Morgunblaðið - 15.01.2005, Síða 33
MORGUNBLAÐIÐ LAUGARDAGUR 15. JANÚAR 2005 33
UMRÆÐAN
BRÉF TIL BLAÐSINS
Morgunblaðið Kringlunni 1 103 Reykjavík Bréf til blaðsins | mbl.is
MIG langar til að þakka Ragnari
Önundarsyni viðskiptafræðingi og
bankamanni fyrir mjög þarfa hug-
vekju í Morgunblaðinu 13. janúar:
Sápukúlur springa að lokum. Hann
bendir á uppganginn í fjármálalífi
samfélagsins og beinir sérstaklega
aðvörunarorðum til einstaklings-
ins. Ragnari þykir ástæða að ótt-
ast efnahagslegar kollsteypur enda
margir fjárfest ótæpilega og það
sem verra er, hafa ef til vill ekki
nóga þekkingu né innsýn í þessi
flóknu mál. Margir hafa efnt á
sama tíma til mikilla skulda og eru
Íslendingar ótrúlega skuldsettir nú
í gróðatíðinni. Ragnar dregur fram
hættumerkin í 15 liðum og ótrúlegt
er hve mörg þeirra eiga við nú.
Sem gamall skólafélagi Ragnars
úr MH vil eg þakka Ragnari fyrir
þarfa hugvekju og vænti þess að
hann riti meira um fjármál og
miðli óspart af fræðum sínum.
GUÐJÓN JENSSON,
Arnartanga 43,
Mosfellsbæ.
Sápukúlur
efnahagslífsins
Frá Guðjóni Jenssyni, bókfræðingi,
leiðsögumanni og tómstundablaða-
manni:
STUNDUM þarf að mála hlutina
í sterkum litum til að fá fram við-
brögð. Segja má að Ragnari Árna-
syni prófessor hafi
tekist það í umræðu
um Evrópumál að
undanförnu. Umdeild
ummæli hans um
ágæti EES samstarfs-
ins í Viðskiptablaðinu
nýlega hafa hleypt lífi
í frekar daufa um-
ræðu um tengsl Ís-
lands við umheiminn
og á Ragnar hrós skil-
ið fyrir að þora að
varpa fram jafn rót-
tækri hugmynd eins
og að segja EES-
samningnum upp. Það breytir því
hins vegar ekki að ég tel hug-
myndir hans algjörlega óraunhæfar
og gersamlega gegn hagsmunum
Íslands í alþjóðasamstarfi.
Það er í sjálfur sér góðra gjalda
vert að vilja skoða EES-samning-
inn og ágæti hans fyrir íslenskt
þjóðfélag eins og prófessorinn held-
ur fram. Ragnar virðist hins vegar
gleyma því að Alþjóðamálastofnun
Háskóla Íslands og hin virta
norska alþjóðamálstofnun NUPI
gerðu vandaða úttekt á sam-
skiptum Íslands við Evrópusam-
bandið og birtust niðurstöðurnar í
bókinni ,,Ísland og Evrópusam-
bandið: EES, ESB-aðild eða ,,sviss-
nesk lausn? í júní 2003. Þar kemur
skýrt fram að ef Ísland kysi að
segja sig úr EES væri það einfald-
lega óhugsandi að vera algerlega
samningslausir við Evrópusam-
bandið. Aðstæður í dag væru þann-
ig að hagsmunir Íslands væru það
nátengdir aðstæðum á innri mark-
aði Evrópusambandsins að annað
kæmi ekki til greina.
Það er ljóst að ef við segðum
upp samningnum myndi gamli frí-
verslunarsamningurinn frá 1973
taka gildi. Þar var einkum samið
um lækkun á tollum á fiskafurðum
en EES-samningurinn nær yfir
miklu víðtækara svið og er engan
veginn sambærilegur. Við þyrftum
þá að ná samningum
við ESB um frjálsar
fjárfestingar, frjálst
flæði vinnuafls,
menntamál, vísindamál
og margt fleira. Ljóst
er að við værum ekki í
mjög sterkri samn-
ingsstöðu í slíkum við-
ræðum því þegar við
gerðum EES-
samninginn nutum við
góðs af aðstæðum í
heiminum á þeim tíma
og gátum fleytt okkur
inn með sterkum
EFTA-löndum. Nú eru aðstæður
hins vegar allt aðrar og jafnvel
Norðmenn gengnir í ESB eins og
Ragnar hefur sjálfur sagt að gerist
líklega.
Ragnar hefur tekið dæmi um
Sviss um land sem hefur staðið ut-
an EES og spjarað sig vel. Stað-
reyndin er hins vegar sú að Sviss-
lendingum hefur ekki gengið of vel
síðan þjóðin felldi samninginn í at-
kvæðagreiðslu árið 1992 með 50,3%
atkvæða. Hagvöxtur hefur verið lít-
ill og störfum í landinu fækkaði á
áratugnum 1992–2002. Það tók
Svisslendinga 9 ár að ná tvíhliða
samningum við ESB og samt eru
þeir eitt mikilvægasta viðskiptaland
Evrópusambandsins. Þessir samn-
ingar ná ekki nema til hluta af
þeim málefnum sem EES-
samningurinn tekur til og eru á
margan átt mun lakari kostur
EES. Vert er að hafa í huga að
Svisslendingar hafa aldrei dregið
umsókn sína um Evrópusambands-
aðild, sem þeir lögðu inn árið 1992,
til baka. Ef tvíhliðasamningarnir
reynast Svisslendingum ekki vel
má alveg búast við að ESB-aðild
verði aftur komin upp á borðið inn-
an einhverra ára.
Ragnar orðaði það ágætlega í
Kastljósþætti nýlega að Ísland reki
smám saman í átt að Evrópusam-
bandinu. Það getur hins vegar
varla talist heppilegasti ferðamát-
inn því þá hefur maður enga stjórn
á skútunni! Miklu betri ferðamáti
er að vera bæði með rá og reiða og
stýrið í lagi og þannig vita hvert
fleyið stefnir. Langlíklegasta höfn
til að stefna að er Evrópa en þar
gætu hugsanlega bæði Sviss og
Noregur verið í hafnarstjórninni.
Hvar stæði Ísland þá? Myndi
Ragnar halda því í alvöru fram að
Ísland ætti við þær kringumstæður
að snúa baki við Evrópuhöfninni og
reyna frekar að beina Íslandsskút-
unni með manni og mús til Am-
eríku? Eða Asíu?
Rekur okkur
í átt að ESB?
Andrés Pétursson svarar
Ragnari Árnasyni
’Ætti Ísland við þærkringumstæður að snúa
baki við Evrópuhöfninni
og reyna frekar að beina
Íslandsskútunni með
manni og mús til Am-
eríku? Eða Asíu? ‘
Andrés Pétursson
Höfundur er formaður
Evrópusamtakanna.
SKIPULAGSSTOFNUN hefur
sent tillögu meirihluta sjálfstæðis-
manna á Seltjarnarnesi um breyt-
ingar á aðalskipulagi
bæjarins aftur til
frekari vinnslu vegna
galla á efnismeðferð
málsins.
Hlýtur það að telj-
ast áfellisdómur yfir
meirihlutanum og þá
einkum bæjarstjóra,
sem hefur gengið
fram af mikilli óbil-
girni fram að þessu.
Í bréfi Skipulags-
stofnunar kemur
fram að áður en
stofnunin getur af-
greitt tillöguna til
staðfestingar umhverfisráðherra
þarf bæjarstjórn að skýra frá öðr-
um uppbyggingarkostum í
sveitarfélaginu sem og að bregð-
ast við athugasemdum frá 1.100
bæjarbúum sem mótmæltu tillög-
unni.
Ljóst er því að nokkuð vantar
upp á að unnt sé að afgreiða að-
alskipulag bæjarins.
Þá leggur Skipulagsstofnun til
að sett verði ítarlegri ákvæði um
hæðir húsa, húsagerðir og annað
yfirbragð fyrirhugaðrar byggðar
þannig að bindandi forsendur liggi
fyrir við útfærslu deiliskipu-
lagsins. Á þessi atriði bentu
fulltrúar Neslistans í bókunum í
bæjarstjórn og í skipulags- og
mannvirkjanefnd þegar þeir
greiddu atkvæði gegn tillögunni
um breytingu á aðalskipulaginu.
Efnismeðferð
málsins gagnrýnd
Kjarni málsins er að 1.100 bæj-
arbúar og Áhugahópur um betri
byggð á Seltjarnarnesi hafa skilað
inn athugasemdum við fyrirhug-
aða breytingartillögu
á aðalskipulagi, sem
meirihluti sjálfstæð-
ismanna hefur hingað
til látið sér í léttu
rúmi liggja og sýnt
lítinn samstarfsvilja
við bæjarbúa.
Á því strandar mál-
ið nú, þar sem efnis-
meðferð hefur ein-
faldlega ekki uppfyllt
kröfur skipulagslaga.
Það er því frjáls-
lega farið með stað-
reyndir þegar því er
haldið fram að Skipu-
lagsstofnun hafi aðeins beðið um
smávægilegar viðbótarupplýs-
ingar.
Afstaða
Neslistans skýr
Fulltrúar Neslistans greiddu at-
kvæði gegn tillögu um umsögn
vegna athugasemda rúmlega 1.100
bæjarbúa og bentu á að tillögur
um breytingar á aðalskipulagi
gengju ekki nægilega langt miðað
við eðli og fjölda þeirra at-
hugasemda sem borist höfðu frá
bæjarbúum. Neslistinn benti í
bókunum á að skipulagsmál skuli
vinna í samráði við bæjarbúa og
mikilvægi þess að virða skoðanir
bæjarbúa og þann lýðræðislega
rétt þeirra til áhrifa sem skipu-
lagslög kveða á um. Á þetta hefur
ekki verið hlustað. Meirihluti
sjálfstæðismanna hefur nú verið
gerður afturreka af Skipulags-
stofnun vegna þessara vinnu-
bragða.
Tillögur Neslistans
um samráð felldar
Íbúar á Seltjarnarnesi hafa áður
lent í andstöðu við meirihluta
sjálfstæðismanna vegna skipulags-
mála. Bæjarbúar mótmæltu mikl-
um byggingaráformum við Nes-
stofu fyrir rúmlega tíu árum. Það
tókst að koma í veg fyrir þau þökk
sé Neslistanum, bæjarbúum og
þeim sjálfstæðismönnum sem
beittu sér í málinu. Nú er sam-
bærileg staða komin upp á ný.
Fyrir síðustu kosningar leysti
meirihlutinn skipulagsmálin með
því að lofa íbúaþingi um skipu-
lagsmálin og keypti sér með því
frið.
Í nóvember 2002 var íbúaþing
haldið sem var mjög vel sótt. Þar
var áhugasömum bæjarbúum boð-
ið til frekara samstarfs við bæj-
aryfirvöld um skipulagsmálin.
Þessi hópur hefur ekki enn verið
kallaður saman.
Neslistinn lagði, eftir íbúaþing-
ið, fram í bæjarstjórn tillögu um
skipan samráðshóps í tengslum við
aðalskipulagsvinnuna, sem skyldi
vinna með skipulagsnefndinni.
Tillögunni var vísað til skipu-
lags- og mannvirkjanefndar, en
þar var tillagan felld af meirihluta
sjálfstæðismanna. Skipaður var
starfshópur, með einum fulltrúa
frá minnihluta og tveimur frá
meirihluta auk bæjarstjóra sem
stýrði hópnum.
Sá hópur átti að skila sínum til-
lögum til skipulags- og mann-
virkjanefndar. Ein tillaga var lögð
fyrir skipulags- og mann-
virkjanefnd eftir margra mánaða
vinnu starfshópsins.
Í apríl 2004 voru bæjarbúar
boðaðir á kynningarfund um deili-
skipulagstillögu Hrólfskálamels og
Suðurstrandar. Þar var bæj-
arfulltrúum og fulltrúum í skipu-
lags- og mannvirkjanefnd ekki
leyft að taka til máls.
Nú á að stofna svokallaðan rýni-
hóp ef marka má orð meirihlutans.
Hér er um algjöran viðsnúning að
ræða þar sem meirihlutinn hefur
áður fellt tillögur Neslistans um
stofnun samráðshóps um skipu-
lagsmálin. Það verður fróðlegt að
fylgjast með hvort hugur fylgi
máli. Rétt er að geta þess að
skipulagsvinnan hefur nú staðið í
tvö ár og kostað bæjarsjóð rúm-
lega 50 milljónir króna.
Opinn íbúafundur
og samráðshópur
Athugasemdir Skipulagstofnunar
við aðalskipulagið kalla á heildar-
endurskoðun á málinu.
Annað stríðir gegn fyrirmælum
skipulagsreglna og góðum stjórn-
sýsluháttum.
Fulltrúar Neslistans í bæj-
arstjórn munu krefjast þess að
haldinn verði opinn fundur með
bæjarbúum um skipulagsmál á
næstu vikum þar sem
bæjarfulltrúar og nefndarmenn í
skipulags- og mannvirkjanefnd
geri grein fyrir afstöðu sinni í
máli þessu. Í framhaldi af þeim
fundi verði stofnaður formlegur
samráðshópur um verkefnið.
Bæjarbúar eiga skýlausan rétt á
að fá afdráttarlaus svör frá bæj-
arfulltrúum um hver sjónarmið
þeirra séu. Skipulagsmál eru sam-
starfsverkefni sveitarstjórnar og
íbúa.
Meirihluti sjálfstæðismanna
þarf að virða þær leikreglur, ekki
bara í orði heldur og á borði.
Skipulagsklúðrið á Nesinu
Guðrún Helga Brynleifsdóttir
fjallar um skipulagsmál á
Seltjarnarnesi ’Athugasemdir Skipu-lagsstofnunar við að-
alskipulagið kalla á
heildarendurskoðun á
málinu.‘
Guðrún Helga
Brynleifsdóttir
Höfundur er oddviti Neslistans.
4. flokki 1992 – 44. útdráttur
4. flokki 1994 – 37. útdráttur
2. flokki 1995 – 35. útdráttur
Nú hefur farið fram útdráttur húsbréfa
í eftirtöldum flokkum:
Koma þessi bréf til innlausnar 15. mars 2005.
Öll númerin verða birt í Lögbirtingablaðinu.
Auk þess liggja upplýsingar frammi hjá Íbúðalánasjóði,
í bönkum, sparisjóðum og verðbréfafyrirtækjum.
Útdráttur
húsbréfa
Borgartúni 21 105 Reykjavík Sími 569 6900 Fax 569 6800 www.ils.is