Morgunblaðið - 03.01.2005, Blaðsíða 10

10 MÁNUDAGUR 3. JANÚAR 2005 MORGUNBLAÐIÐ
FRÉTTIR
Útflutningsráð Íslands og Félag kvenna í atvinnurekstri hyggjast
skipuleggja viðskiptasendinefnd til Mexíkó í tengslum við
ráðstefnuna Global Summit of Women sem haldin verður 23.-25.
júní n.k. í Mexíkóborg. Mexíkó er níunda stærsta hagkerfi heimsins
og íbúar landsins eru yfir 100 milljónir. Mexíkó og EFTA hafa haft
fríverslunarsamning frá árinu 2001.
Ætlunin er a kynna íslenskt viðskiptaumhverfi á ráðstefnunni og
m.a. þá þjónustu sem hér býðst fyrir ferðamenn, funda- og
ráðstefnuhald. Á ráðstefnuna koma forystukonur í stjórnun og
atvinnurekstri úr öllum heimsálfum og er markmið ráðstefnunnar
að skapa víðtæk viðskipta- og félagstengsl.
M
IX
A
•
fí
t
í
Viðskiptatækifæri
Mexíkó
Kynningarfundur fyrir áhugasama verður haldinn
í Borgartúni 35, Húsi atvinnulífsins, 6.-hæð
fimmtudaginn 6. janúar 2005, kl. 9:00.
Nánari upplýsingar veitir Svanhvít Aðalsteinsdóttir hjá
Útf lutningsráði Íslands í s íma 511 4000, netfang:
vur@utflutningsrad.is
Upplýsingar verða einnig birtar á www.utflutningsrad.is og
www.fka.is og jafnframt er bent á að skoða vef ráðstefnunnar
www.globewomen.com
FORSETI Íslands sæmdi sextán Íslendinga
heiðursmerki Hinnar íslensku fálkaorðu við há-
tíðlega athöfn á Bessastöðum á nýársdag. Í
hópnum voru tíu karlar og sex konur.
Þeir sem sæmdir voru fálkaorðu voru: Ás-
mundur Jónsson, framkvæmdastjóri, Reykja-
vík, riddarakross, fyrir framlag til nýsköpunar
á sviði tónlistar. Séra Auður Eir Vilhjálms-
dóttir, prestur, Kópavogi, riddarakross, fyrir
störf í þágu trúar og kirkju. Birgir D. Sveins-
son, kennari, Mosfellsbæ, riddarakross, fyrir
störf í þágu tónlistar. Björgólfur Guðmunds-
son, athafnamaður, Reykjavík, riddarakross,
fyrir framlag til viðskiptalífs og menningar.
Edda Heiðrún Backman, leikkona, Reykjavík,
riddarakross, fyrir störf í þágu íslenskrar leik-
listar. Eiríkur Smith, listmálari, Hafnarfirði,
riddarakross, fyrir myndlistarstörf. Kristján
Þór Júlíusson, bæjarstjóri, Akureyri, ridd-
arakross, fyrir störf í þágu sveitarstjórna og
byggðamála. María Th. Jónsdóttir, formaður
Félags aðstandenda Alzheimerssjúkra, Garða-
bæ, riddarakross, fyrir störf í þágu velferðar
og málefna minnissjúkra. Markús Sigurbjörns-
son, forseti Hæstaréttar, Reykjavík, stórridd-
arakross, fyrir störf í opinbera þágu. Már Sig-
urðsson, ferðamálafrömuður, Haukadal,
riddarakross, fyrir frumkvæði í uppbyggingu
ferðaþjónustu. Ragnar Bjarnason, söngvari,
Reykjavík, riddarakross, fyrir framlag til ís-
lenskrar tónlistar. Sigurður Björnsson, yfir-
læknir, Reykjavík, riddarakross, fyrir störf í
þágu krabbameinslækninga. Sigurveig Guð-
mundsdóttir, fv. kennari, Hafnarfirði, ridd-
arakross, fyrir störf í þágu mennta- og félags-
mála. Valgerður Sverrisdóttir, ráðherra,
Eyjafirði, stórriddarakross, fyrir störf í opin-
bera þágu. Dr. Þóra Ellen Þórhallsdóttir, pró-
fessor, Reykjavík, riddarakross, fyrir vís-
indastörf. Örlygur Kristfinnsson, safnstjóri,
Siglufirði, riddarakross, fyrir framlag til upp-
byggingar Síldarminjasafnsins.
Ljósmynd/Gunnar G. Vigfússon
Sextán Íslendingar sæmdir fálkaorðu
FÉLAGSÞJÓNUSTAN í Reykja-
vík, Kári Tran veitingamaður og
Hólmfríður Gísladóttir, fyrrver-
andi starfsmaður Rauða krossins,
fengu viðurkenningu Alþjóðahúss-
ins fyrir lofsverða frammistöðu í
málefnum innflytjenda og fjöl-
menningarlegs samfélags á Ís-
landi. Ólafur Ragnar Grímsson,
forseti Íslands, afhenti viðurkenn-
inguna við hátíðlega athöfn í Al-
þjóðahúsinu sl. fimmtudag.
Viðurkenningin, sem var veitt í
annað skiptið, þjónar þeim til-
gangi að vekja athygli á því já-
kvæða starfi sem unnið er hér á
landi í málefnum innflytjenda. Í
tilkynningu frá Alþjóðahúsinu
segir að þeir sem fengu við-
urkenninguna séu vel að henni
komnir enda unnið frumkvöðla-
starf á undanförnum árum í mál-
efnum fjölmenningarlegs sam-
félags.
Unnið gegn fordómum
og vanþekkingu
„Félagsþjónustan í Reykjavík
hefur á undanförnum árum unnið
markvisst að fræðslu um málefni
innflytjenda og verið öðrum stofn-
unum og fyrirtækjum fyrirmynd á
því sviði. Þetta á bæði við um
fræðslu til starfsmanna Fé-
lagsþjónustunnar af erlendum
uppruna og útlenda notendur
þjónustunnar. Félagsþjónustan
hafi sett sér metnaðarfulla starfs-
mannastefnu, sem meðal annars
felur í sér að auka færni erlendra
starfsmanna í íslensku máli, efla
menningarlæsi starfsmanna á
báða bóga og vinna gegn for-
dómum og vanþekkingu.
Hólmfríður Gísladóttir, fyrrver-
andi starfsmaður Rauða kross Ís-
lands, hefur um áratugaskeið unn-
ið fórnfúst starf í þágu
innflytjenda á Íslandi. Hún var í
hópi þeirra sem undirbjuggu
komu fyrsta flóttamannahópsins
frá Víetnam á sínum tíma og hef-
ur æ síðan gegnt lykilhlutverki í
móttöku flóttamanna hingað til
lands. Hólmfríður lét af störfum
hjá Rauða krossinum á þessu ári
en hefur síðan tekið að sér ýmis
verkefni í þágu innflytjenda að
eigin frumkvæði í sjálfboðnu
starfi.
Kári Tran veitingamaður var í
fyrsta flóttamannahópnum frá
Víetnam sem kom hingað til lands
árið 1979. Hann hóf snemma sjálf-
stæðan veitingarekstur eftir kom-
una til Íslands og er ótvítrætt
brautryðjandi í því að kynna aust-
urlenska matargerð fyrir Íslend-
ingum. Kári á þannig stóran þátt í
þeirri byltingu sem orðið hefur á
íslenskri matarmenningu und-
anfarna áratugi. Hann rekur í dag
veitingahúsið Asíu við Laugaveg
og hefur gert það undanfarinn
áratug,“ segir í tilkynningu frá
Alþjóðahúsinu.
Kári kveðst vera mjög þakk-
látur yfir því að fá viðurkenn-
inguna. Hann bendir þó á að
margir standi við bakið á sér og
þeir eigi því alveg eins mikið í
viðurkenningunni og hann.
Hólmfríður segist líta á það sem
forréttindi að fá að hafa unnið að
málefnum flóttamanna í gegnum
tíðina. Hún segir flóttamenn vera
fólk sem hefur verið rekið að
heiman og ekki kosið sín örlög.
„Ég vona að svona viðurkenning
dragi athyglina að málefnum
flóttamanna og að þeim verði ekki
gleymt,“ segir Hólmfríður.
„Við erum afskaplega stolt og
ánægð með að fá þessa viðurkenn-
ingu,“ segir Ellý Alda Þorsteins-
dóttir, staðgengill félagsmála-
stjóra, og hún bætir því við að
viðurkenningin hvetji starfsfólk
Félagsþjónustunnar til frekari
dáða.
Morgunblaðið/Þorkell
Ellý Alda Þorsteinsdóttir, staðgengill félagsmálastjóra fyrir hönd Fé-
lagsþjónustunnar, Kári Tran veitingamaður og Hólmfríður Gísladóttir,
fyrrv. starfsmaður RKÍ, tóku við viðurkenningum frá Alþjóðahúsinu.
Frumkvöðlar að fjölmenn-
ingarlegu samfélagiTRYGGVI Þór Haraldsson, raf-
veitustjóri RARIK, segir að eftir
breytingar á gjaldskrá RARIK
hækki raforkuverð til dæmigerðs
notanda rafhitunar í dreifbýli um
rúmlega 40 þúsund krónur á ári.
Hækkunin er á bilinu 15–20%.
Tryggvi Þór segir að dæmigerður
rafhitanotandi sem notar 34.000
kWh í hita og 6.000 kWh í almenna
notkun hafi á síðasta ári verið að
borga um 190 þúsund krónur með
virðisaukaskatti, eftir að búið er að
taka tillit til niðurgreiðslna ríkisins.
Eftir gjaldskrárbreytinguna væri
hann að greiða um 218 þúsund krón-
ur ef hann býr í þéttbýli, en 232 þús-
und krónur ef hann býr í dreifbýli.
Orkureikningurinn
hækkar um 40 þúsund
MIKIÐ tjón varð í eldsvoða á bænum
Ásólfsstöðum í Þjórsárdal í gær. Ekki
urðu slys á fólki. Slökkvilið Gnúpverja
og Hrunamanna var kallað út eftir til-
kynningu sem barst um kl. 14 og tókst
að ráða niðurlögum eldsins á tveimur
og hálfum klukkutíma.
Á tímabili læsti eldurinn sig í fjós
sem er áfast skemmu við bæinn en
slökkviliðsmönnum tókst að bjarga
fjósinu. Var það mikil mildi því á
fjórða tug nautgripa var inni í fjósinu,
að sögn lögreglunnar á Selfossi.
Skemman brann hins vegar og er
ónýt. Er ljóst að um mikið tjón er að
ræða en inni í skemmunni voru m.a.
vinnuvélar, vélsleðar og verkfæri.
Tildrög eldsins eru í rannsókn hjá
lögreglunni á Selfossi.
Skemma ónýt
eftir eldsvoða
♦♦♦
50 milljónir
til að mæta
kennslumissi
BORGARRÁÐ hefur samþykkt að
hækka framlög fræðslumála um allt
að 50 milljónir króna til að standa
straum af kostnaði við kennslu nem-
enda vegna verkfalls kennara.
Lagt er til að fénu verði varið til að
bjóða nemendum í 10. bekk að und-
irbúa samræmd próf og nám í fram-
haldsskóla og nemendur í 9. bekk fái
aðstoð í völdum greinum, auk þess
sem veita á aðstoð nemendum sem
hafa skráð sig til að taka framhalds-
skólaeiningar í grunnskólum og hafa
misst úr námi. Komið verður til móts
við nemendur sem taldir eru þurfa á
sérstakri aðstoð að halda.