsins. Á ríkisráðs-
fundinum voru meðal annars stað-
fest frumvörp sem samþykkt hafa
verið á Alþingi í vetur.
Ríkisráð Íslands fundar á Bessastöðum
Morgunblaðið/Jim Smart
BIRGIR Ármannsson, Geir H.
Haarde og Þorsteinn Pálsson eru
tilnefndir af Sjálfstæðisflokknum í
nefnd sem hefur það hlutverk að
endurskoða stjórnarskrá íslenska
lýðveldisins. Fyrir Samfylkinguna
eru þau Össur Skarphéðinsson og
Ingibjörg Sólrún Gísladóttir til-
nefnd en Guðjón Arnar Kristjánsson
fyrir Frjálslyndaflokkinn og Stein-
grímur J. Sigfússon fyrir Vinstri-
hreyfinguna – grænt framboð. Ekki
fengust upplýsingar um hvaða tveir
einstaklingar muni sitja í nefndinni
fyrir hönd Framsóknarflokksins.
Forsætisráðherra skipar formann
úr hópi níu nefndarmanna.
Að auki mun fjögurra manna sér-
fræðinganefnd starfa náið með
stjórnarskrárnefndinni, en formað-
ur hennar verður Eiríkur Tómasson
lagaprófessor.
Halldór Ásgrímsson forsætisráð-
herra hefur sagt að báðum nefndum
sé ætlað að hefja starf sitt nú í upp-
hafi árs og ljúka störfum ekki síðar
en í byrjun árs 2007, enda verði
stefnt að því að kjósa um stjórn-
arskrárbreytingar í alþingiskosn-
ingum það ár.
„Ég hvet til þess að við fjöllum
um þetta stóra og mikilvæga verk-
efni af gætni og virðingu. Með nú-
tíma samskiptatækni og fjölbreytni í
fjölmiðlun er hægt að tryggja að
sem flestir landsmenn geti lagt hönd
á plóginn auk þess sem haldnir verði
fundir og ráðstefnur um einstaka
þætti stjórnarskrárinnar. Þetta er
sameiginlegt verkefni okkar allra og
niðurstaðan á að endurspegla þjóð-
arvilja. Því er brýnt að sjónarmið
sem flestra komist að við þessa mik-
ilvægu vinnu. Í alþingiskosningum
2007, þegar kosið verður um stjórn-
arskrárbreytingarnar, eiga sem
flestir að geta sagt: Ég hef tekið
þátt í að ræða og móta stjórnar-
skrána,“ sagði Halldór í sjónvarps-
ávarpi á gamlársdag.
Þingflokkar tilnefna
í stjórnarskrárnefnd