Morgunblaðið - 05.01.2005, Blaðsíða 15

MORGUNBLAÐIÐ MIÐVIKUDAGUR 5. JANÚAR 2005 15
ERLENT
KOFI Annan, framkvæmdastjóri
Sameinuðu þjóðanna, skipaði á
mánudag Mark Malloch Brown,
framkvæmdastjóra Þróunarhjálpar
SÞ, sem nýjan skrifstofustjóra sinn.
Útnefning Mallochs Browns er liður
í víðtækari uppstokkun meðal æðstu
embættismanna SÞ sem er ætlað að
styrkja stöðu SÞ og framkvæmda-
stjórans, síðasta ár þykir hafa verið
mjög erfitt fyrir SÞ og Annan per-
sónulega og raunar hefur Annan
sjálfur lýst því sem „annus horribil-
is“, þ.e. sem „skelfilegu ári“.
Malloch Brown tekur til starfa
sem nánasti samstarfsmaður Ann-
ans 22. janúar nk. en hann kemur í
stað Iqbals Riza, sem hætti störfum
fyrir jól. Annan sagði jafnframt á
mánudag að vænta mætti frekari
breytinga en vildi ekki tjá sig frekar
um hugsanlegar tilfærslur.
Annan sagðist hafa þekkt Malloch
Brown í aldarfjórðung en þeir störf-
uðu saman hjá Flóttamannastofnun
SÞ. „Mark er einstaklega hæfur
leiðtogi og stjórnandi,“ sagði hann.
„Í nýju starfi sínu mun hann aðstoða
mig […] við að þróa og hrinda í
framkvæmd meiriháttar tilraunum
til að bæta árangur og stjórn Sam-
einuðu þjóðanna.“
Malloch Brown sagði SÞ hafa í
mörg horn að líta um þessar mund-
ir. Samtökin takist nú á við það
verkefni að samræma hjálpar- og
uppbyggingarstarf á hamfarasvæð-
unum í Asíu en á sama tíma vofi ým-
is erfið vandamál yfir þeim. Var
hann þar að vísa til þess að von er á
úttekt um meinta spillingu hjá SÞ í
tengslum við olíu-fyrir-mat-
áætlunina sem rekin var í Írak á sín-
um tíma. Þá er vitað að starfsandinn
hefur ekki verið ýkja góður hjá SÞ
undanfarin misseri, m.a. vegna ill-
deilna um innrásina í Írak.
Tilkynning Annans um breyt-
ingar meðal æðstu embættismanna
hjá SÞ kom sama dag og dagblaðið
The New York Times hafði birt
frétt þess efnis að Annan hefði ný-
lega fundað með áhrifamiklum vel-
unnurum SÞ í Bandaríkjunum sem
tjáð hefðu honum að grípa þyrfti til
ýmissa aðgerða ef tryggja ætti hlut-
verk og mikilvægi SÞ í framtíðinni.
Sagði blaðið það hafa verið upplegg
þessara velunnara – en þar ræðir
m.a. um Richard Holbrooke, fyrr-
verandi sendiherra Bandaríkjanna
hjá SÞ, og John G. Ruggie, aðstoð-
arframkvæmdastjóra SÞ 1997–2001
sem nú er prófessor við Harvard –
að „verja Kofi og bjarga SÞ“.
Lögðu þeir fast að Annan að laga
samskiptin við ráðamenn í Wash-
ington og bæta eigið samband við
starfsmenn SÞ sem ósáttir eru við
hvernig stjórnendur samtakanna
hafa tekið á ýmsum hneykslismálum
sem upp hafa komið, m.a. ásökunum
á hendur háttsettum embætt-
ismönnum um kynferðislega áreitni
á vinnustaðnum. Þykir mörgum
starfsmönnum SÞ sem Annan og
ráðgjafar hans hafi haldið hlífiskildi
yfir umræddum embættismönnum.
Farsæll í starfi framan af
Er rifjað upp í frétt The New
York Times að Annan hefði verið
einn farsælasti framkvæmdastjóri
SÞ framan af, síðustu tvö ár hefðu
hins vegar verið honum og samtök-
unum afar erfið og í Bandaríkjunum
hafa tekið að heyrast raddir um að
Annan bæri að segja af sér.
Er m.a. nefnt að mörgum þyki, að
Annan hefði átt að nota tækifærið
er seinna fimm ára kjörtímabil hans
hófst til að fá nýtt blóð inn í hóp nán-
ustu ráðgjafa sinna. Þykir ákvörðun
Annans um að skipa nú Malloch
Brown í stað Iqbals Riza, sem verið
hefur hægri hönd Annans um langt
skeið, til marks um að hann hyggist
hlíta tilmælum velunnara.
Kofi Annan stokkar
upp í starfsliði sínu
Reuters
Kofi Annan hefur lýst 2003 sem „annus horribilis“, skelfilegu ári.
Vill reyna að
„bjarga Samein-
uðu þjóðunum“
Sameinuðu þjóðunum. AP, AFP.
Uppreisnarmenn
í Írak myrtu í
gær Ali al-
Haidri, héraðs-
stjóra í Bagdad,
en hann er með-
al hæst settu
embættismanna
í landinu sem
þeim hefur tek-
ist að ráða af
dögum. Ofbeldisverk hafa færst í
aukana í Írak undanfarna daga og
óttast menn að ástandið versni enn
eftir því sem nær dregur kosn-
ingum í landinu sem eiga að fara
fram 30. janúar nk.
Samtök Jórdanans Abu Musabs
al-Zarqawis hafa lýst ábyrgð á til-
ræðinu í gær á hendur sér.
Uppreisnarmenn veittu bílalest
héraðsstjórans fyrirsát í Hurr-
iyah-hverfinu í norðurhluta Bagd-
ad-borgar og virtist það benda til
að þeir hefðu fengið ábendingu um
ferðir al-Haidris. Létu þeir byssu-
kúlum rigna yfir bílalestina úr
nokkrum áttum með þeim afleið-
ingum að þrír biðu bana, auk hér-
aðsstjórans.
Vilja ekki fresta kosningum
Annars staðar í Bagdad féllu
a.m.k. tíu í sjálfsmorðsárás á höf-
uðstöðvar sérsveita íraska innan-
ríkisráðuneytisins. Þá biðu fimm
bandarískir hermenn bana í
nokkrum árásum víðs vegar um
Írak.
Hoshyar Zebari, utanríkisráð-
herra írösku bráðabirgðastjórnar-
innar, hélt hins vegar fast við það
að kosningar yrðu haldnar 30. jan-
úar eins og að hefði verið stefnt.
Héraðsstjóri
Bagdad ráðinn
af dögum
Bagdad. AFP.
Ali al-Haidri
ÍSRAELSKIR hermenn drápu í
gær átta Palestínumenn, þar af ell-
efu ára gamlan dreng og fimm ung-
linga. Brást Mahmoud Abbas, sem
líklega verður kjörinn forseti Palest-
ínumanna 9. þessa mánaðar, mjög
hart við og fordæmdi „síonistaóvin-
inn“ harðlega. Mannfallið varð er
Ísraelar skutu með skriðdrekum á
bóndabýli í Beit Lahiya en þaðan
hafa Palestínumenn oft skotið skeyt-
um á Suður-Ísrael.
Abbas brást mjög reiður við frétt-
unum og kallaði Ísraela aldrei annað
en „síonista“ er hann fordæmdi þá.
Ný skoðanakönnun sýnir, að 59%
Palestínumanna hyggjast greiða
Abbas atkvæði sitt í kosningunum
næsta sunnudag, en helsti keppi-
nautur hans, Mustafa Barghuti, hef-
ur fylgi 28%. 60% aðspurðra eru hins
vegar andvíg þeirri skoðun Abbas,
að hætta skuli uppreisninni gegn
Ísraelum.
Mahmoud Abbas
fordæmir „síonista“
Beit Lahiya. AFP.