Morgunblaðið - 05.01.2005, Blaðsíða 4

BJÖRN Lúðvíksson, bílstjóri í Tálknafirði, þurfti ásamt
eiginkonu sinni, Hildi Lobrigo, og tveimur börnum, níu
mánaða og sex ára, að yfirgefa heimili sitt á mánudags-
kvöld vegna snjóflóðahættu. Þau búa við endann á
Strandgötu, en alls yfirgáfu sautján Tálknfirðingar
heimili sín vegna snjóflóðahættu í fyrrakvöld. Tveir íbú-
ar neituðu að yfirgefa svæðið.
„Fulltrúi björgunarsveitarinnar hringdi rétt fyrir
klukkan níu um kvöldið og sagði að það þyrfti að rýma
svæðið,“ útskýrir Björn, en áður hafði snjóflóð fallið
rétt fyrir ofan húsin. „Við urðum að fara út strax,“ segir
hann. „Ég tók dýnur, sængur og eitthvað fleira í
skyndingu.“ Fjölskyldunni var boðið að halda til í fé-
lagsheimilinu, en ákvað fremur að gista í húsnæði syst-
ur Björns, annars staðar í þorpinu. Hann segist aldrei
áður hafa þurft að rýma heimili sitt vegna snjóflóða-
hættu.
Hann segir óvenjumikinn snjó á Tálknafirði þessa
dagana og muni hann ekki eftir öðru eins, síðustu fimm
til sex árin. Það hafi þó gengið ágætlega að komast á
milli staða í fyrrakvöld, enda nýbúið að ryðja götuna.
Aðspurður segir hann að sex ára syninum hafi ekki
brugðið þótt þau hafi skyndilega þurft að yfirgefa heim-
ilið. „Honum fannst þetta bara vera hálfgert ævintýri.“
Ljósmynd/Már Erlingsson
Yfirgáfu heimilið í skyndingu
4 MIÐVIKUDAGUR 5. JANÚAR 2005 MORGUNBLAÐIÐ
FRÉTTIR
„ÞAÐ er eins og hlíðin hafi runnið eins og hún legg-
ur sig,“ segir Einar Már Gunnarsson, björg-
unarsveitarmaður á Ísafirði, er hann lýsir snjóflóði
sem fallið hefur úr Hraunsgili í Hnífsdal. Talið er
að flóðið hafi fallið um níuleytið í gærmorgun.
Flóðið hreif með sér gamla bæinn í Hrauni í
Hnífsdal og spennistöð við Árvelli. Við það fór raf-
magn af svæðinu í kring. Einnig fór flóðið meðfram
raðhúsum og blokkum við Árvelli og alveg niður á
sléttlendi. Búið var að rýma húsin, skv. ákvörðun
almannavarnanefndar, á þessu svæði, áður en snjó-
flóðið féll, svo engan sakaði.
Jakob Ólafsson, starfsmaður Orkubús Vest-
fjarða, sagði í samtali við Morgunblaðið í gær að
unnið væri að því að leggja bráðabirgðalínu frá
annarri spennustöð til að koma rafmagninu á aftur.
Óvíst væri þó hvenær það tækist. Sennilega ekki
fyrr en í dag.
Einar Már telur að flóðið hafi verið meira en
fimm hundruð metra breitt. Það hafi tekið með sér
gamla bæinn í Hrauni, eins og áður sagði, og skilið
efri hlutann eftir við nýja bæinn, um sextíu metrum
neðar. „Það er eins og búið sé að leggja gamla hús-
inu eins og hverjum öðrum bíl í stæðið [við nýja bæ-
inn],“ segir hann.
Gamli bærinn var reistur fyrir meira en hundrað
árum, en ekki var lengur búið í honum. Hins vegar
er búið í nýja bænum, sem slapp lítið skemmdur.
Snjór komst þó inn um glugga og eldhúsið fylltist af
snjó.
Gilið nánast autt
Halldór Sveinbjörnsson á Ísafirði segir að snjó-
flóðið hafi greinilega byrjað í efstu toppunum í
Hraunsgili. „Það er nánast autt þetta gil núna,“
sagði hann í samtali við Morgunblaðið í gær. Hann
sagði einnig að snjór hefði greinilega farið inn í rað-
húsin við Árvelli; gluggar hefðu m.a. brotnað og
veggur á neðri hæð Árvalla númer tvö væri greini-
lega genginn langt inn í húsið. Flóðið hafi m.ö.o.
sprengt vegg sem sneri upp að fjallinu. Sagði hann
flóðið hafa verið tæplega sex hundruð metra breitt.
Tæplega sex hundruð metra breitt flóð féll úr Hraunsgili í Hnífsdal
Hreif með sér gamlan bæ og skildi
eftir um sextíu metrum neðar
Morgunblaðið/Halldór Sveinbjörns
Snjóflóðið fór að raðhúsum og blokkum við Árvelli í Hnífsdal.Flóðið braut niður vegg og fyllti íbúðina við Árvelli í Hnífsdal af snjó.
„ÉG ER sú eina heppna þarna. Flóðið fór ekk-
ert inn til mín. Það fór inn í flest hin húsin.
Þetta er svakalegt,“ segir Margrét Anný Guð-
mundsdóttir, íbúi að Árvöllum 14 í Hnífsdal.
Tæplega sex hundruð metra breitt snjóflóð féll
úr Hraunsgili í Hnífsdal í gærmorgun og rann
m.a. að raðhúsunum og blokkunum á Árvöllum
og þaðan niður á sléttlendi.
Alls 25 manns búa í húsunum á Árvöllum,
skv. upplýsingum lögreglunnar, en engan þeirra
sakaði, þar sem þeim hafði verið gert að rýma
heimili sín í fyrrakvöld vegna snjóflóðahættu.
Almannavarnayfirvöld í Ísafjarðarbæ heim-
iluðu íbúum að huga að eignum sínum síðdegis í
gær. Margrét Anný býr á jarðhæð og annarri
hæð og segir svo mikinn snjó fyrir framan húsið
að hún sjái ekki út um stofugluggann. Hún seg-
ir rúður víða brotnar í öðrum húsum og snjó
inni í stofum og herbergjum. Aðspurð segir hún
að íbúarnir hafi þó haldið ró sinni í gær, þegar
þeir sáu skemmdirnar. „Allir héldu stillingu
sinni og náðu í þá hluti sem þeir þurftu á að
halda.“ Hún segir auðvitað mikla mildi að eng-
inn mannskaði hafi orðið í flóðinu.
Margrét Anný yfirgaf heimili sitt, eins og
aðrir íbúar svæðisins, í fyrrakvöld, en hún á
þrjú börn á aldrinum fjögurra til átján ára. Hef-
ur hún fengið að gista hjá vinum og vandamönn-
um í bænum. Óvíst er á þess-
ari stundu hvenær íbúarnir
geta snúið aftur til síns
heima.
Ósáttur við leiguverð
Kristján Geir Þorláksson,
íbúi á Árvöllum 12, segir Ísa-
fjarðarbæ leigja út íbúðirnar
við Árvelli. Hann segir að
þegar hann hafi byrjað að
leigja íbúð þarna fyrir tveim-
ur árum hafi honum verið tjáð að hún væri ekki
á snjóflóðahættusvæði. Hann segir ennfremur
að íbúðirnar séu leigðar á fullu verði þrátt fyrir
að vera á hættusvæði. „Leigan er 44 þúsund
krónur á mánuði sem er venjuleg leiga.“ Kveðst
hann ósáttur við það.
„Þetta er svakalegt“
Margrét Anný
Guðmundsdóttir
TALSÍMASAMBAND og
GSM-símasamband lá niðri í
Súðavík fram eftir degi í gær
vegna snjóflóða sem féllu á
rafmagnsstaura á Arnarnesi
við Ísafjörð í fyrrinótt.
Vegna þess lágu einnig
niðri útsendingar Rásar 1 og
Rásar 2 í Súðavík og á Ísa-
firði. NMT-stöðvar á Bæ,
Nauteyri og Vigur voru einn-
ig óvirkar.
Að sögn Evu Magnúsdótt-
ur, upplýsingafulltrúa Sím-
ans, tókst þó að koma þessu í
lag rétt fyrir klukkan sex í
gær.
SNJÓFLÓÐ féll við bæinn
Kárdalstungu, innst í Vatns-
dal, í gær, skv. upplýsingum
frá lögreglunni á Blönduósi.
Hreif snjóflóðið með sér
heimatilbúna rafstöð bóndans
á bænum, að sögn lögreglunn-
ar. Ekki er vitað til þess að
annað tjón hafi hlotist af flóð-
inu.
Hreif með
sér heima-
rafstöð
Símasam-
bandslaust
vegna
snjóflóða
EKKI var unnt að telja atkvæði sjó-
manna um kjarasamning Samtaka
sjómanna og LÍÚ í gær eins og til
stóð vegna ófærðar og veðurs. Að
sögn Hólmgeirs Jónssonar, fram-
kvæmdastjóra Sjómannasambands
Íslands, er unnið að því að safna
saman kjörgögnum en vegna
ófærðar hafa þau ekki öll skilað
sér. Fer talningin fram eins fljótt
og mögulegt er að sögn hans.
Skrifað var undir samninginn 30.
október sl. Atkvæðagreiðsla um
samninginn stóð yfir til 31. desem-
ber í 26 aðildarfélögum sambands-
ins en ákveðið var að talning allra
atkvæða færi fram á einum stað.
Ekki liggur fyrir hversu margir
greiddu atkvæði um samninginn.
Talning tefst
vegna ófærðar
ENN er óljóst hvort áverkar sem
tveir piltar hlutu við fikt með
flugelda milli jóla og nýárs verða
varanlegir. Þeir liggja enn á
Landspítalanum og segir María
Soffía Gottfreðsdóttir augnlæknir
að ekki verði ljóst fyrr en eftir
um mánuð hvort þeir hafi orðið
fyrir varanlegum skaða. Alls urðu
átta strákar fyrir slysum á augum
vegna flugeldafikts, þar af þurfti
að leggja þrjá inn á spítalann.
Tveir enn á
sjúkrahúsi vegna
flugeldafikts
BROTIST var inn í Verzlunarskóla
Íslands um tvöleytið í nótt og þaðan
stolið tveimur skjávörpum, sam-
kvæmt upplýsingum lögreglunnar í
Reykjavík. Þjófarnir spenntu upp
tvo glugga á skólabyggingunni og
fóru inn í kennslustofur. Sá sem til-
kynnti málið til lögreglu sá tvo
menn á hlaupum frá skólanum. Lög-
regla rakti spor þeirra í snjónum en
þau hurfu við Efstaleiti, þar sem er
snjóbræðslukerfi í gangstétt.
Skjávörpum
stolið úr Verzl-
unarskólanum
SÆMUNDUR Pálsson, vinur
Bobbys Fischers, sagði í samtali við
Morgunblaðið í
gær að staða
Fischers væri
óbreytt. Enn væri
beðið svars frá
japanska dóms-
málaráðneytinu
um hvort honum
yrði hleypt úr
landi. Þangað
hefði fulltrúi
stuðningsmanna farið í gær en ráðu-
neytismenn ekkert viljað segja.
Staða Fischers
óbreytt
BORGARSTJÓRN Reykjavíkur
ákvað í gær, að tillögu Steinunnar
Valdísar Óskarsdóttur borg-
arstjóra, að veita tíu milljónum
króna til neyðarhjálpar við fórn-
arlömb hamfaranna sem urðu við
Indlandshaf á annan dag jóla. Til-
lagan var samþykkt einróma við
upphaf borgarstjórnarfundar.
Rauða krossi Íslands verður falið
að ráðstafa peningunum.
Í greinargerð með tillögunni
segir, að Alþjóða Rauði krossinn
hafi sent út hjálparbeiðni sem sé
sú stærsta um áratugaskeið. Talin
sé þörf á um þremur milljörðum
króna til hjálparstarfs samtak-
anna á hamfarasvæðunum við Ind-
landshaf. Rauði kross Íslands taki
virkan þátt í neyðaraðstoð á ham-
farasvæðinu, en framlagi Reykja-
víkurborgar til hjálparstarfsins
yrði varið í samræmi við áætlanir
þær sem fylgdu hjálparbeiðni Al-
þjóða Rauða krossins.
Reykjavík gefur
10 milljónir til
neyðarhjálpar