Morgunblaðið - 17.01.2005, Blaðsíða 12
12 MÁNUDAGUR 17. JANÚAR 2005 MORGUNBLAÐIÐ
ERLENT
PÍLAGRÍMAR biðja við Moskuna miklu í
Mekka. Áætlað er að minnst tvær milljónir
pílagríma verði í borginni síðar í vikunni
þegar haj-hátíðin nær hámarki. Yfirvöld í Sádi-
Arabíu sögðu um helgina að yfir 50.000 manns
tækju þátt í öryggisgæslunni í Mekka vegna
pílagrímahátíðarinnar. Um 250 pílagrímar létu
lífið í miklum troðningi við Moskuna miklu á
pílagrímahátíðinni í fyrra.
Reuters
Mikil mannmergð í Mekka
BANDARÍKJAHER rannsak-
aði möguleikann á því að
framleiða „hýra ástar-
sprengju“ sem ætlað var að
gera liðsmenn óvinaherja
„kynferðislega ómótstæðilega“
hver í annars augum. Ekki
varð þó af framleiðslu vopns-
ins, samkvæmt skjölum sem
gerð voru opinber nýlega.
Að sögn fréttavefjar breska
ríkisútvarpsins BBC átti
sprengjan að innihalda losta-
vekjandi efni. Önnur efna-
vopn, sem herinn hugðist
koma sér upp en litu aldrei
dagsins ljós, voru vopn til að
gera hermenn auðþekkjanlega
á andfýlu þeirra ef þeir
reyndu að fela sig á meðal
óbreyttra borgara. Megintil-
gangurinn með slíkum vopn-
um var að „slæva baráttuþrek
og draga úr aga í röðum
óvinaherja“.
Sex ára verkefni
Var þetta meðal ráðagerða
á vegum bandaríska varnar-
málaráðuneytisins árið 1994
en verkefnið stóð yfir í sex ár
og kostaði 7,5 milljónir doll-
ara, um 450 milljónir króna.
Að frumkvæði Wright-til-
raunastöðvar flughersins í
Dayton í Ohioríki veitti ráðu-
neytið umbeðið fjármagn til
rannsókna á efnasamböndum
til að „hrella, ergja og bera
kennsl á vonda manninn“.
Ráðgerðu
„ástar-
sprengju“