Morgunblaðið - 03.01.2005, Blaðsíða 51
MORGUNBLAÐIÐ MÁNUDAGUR 3. JANÚAR 2005 51
DAGBÓK Rannsóknarnámssjóður
Umsóknarfrestur til 15. febrúar 2005
Rannís
Rannsóknamiðstöð Íslands
Laugavegi 13, 101 Reykjavík
www.rannis.is
Stjórn Rannsóknarnámssjóðs auglýsir almenna styrki úr sjóðnum 2005.
Umsóknarfrestur er til 15. febrúar.
Hlutverk Rannsóknarnámssjóðs er að styrkja rannsóknatengt framhaldsnám að loknu
grunnnámi við háskóla.
Veittir eru styrkir til framfærslu nemenda í rannsóknatengdu framhaldsnámi, sem stundað er
við háskóla eða á ábyrgð hans í samvinnu við rannsóknastofnanir eða fyrirtæki. Styrkurinn til
framfærslu miðast einungis við þann tíma sem nemendur vinna að meistara- eða
doktorsverkefni sínu. Rannsóknaverkefni skal nema að minnsta kosti 30 einingum af náminu
(60 ECTS einingum) og tengjast rannsóknasviði leiðbeinanda. Sé námið stundað við háskóla
erlendis skal rannsóknaverkefnið lúta að íslensku viðfangsefni og vísindamaður með
starfsaðstöðu á Íslandi taka virkan þátt í leiðbeiningu nemandans. Framlag leiðbeinanda hér á
landi þarf að vera verulegt og vel skilgreint.
Tilhögun námsins fer eftir reglum einstakra deilda og eftir almennum reglum háskóla.
Umsóknir þurfa að áritast af aðalleiðbeinanda og forstöðumanni deildar/stofnunar.
Stjórn Rannsóknarnámssjóðs leitar faglegrar umsagnar um vísindalegt gildi verkefna,
framkvæmda- og fjárhagsáætlun og vísindalega hæfni leiðbeinenda hjá óháðum aðilum með
aðstoð vísindanefnda viðkomandi háskóla eða samsvarandi aðila, áður er stjórnin úthlutar
styrkjum. Umsækjendur, leiðbeinendur jafnt sem nemendur, eru hvattir til að kynna sér
vandlega reglur sjóðsins og þær kröfur sem gerðar eru til umsækjenda.
Umsóknareyðublöð og leiðbeiningar fyrir umsækjendur fást á heimasíðu Rannís:
www.rannis.is eða á skrifstofu Rannís, Laugavegi 13, 101 Reykjavík. Allar nánari upplýsingar
veitir Eiríkur Smári Sigurðarson, sími 515 5818, netfang eirikur@rannis.is . Umsóknir skal
senda í þríriti til Rannís merktar „Rannsóknarnámssjóður“.
Auk almennra styrkja veitir Rannsóknarnámssjóður FS-styrki í samvinnu við fyrirtæki og
stofnanir. Sjá nánari upplýsingar um FS-styrki á heimasíðu Rannís.
Hugsar Hafliði of smátt?
GÓÐUR kunningi minn úr Háskól-
anum og prýðisgóður vísindamaður,
Hafliði P. Gíslason, viðrar merki-
legar hugmyndir um tengsl rann-
sóknarstofnana og Háskólans í
grein í Mbl. um nýja vísinda- og
tæknistefnu. Hafliði segir, kannski
án þess að segja það berum orðum,
að það hafi verið slys að fjarlægja
rannsóknarstofnanir atvinnuveg-
anna frá Háskólanum fyrir áratug-
um og undir sérstakan hatt ríkisins.
Ég er honum hjartanlega sammála
um það. Hafliði segir jafnframt að
nú sé sögulegt tækifæri til að nýta
ákveðna uppstokkun í vísindaum-
hverfinu til að flytja hluta þeirra
aftur til baka. Þetta er frjó hugsun.
Nú vil ég ekki stríða Hafliða á
því að mikil og langvinn umgengni
hans við íhaldsmenn hafi lagt höft á
hugarafl hans. En ég velti fyrir mér
hvort hann hugsi ekki of smátt?
Væri ekki íhugandi að flytja ekki
aðeins þær rannsóknarstofnanir
sem hann nefnir heldur allar aðrar
sem tengjast auðlindanýtingu og at-
vinnuvegum undir viðeigandi há-
skóla og háskóladeildir? Sú þjón-
usta sem ríkið þarf á að halda yrði
keypt skv. samningi af þeim um
a.m.k. töluvert langan samnings-
tíma til að finna þeim fjöl inn í
framtíðina. Síðan yrði það fyrir-
komulag hugsanlega endurskoðað,
m.a. út frá gæðum þjónustunnar og
dýrleika. Í einhverjum tilvikum
mætti vel hugsa sér að einstakir
vísindamenn eða samlag þeirra
gæti unnið betur að slíkum rann-
sóknum. Sannarlega gæti ég nefnt
um það góð dæmi úr mínum gömlu
vísindum.
Kostir þessarar breytingar eru
margir. Þetta myndi skapa a.m.k.
vísi að samkeppnisumhverfi. Sam-
keppni gæti brotið klakaböndin sem
einokun vísindastarfsemi og nálægð
við pólitískt stjórnvald hefur lagt á
gríðarlega þýðingarmiklar rann-
sóknargreinar eins og fiskirann-
sóknir. Sjálfstæðið sem þessi breyt-
ing hefði í för með sér – miðað við
a.m.k. óbreyttar fjárveitingar í
heildina – myndi leysa mikinn rann-
sóknaþrótt úr læðingi og leiða til
verulegs ávinnings fyrir vísindin í
landinu. Síðast en ekki síst held ég
að þetta yrði gífurleg lyftistöng fyr-
ir rannsóknartengt framhaldsnám
og gæti skapað því spánnýja mögu-
leika. Allir sem nálægt vísindum og
rannsóknum hafa komið vita að eitt
frjóasta skeið vísindamannsins er
þegar hann er í eins konar sam-
keppni við sjálfan sig um að klára
meistara- eða doktorsnám. Þá
verða til hugmyndir sem margir
eru að vinna úr starfsævina á enda
og þyrftu sumir eina til tvær aðrar
til að fullklára. Rannsóknartengt
framhaldsnám hér á landi er því
eins konar íslensk þekkingarauðlind
sem hægt er að stækka með þessu.
Þetta fannst mér ég þurfa að
nefna við Hafliða og lesendur hans
ágætu greinar því vísindamenn eiga
að hugsa stórt. Eins og auðvitað
stjórnmálamenn.
Össur Skarphéðinsson,
líffræðingur,
Vesturgötu 73, Rvík.
ossur@althingi.is
Velvakandi
Svarað í síma 5691100 kl. 10–12
og 13–15 | velvakandi@mbl.is
Félagsstarf
Aflagrandi 40 | Félagsvist kl. 14,
kaffi og meðlæti kl. 15, allir vel-
komnir.
Bólstaðarhlíð 43 | Almenn handa-
vinna, bútasaumur, fótaaðgerð,
samverustund.
Félagsmiðstöðin, Gullsmára 13 |
Kynningardagur verður í Gullsmára.
miðvikudaginn 5. janúar á starfsem-
inni fram til maíloka. Skráning á
námskeið á sama tíma. Allir vel-
komnir. Bridsdeild FEBK í Gullsmára
spilar tvímenning alla mánu- og
fimmtudaga. Skráning kl. 12.45 á
hádegi. Aðgangseyrir 200 kr.
Gam-Anon-samtökin | Fundir alla
mánudaga í Skúlatúni 6, 3. hæð, kl.
20. Allir velkomnir. Gam-Anon-
samtökin eru sjálfshjálparsamtök
fyrir aðstandendur spilafíkla.
Hraunbær 105 | Kl. 9 almenn
handavinna, bútasaumur, perlu-
saumur, kortagerð, hjúkrunarfræð-
ingur á staðnum, kl. 10 boccia, kl. 11
leikfimi, kl. 12 hádegismatur, kl. 14
félagsvist, kl. 15 kaffi.
Hæðargarður 31 | Opið félagstarf.
Listasmiðja og Betri stofa opin 9–
16. Framsögn og framkoma kl. 9 og
kl. 13 í dag. Kennari er Soffía Jak-
obsdóttir leikkona. Félagsvist klukk-
an 13.30. Bókmenntaklúbbur 19. jan-
úar. Nánari upplýsingar í síma
568 3132.
Staður og stund
http://www.mbl.is/sos
ATVINNA
mbl.is