Morgunblaðið - 17.01.2005, Page 10

10 MÁNUDAGUR 17. JANÚAR 2005 MORGUNBLAÐIÐ
MINNSTAÐUR
VESTURLAND
á morgun
D A G L E G T L Í F
Forvarnir
til bjargar
Akranes | Sundkonan Kolbrún Ýr Krist-
jánsdóttir var kjöin íþróttamaður Akraness
2004 en þetta er fjórða árið í röð sem Kol-
brún hlýtur þessa viðurkenningu og í sjötta
sinn á hennar ferli sem hún er íþróttamaður
Akraness. Árið 2004 var sérstaklega glæsi-
legt hjá Kolbrúnu Ýri. Hún setti 7 Íslands-
met og vann til 9 Íslandsmeistaratitla.
Kolbrún tók þátt í fjölda alþjóðlegra móta,
þar sem hún komst í undanúrslit eða úrslit í
flestum. Hápunktur tímabilsins hjá henni var
síðan Ólympíuleikarnir, en hún var að taka
þátt í leikunum í annað sinn. En Kolbrún Ýr
náði ekki að komast í milliriðla á Ólympíu-
leikunum í Aþenu.
Drífa Harðardóttir var valin badminton-
kona ársins en hún varð tvöfaldur Íslands-
meistari á sl. ári í tvíliða- og tvenndarleik.
Marianne Sigurðardóttir var þrefaldur Ís-
landsmeistari í sínum aldursflokki í almenn-
um fimleikum og var valinn fimleikamaður
ársins, 15 ára gömul.
Kylfingur ársins var valin Valdís Þóra
Jónsdóttir sem varð Íslandsmeistari í holu-
keppni og höggleik í flokki 14–15 ára auk
þess sem hún varð stigameistari á Vaxta-
línumótaröð Golfsambands Íslands.
Lindberg Már Scott er íþróttamaður árs-
ins hjá Þjóti, íþróttafélagi fatlaðra. Hann
vann til níu Íslandsmeistaratitla í sínum
flokki í frjálsíþróttum á síðasta ári.
Guðrún Birna Ásgeirsdóttir var valinn
karatemaður ársins, og þótti sýna miklar
framfarir á árinu. Vann til bronsverðlauna í
hópkata táninga á Íslandsmótinu, auk fleiri
verðlauna í ýmsum öðrum mótum.
Magnús Sigurjón Guðmundsson var annað
árið í röð valinn keilumaður ársins. Hann var
valinn í úrtakshóp unglingalandsliðsins og
keppir á EM unglinga á þessu ári í Belgíu.
Magnea Guðlaugsdóttir var kjörin knatt-
spyrnukona ársins, og eiginmaður hennar
Stefán Þórðarson var kjörinn knattspyrnu-
maður ársins. En hann lagði upp flest mörk í
sumar í Landsbankadeildinni með ÍA.
Böðvar Sigurvin Björnsson er körfuknatt-
leiksmaður ársins en hann var í drengja-
landsliði Íslands sem sigraði í B-deild Evr-
ópu í Brighton í sumar.
Kári Haraldsson var valinn skotmaður
ársins en hann varð Akranesmeistari á árinu.
Jakob Sigurðsson var valinn íþróttamaður
ársins hjá hestamannafélaginu Dreyra.
Íþróttamaður ársins
fjórða árið í röð
Morgunblaðið/Hilmar Sigvaldason
Kolbrún Ýr Kristjánsdóttir er íþróttamaður
ársins fjórða árið í röð á Akranesi.
TENGSL skólans við náttúruna og
umhverfið eru sérstaklega áberandi,
enda blasir falleg náttúra við úr öllum
áttum. Elísabet
Haraldsdóttir
skólastjóri segir
að nemendurnir
séu bæði úr sveit-
inni í kring og frá
Hvanneyri. Smám
saman hefur hlut-
fall barna nem-
enda Landbún-
aðarháskóla
Íslands á Hvann-
eyri þó aukist. En sérstaða skólans er
meðal annars falin í góðum tengslum
hans við landbúnaðarháskólann. Ekki
aðeins vegna þess hve starfsfólk þar
hefur verið boðið og búið að aðstoða á
allan hátt, meðal annars með fyr-
irlestrum, heldur hefur Andakíls-
skóla einnig verið úthlutað skógi til
afnota. Um er að ræða skjólbelti sem
ræktuð hafa verið á staðnum, t.d. í
kringum tún og tilraunareiti. Á svæð-
inu sem Andakílsskóli hefur fengið
úthlutað hefur verið útbúið rjóður þar
sem hægt er að setjast niður með
börnunum í útinámi.
Hafa tvisvar fengið
Grænfánann
Elísabet segir þetta skipta miklu
máli vegna þess að skólinn tekur þátt
í ýmsum innlendum og alþjóðlegum
verkefnum sem tengjast náttúrunni
og umhverfinu. Verkefnin eru Græn-
fánaverkefnið, en markmið þess er að
efla vitund nemenda, kennara og ann-
arra starfsmanna skólans um um-
hverfismál. Einnig tekur skólinn þátt
í svokölluðu Comeniusverkefni en
það er samvinnuverkefni í tengslum
við umhverfismál og lífsleikni. Skól-
inn vinnur með grunnskólum á Ítalíu,
Póllandi og Spáni. „Á milli þessara
skóla eru gagnkvæmar heimsóknir
þar sem rætt er um ýmis verkefni
sem skólarnir geta unnið að. Þau
byggjast á að við berum saman til
dæmis gróður, loft, mengun eða veð-
urfar í umhverfi skólanna. Okkar
nemendum þótti mjög skrýtið þegar
við fjölluðum um veðurfarið og
ítölsku nemendurnir töluðu um
óvenju kaldan vetur. Hitinn hafði far-
ið niður í 16° C. Margir áttu erfitt
með að skilja að einhverjum þætti
það kalt.“
Andakílsskóli hefur tvisvar fengið
Grænfánann, en hægt er að sækja um
hann á tveggja ára fresti. Árdís Orra-
dóttir kennari, sem hefur umsjón
með verkefninu, segir að þetta sé
gert til að þátttakendurnir setji sér
markmið og fari eftir þeim. Það sé í
raun auðvelt að detta út úr verkefn-
inu. Markmiðin sem þau settu sér
voru meðal annars að flokka lífrænan
úrgang og pappír, sem er nú gjör-
nýttur í skólanum, fækka fernum og
til þess að ná því var fengin mjólk-
urvél í skólann. Þá er mótttaka fyrir
rafhlöður í skólanum og koma nem-
endur með þær að heiman og einnig
er kertaafgöngum frá heimilum nem-
enda safnað. Þá var ákveðið að breyta
um stefnu í ræstingum og eru nú not-
aðir trefjaklútar og vistvæn hreinsi-
efni. Það var svolítið dýrt að koma
þessu upp, en nú segir Elísabet að
þessi rekstur sé mun ódýrari en áður.
Allt gert fyrir fuglana
Á Hvanneyri og í nágrenninu er
mikið fuglalíf og fylgjast nemendur
Andakílsskóla grannt með fuglunum.
Uppi á vegg í einni stofunni eru úr-
klippur úr blöðum þar sem sagt er frá
sérkennilegum fuglum, flækingum og
komu farfuglanna. Þá hefur verið
komið upp fuglaskoðunarhúsi sem
byggist á hugmynd Sigmars í 5. bekk
og fyrirhugað er að byggja stóla og
borð eftir hugmynd Péturs í sama
bekk. Börnin hafa líka smíðað fugla-
hús sem búið er að koma upp í ná-
grenni við skoðunarturninn og er ætl-
unin að fylgjast með því í vor þegar
fuglarnir fara að huga að hreið-
urgerð. Auðvitað vonast nemend-
urnir til að þeir nýti sér fuglahúsin. Á
veggjum við anddyri skólans eru
fuglamyndir úr leir eftir nemendurna
og fyrir utan skólann er fallegt fugla-
bað úr mósaík sem þeir hafa gert.
„Við leggjum mikla áherslu á úti-
nám og sóttum um styrk úr Von-
arsjóði til að geta skipulagt útinám í
nærumhverfi skólans,“ segir Elísa-
bet. „Skógurinn nýtist okkur vel og
ætlum við að koma þar upp betri að-
stöðu fyrir útinámið. Þá tökum við
þátt í verkefninu Lesið í skóginn.“
Útinámið fer fram á ýmsan hátt.
Krakkarnir minnast myndlistartíma
þegar þeir fóru niður á eyrarnar og
sáu gæsaspor sem þeir teiknuðu upp.
Ragnar Skúlason íþróttakennari
leggur líka mikið upp úr íþrótta-
kennslu úti við, hvort sem er rösk
ganga eða sleðaferðir. Það kemur sér
líka oft vel því íþróttahúsið á Hvann-
eyri er lítið og elsta íþróttahús á land-
inu sem enn er í notkun.
Skólalóð fyrir útinám
Það er greinilegt að það er nóg að
gera í Andakílsskóla þótt hann sé
ekki stór í sniðum. Nemendur eru nú
30 og skiptast í þrjár bekkjardeildir,
1.–2. bekk, 3.–4. bekk og 5. bekk. Við
skólann starfa nú 10 manns, þó ekki
allir í fullu starfi.
„Rætt hefur verið um að samtvinna
starf leikskólans hérna við hliðina á
okkur og grunnskólans og erum við
spennt fyrir því. Um helgina var
námskeið um skólalóðina sem mikil
þörf er á að breyta,“ segir Elísabet.
„Á námskeiðinu kom starfsfólk skól-
ans og foreldrar saman og veltu upp
ýmsum hugmyndum um hvernig best
væri að gera hana úr garði, m.a. með
tilliti til útináms. Við erum svo heppin
að Kristín Pétursdóttir, nemandi við
umhverfisskipulagsbraut við LHÍ,
hefur valið lóð Andakílsskóla sem
lokaverkefni sitt og með þessu nám-
skeiði var ætlunin að gefa fólki kost á
að hafa áhrif á þróun skólalóðarinnar.
Það verður spennandi að sjá hvernig
útkoman verður.“
Morgunblaðið/Ásdís
Nemendur í 1.–2. bekk teiknuðu snjókorn og föndruðu á tréplatta. Föndr-
uðu snjókornin voru svo máluð með sjálflýsandi málningu.
Skapandi
skóli
í grænni
sveit
Andakílsskóli er sérstakur á margan hátt. Hann er á Hvanneyri og þar
stunda 30 nemendur nám og njóta að mörgu leyti góðs af því að vera í fá-
mennum skóla. Ásdís Haraldsdóttir heimsótti skólann og fannst eins og
ekkert væri nemendum og kennurum óviðkomandi.
Fuglaskoðunarhúsið verður ef-
laust vel nýtt í vor þegar fuglarnir
fara að gera hreiður í fuglahús-
unum sem búið er að koma fyrir í
trjánum allt í kring.
asdish@mbl.is
Elísabet
Haraldsdóttir

Nærri lætur að um sex
hundruð Íslendingar fái
heilablóðfall á ári hverju með
misalvarlegum afleiðingum.