Morgunblaðið - 17.01.2005, Qupperneq 14
14 MÁNUDAGUR 17. JANÚAR 2005 MORGUNBLAÐIÐ
DAGLEGT LÍF
Nýr veitingastaður, semhlotið hefur nafnið Ang-elo, var opnaður á Þor-láksmessu í húsnæði
verslunar Guðlaugs A. Magnússonar
á Laugavegi 22a. Nafnið er sótt að
Miðjarðarhafinu og þýðir í raun „eng-
ill“ eða „sendiboði“, að sögn Hönnu
Sigríðar Magnúsdóttur, eiganda og
rekstraraðila nýja staðarins. Afi
Hönnu Sigríðar, gullsmiðurinn Guð-
laugur A. Magnússon, stofnaði versl-
un sína þarna árið 1924, en hana rek-
ur nú Hanna Sigríður í samstarfi við
föður sinn Magnús Guðlaugsson.
Hanna Sigríður sá um alla hönnun
nýja veitingahússins. Hún segist þó
ekki vera menntuð sem arkitekt held-
ur hafi hún sérlega gaman af að fikta
við að glíma við útlit og hönnun. Hún
segist á hinn bóginn vera menntaður
viðskiptafræðingur frá Bandaríkj-
unum og leggi nú stund á masters-
nám í stjórnun og samskiptafræðum
við University of Oklahoma. Námið
og fyrirlestra sækir hún í herstöðina
á Keflavíkurflugvelli, en þangað
koma reglulega kennarar og fyrirles-
arar frá háskólanum vestra.
Allt að sextíu í sæti
Nýi veitingastaðurinn tekur allt að
sextíu manns í sæti og verður opið frá
11 á daginn til 23.30 á kvöldin virka
daga og til 1.00 um helgar. „Ég ætla
að bjóða upp á kaffiveitingar og létta
heilsurétti á daginn og á kvöldin má
búast við Miðjarðarhafs-eldhúsi með
íslensku hráefni. „Ég ætla að leggja
áherslu á að hafa okkar góða íslenska
hráefni, svo sem fiskinn, humarinn og
lambið, í Miðjarðarhafsbúningi.“
Hanna Sigríður segist vera ánægð
með framkvæmdirnar og er bjartsýn
á nýja reksturinn. „Ég er fyrst og
fremst að stíla inn á notalegt and-
rúmsloft.“
Auk veitingahússins og verslunar-
innar, sem aðallega verslar nú með ís-
lenska silfurborðbúnaðinn og jóla-
skeiðina, er rekið hótel á efri hæðum
hússins sem hefur verið að smá-
stækka á síðustu árum. Það heitir
Hótel Frón og býr nú yfir 50–60 her-
bergjum sem öll voru bókuð yfir há-
tíðarnar.
Að lokum var nýi veitingahúseig-
andinn beðinn um að deila með les-
endum uppskrift og urðu grillaðar
risarækjur á rósmarinspjóti fyrir val-
inu.
Grillaðar risarækjur
á rósmarínspjóti
Um það bil þrjár risarækjur
á hvert spjót
Fjarlægið skelina og gerið rækjuna
klára fyrir spjótið. Hreinsið æðina úr
rækjunni með beittum hníf. Fjar-
lægið blöðin neðst af rósmarín-
stilknum og skiljið eftir blöðin efst á
stilknum.
Marineringin
Söxuð rósmarinblöð
hvítlauksrif
ólífuolía.
Marinerið rækjurnar í allt að 24 tíma.
Þræðið síðan upp á rósmarín-
stilkana. Kryddið og grillið.
MATUR | Nýi veitingastaðurinn Angelo
Morgunblaðið/Árni Sæberg
Hanna Sigríður Magnúsdóttir er eigandi og hönnuður nýja veitingastaðarins Angelo.
Íslenskt
hráefni
í Miðjarð-
arhafs-
búningi
Angelo tekur allt að 60 manns í sæti og vildi hönnuðurinn fyrst og fremst ná fram notalegri stemningu.
Veitingastaðurinn Angelo
Laugavegi 22a
Reykjavík
join@mbl.is
HEIÐARLEGIR heimiliskettir eiga ekkert
minna skilið en að haldið sé almennilega upp á
afmæli þeirra eins og
annarra heimilis-
meðlima. Svo segir
Unnur Guttormsdóttir
sem heldur ævinlega
með miklum mynd-
arbrag upp á fæðingardaga Depils og Dúfu
Dalalæðu, en svo heita kisurnar hennar tvær.
„Þessir kettir eru miklir aristókratar enda búa
þeir í 101 Reykjavík og lifa í sönnum vellyst-
ingum. En þau eru hvorugt mikil partídýr og
halda sig því til hlés þegar afmælisveislur
þeirra hvolfast yfir. Lauma sér þá gjarnan
undir sófa eða á aðra
staði þar sem ekki
næst til þeirra. Dúfa
heitir einmitt Dala-
læða af því að hún er
svolítil dalalæða í sér.“
Draugfínar
með hatta
Depill er sumarköttur,
fæddur á Jónsmess-
unni, og á afmælisdaginn
hans boðar Unnur til sín
alla sína vini sem hafa yndi
af köttum og eru konur þar í
miklum meiri-
hluta. „Þær
koma hingað al-
veg draugfínar með hatta og innpakkaðar gjafir
handa Depli. Gestirnir koma líka með skemmti-
atriði, lesa upp kattasögur, segja reynslusögur
af kattahaldi og fara með kattavísur.
En ég býð upp á fiskisúpu og með kaffinu ber
ég fram kattartungur,“ segir Unnur og bætir
við að í einu afmælinu hafi gestirnir tekið upp á
því að laumast inn á baðherbergi og mála þar á
andlitið veiðihár og gert sig þannig eins kisu-
lega og hægt var. „Þetta er hávirðulegt fólk hér
í bæ og þau voru búin að steingleyma hvernig
þau litu út þegar þau yfirgáfu samkvæmið. Ég
veit að sonur einnar konunnar varð óskaplega
spéhræddur fyrir hönd móður sinnar þegar
hann komst að því að hún hafði gengið svona
um götur bæjarins.“
Á ársafmæli Depils var Unnur stödd norður í
landi, í Leiklistarskóla Bandalags íslenskra
leikfélaga, en hún lét fjarveru afmælisbarnsins
ekki aftra því að bjóða þeim sem voru með
henni í skólanum upp á freyðivín í Kjarnaskógi
í tilefni dagsins.
Dúfa er jólaköttur, fædd á jóladag, svo af-
mælið hennar er með svolítið öðru sniði en
Depils. „Ég hef alltaf opið hús á Þorláksmessu
og það er svona bland af jólaboði og afmælis-
veislu Dúfu þar sem henni eru færðar afmæl-
isgjafir.“
GÆLUDÝR | Sannkallaðir hefðarkettir í 101 Reykjavík
Býður kattar-
tungur og fiski-
súpu í afmæli kisu
Depill og Dúfa Dalalæða eru sérlega vel haldnir kettir. Dálítið
dekraðir sérvitringar og sannarlega ekki allra. Kristín Heiða
Kristinsdóttir fékk klær í læri og hvæs í eyra frá heimóttarlegum
köttum í miðbænum.
Dúfa Dalalæða í
fangi móður
sinnar, Unnar
Guttormsdóttur.
Unnur fékk þessa
mynd af Depli í
afmælisgjöf frá
vinum sínum en
Brian Pilkington
gerði hana.
Unnur 10 ára hjá frændfólki
sínu í Eyrarsveit og búin að
dressa köttinn sinn upp í
jakka og húfu.